يوميات " مقرود " .. ويدعى " مطعوس " ،

[الراشد]

(1)



السلام عليكم ورحمة الله وبركاته ..


الأخ مطعوس يرحب بكم في هذه الصفحة ، ويقول كل عام وأنتم بخير ، ويقول : طبعا الراشد انتهت مهمته هنا ..

وأنا " مطعوس " اللي أبي آخذ راحتي في هذه الصفحة وأحكي لكم عن مغامراتي ..

الراشد : يا ملقوف ألحين أنا اللي جايبك لهذي الصفحة وجحدتني !!
مطعوس : هاه أجل ما تقول خذ راحتك بين إخوانك !!
الراشد : من أولها لقافة .. اقضب أرضك وخلني أفضح بك عندهم ، " طبعا هو حق فزعات لكن مصايب "

اسمعوا :

هذا فيه واحد اسمه "مطعوس" >>> قلّة الأسماء إلا ها الاسم ، الزبدة كان نايم في ليلة من الليالي ، وفجأة جت أمه تقعده علشان يودي أخته للمستشفى , قعد "يمعك عيونه ويتثاوب " شغل السيارة وراح للمستشفى ويوم وصل المستشفى طفأ السيارة ونزل , وصل الدكتور وسلم عليه وجلس على الكرسي , قال الدكتور : أهلا تشتكي من شيء
هنا رجع حبيبنا مطعوس يفكر " أنا ليش جاي هنا , ........ وأخيرا , لا يا دكتور لكن نسيت أختي !! "


وأول ماطلع من عند الدكتور وإلا هذي أمه وأخته جايات من البيت مشي , طبعا لا أستطيع ذكر العبارات التي أتته من أمه كالعواصف أمام الناس في المستشفى .

أما هو فـ أظن أنكم فهمتم مالذي حدث له .