قصائد حزينة وقوية

[رفحاوي]

[align=center]
شالح بن هدلان يرثي ابنه ذيب وهو حي:


ما ذكر حي ٍ بكى حي يا ذيب === واليوم انا ببكيك لو كنت حيا
ويا ذيب يبكونك هل الفطرّ الشيب === إن لايعتهم مثل خيل المحيا
وتبكيك قطعان ٍعليها الكواليب === وشيّال حمل اللي يبون الكفيّا
وتبكيك وضح ٍعلقوها دباديب === إن رددت مـن يمّة الخوف عيّا
ويبكيك من صكّت عليه المغاليـب === إن صاح بأعلى الصوت ياهل الحميّا
ننزل بك الحزم المطرّف لياهيب === إن رددوهن ناقلين العصيا
أنا اشهد انك بيننا منقع الطيب === والطيب عـسـرٍ مطلبه ما تهـّيا

http://toraath.jeeran.com/3yoon.html
===================================

إليكم أيها الأخوة الكرام أنقل لكم هذه القصة وقصيدتها وهي من الشاعر شالح بن هدلان وهو يرثي فيها إبنه ذيب الذي قتله أحد سقاة عتيبة عند بئر تسمى ( مليه ) 0

ويعتبر قتل ذيب بن شالح بن هدلان كارثة كبرى ليست على شالح فقط بل على عائلته آل هدلان وعلى قبيلة الخنافرة جميعهم0

فقد عاش شالح بن هدلان بعد موت إبنه ذيب حزينا كظيما يسهر أيامه ولياليه ولا يفارق قهوته ويقول أشعارا كثيرة يرثي فيها إينه ذيب0
إليكم أيها الأخوة الأعزاء هذه المرثية0
( مرثية شالح بن هدلان في إبنه ذيب )

ياربعنا ياللي على الفطر الشيب ... عز الله انه ضاع منكم وداعه
رحتوا على الطوعات مثل العياسيب ... وجيتوا وخليتوا لقلبي بضاعه
خليتوا النادر بدار الاجانيب ... وضاقت بي الافاق عقب اتساعه
تكدرن لي صافيات المشاريب ... وبالعون شفت الذل عقب المجاعه
ياذيب انا بوصيك لا تاكل الذيب ... كم ليله عشاك عقب المجاعه
كم ليله عشاك حرش العراقيب ... وكم شيخ قوم كزته لك ذراعه
كفه بعدوانه شنيع المضاريب ... ويسقي عدوم بالوغى سم ساعه
ويضحك ليا صكت عليه المغاليب ... ويلكد على جمع العدو بااندفاعه
وبيته لجيرانه يشيد على الطيب ... وللضيف يبني في طويل الرفاعه
جرحي عطيب ولا بقى لي مقاضيب ... وافخت حبل الوصل عقب انقطاعه
كني بعد فقده بحامي اللواهيب ... وكني غريب الدار مالي جماعه
من عقب ذيب , الخيل عرج مهاليب ... ياهل الرمك ماعاد فيهن طماعه
قالوا تطيب وقلت: وشلون بااطيب ... وطلبت من عند الكريم الشفاعه

http://mutir.com/vbvv/showthread.php?t=10362
========================

أخذ سعدون العواجي , يقابل كل كوكبة من الخيل يسأل عن عقاب وحجاب , فيقولون له عهدنا بعقاب والخيل هاربة عنه , وهو يطاردها , وبقي سعدون على هذه الحال يسأل عن ابنيه , وعندما قرب الصباح وعقاب وأخوه لم يرجعا ,وكان سعدون ساهرا طوال ليله والأسى يخامر نفسه , فقال هذه القصيدة :

البارحة نومي بروس الصعانين = طوال ليلي ما تهنـّـيت بمراح
كبد نعالجها بعوج الغلاوين = وروابع ٍ ما تودع القلب ينساح
بلاي والله يا ملا خابر ٍ شين = تظهر علينا مرمسات ٍ الى راح
اللي يكفّ الخيل كفّ البعارين = ويرخص بروحه يوم يغلون الأرواح
خيّالنا يوم اكتراب الميازين = ويرعى بظله بالخطر كل مصلاح
حالوا عليه اللي على الموت جسرين = لا وابعيْني ما يجاجون ذباح


الشيخ سعدون فقد كبر مصابه بعد مقتل ابنيه , الذين أشادا مجده , وسجلا له مفاخر
لا زالت باقية لعائلة العواجية , وملكا قبيلتهم ديارا لا زالوا عائشين بها , وقد قال الشيخ
سعدون أشعارا كثيرة بابنيه , وهاتان قصيدتان منها , أولها :

ياونة ونيتها تسع ونـــــــات = مع تسع مع تســـعيـن مع عشر ألـوفي
مع كثرهن باقصى الحشا مستكنـات = عداد خلق الله كــــثير الوصـــوفي
ونة طريح طاح والخيل عجـــلات = كسره حدا الساقيــــن غاد ٍ سعـــوفي
على سيوف بالملاقى مهمــــات = سيفين أغلى ما غــــدا من سيــوفي
وعلى محوص بالموارد قويـــات = أسقي بهن لو القبـــــائل صــفوفي
احشم بحشمتهن ولو هن بعيـــدات = وأنام لو ان الضــــوارى تــحوفي
خليتني ياعقاب ما به مــــروات = عيالك صغار والــــدهر به جـنوفي
من عقبكم ما نبكي الحي لو مـــات = ولاني على الدنيا كثــــير الحسوفي
ياطول ما جريت بالصدر ونــات = على فراق معطرين الــــسيـوفي
وياعقاب عقبك شفت بالوقت ميــلات = واوجست انا من ضيم بقعا حـــفوفي
مرحوم يا نطـّـاح وجه المغيــرات = إن جن كراديس السبايا صفـــوفي
مرحوم يا مشبع سباع ٍ مجيعــات = وعز الله أنه عقبكم زاد خـــوفـــي
الخيل تدري بك نهار المثــارات = ياللي على كل الملا فيك نــوفـــي
والخيل تقفي من فعولك مــعيفات = تاطا شخانيب الرضم ما تشوفـــي

لمزيد من التفاصيل إضغط الرابط :

http://ksa.us.com/ar/vb/us324.html

=======================

ضيف الله بن حميد يرثي أخاه عبيد

يا ونتي ونة كسير الجباره === ليا وقف ماحتال وليا قعد ون
عليك يا شباب ضو المناره === عليك ترفات الصبايا ينوحن
من مات عقب عبيد قلنا وداره === لا باكيٍ عقبه ولا قايلٍ من
تبكيك صفر ٍ لبسوها غياره === تبكيك يوم ان السبايا يعنن
وتبكيك وضحٍ ربعن بالزباره === ليا قزن مع خايع ٍ ما يردن
الخيل عقب عبيد مابه نماره === وش عاد لو راحن وش عاد لو جن
يا شيخ ما تامر عليهم بغاره === كود الجروح اللي على القلب يبرن
يقطع صبيٍ ما ينادي بثاره === ليا اقبلن ذولي وذوليك قفن
ياهل الرمك كل يعسّف مهاره === والمنع ما نطريه لاهم ولا حن

http://toraath.jeeran.com/3yoon.html
[/align]

[مرضي بن مشوح]

الله يعطيك العافيه

[رفحاوي]

الله يعطيك العافيه

[align=center]
الله يعافيك ...
[/align]

[البندق]

الله لا يجيب الحزن

[رفحاوي]

الله لا يجيب الحزن

[align=center]
اللهم امين ...

[/align]

[ذويبان11]

جزيت خيرا رفحاوي
وبورك فيك

[القروي]

الحمدلله
فعلاً قصائد يقشعرّ منها البدن وتشمئزّ منها النفس مصائب الله يبعدها عن المسلمين
بعدين انت هاليومين قمت تجيب اجواز خلها بالتقسيط حتى ماتعطينا عريض كتوفك !
وتفقد القصيده حلاوتها بالقراءه ّ
جهد مشكور عليه رفحاوي الله يعطيك الصحه والتوفيق .

[النجلاء،،،]

يسلمووو رفحاوي على القصائد

[المديرالسعودي]

الله يعطيك العافيه
رائعه

[فهد]

يعطيك العافيه

قصايد محزنه ومؤثره ..الله يبعد الحزن عنك وعن المسلمين

[رفحاوي]

جزيت خيرا رفحاوي
وبورك فيك

[align=center]
اللهم آمين واياك اخوي ذويبان 1 ...
[/align]

[رفحاوي]

الحمدلله
فعلاً قصائد يقشعرّ منها البدن وتشمئزّ منها النفس مصائب الله يبعدها عن المسلمين
بعدين انت هاليومين قمت تجيب اجواز خلها بالتقسيط حتى ماتعطينا عريض كتوفك !
وتفقد القصيده حلاوتها بالقراءه ّ
جهد مشكور عليه رفحاوي الله يعطيك الصحه والتوفيق .

[align=center]
الله يعافيك يالغالي الحاضر الغائب ...

لك وحشة يابو سامي ...

سلامة بدنك من القشعريرة وعليك بتكملة النصاب ولا تنسى تعزمنا يالقاطع ...
[/align]

[رفحاوي]

يسلمووو رفحاوي على القصائد

[align=center]
الله يسلمك يالنجلاء ...
[/align]

[رفحاوي]

الله يعطيك العافيه
رائعه

[align=center]
الله يعافيك ...
[/align]

[رفحاوي]

يعطيك العافيه

قصايد محزنه ومؤثره ..الله يبعد الحزن عنك وعن المسلمين

[align=center]
اللهم امين ...

الله يعافيك اخوي فهد ويردك سالم غانم ...
[/align]