كل عامٍ وأنتم بخير ..

محاولة قديمة ..

.
.
.



هالعيد هذا غير عن كل الأعياد
متخالطٍ فيه الفرح والشجوني
.
كلٍ يردد جعلكم دوم عوّاد
وآقول من دونه تراكم بدوني
.
جسمي بوادي بس أفكاري بواد
هنتم عليّه كان عنده أهوني
.
خابره يآصلني ولو بيده أقياد
وآنا آصله لو كنت أقدّم عيوني
.
وأحيان أقول أنه مع الوقت شدّاد
والظرف حايل دون وصله ودوني
.
أحيان أقول يجيك من دون ميعاد
وأحيان .. مدري ..علّ ربي يعوني
.
أرفع يديني للسما والـوله زاد
والدمع في عيني يكافح ظنوني
.
عساه حي وحوله الشر ما راد
وعساه في خيرٍ ولابه طعوني
.
وعساه في بحر التباشير ردّاد
وعساه يذكرني وينشد لحوني
.
وأبسألك يفلان في موقفٍ جاد
يأفلان مدري كيف عيّد بدوني
.
والعيد معها غير عن كل الأعياد
عيدٍ بقربه ما تجيه الشجوني

.
.
.


وسلامتك ..

ممكن سؤال يا غالي بعد التحيه يا الدب الداشر أخوك بندر الرخيص معاك يا غالي ولا في واحد ثاني يا عنوني
يا ابوووفهد الرجاء التحديد وصح لسانك ياغالي على الأبداع الجميل والى الأمام