العود عود وطايحـاتٍ سنونـه ....عودٍ مهرقل والعرب ما يبونـه

[متعب فهد]

السلام عليكم ورحمه الله وبركاته



بدايه القصه عن شايب اسمه حمدان .....وهواوي ( قلبه خضر ) ما يشوف بنت الا ينفتن

ومشهور بانه حبيب

فيه بنت صاحبة مقالب قالت في نفسها انا ليه ما اروح للشايب

وامزح معه واضحكه شوي واشوف ردة فعله كيف تكون



راحت له وردت عليه السلام كيف حالك يا شايب رد السلام والله بخير الله يعافيس

وفجأه عطته ظهرها ومشت ولا استإذان ولا شي



تولع الشايب من حركتها قال فيها كم بيت يستعطفها فيها

ويقول انها ذكرته الماضي و اذا ما عطيتيني وجه لحقت باخوي حمود اللي في قبره

ويذكر التاريخ واليوم اللي قابلها فيه

يقول الشايب :


يا بنت خوذي خاطري وارحميني

لا تجرحين العود بعيونك السـود

غضي نظرك وغطي الوجنتينـي

لعل يومٍ جدد الجرح مـا يعـود

يوم انتهى مع مرمسات السنينـي

جتني صواديفه على غير مقصود

باول شهر عشره نهـار الثنينـي

حمدان مروا به على جنازة حمود

البنت كانت تقصد من استفزازه انها تجاريه في الشعر

وترد عليه والمسكين ما كان يدري انها شاعره

وعلى باله ما خذ راحته في التغزل

ردت عليه وهزأته تقول:

يا شايب الرحمن وينـك ووينـي

عزي لحالك قدمك الباب مسـدود

قلبك عطوف وجاه قلـبٍ متينـي

والبنت ما تشفق على مغازل العود

حبل الرجا مقطوع بينـك وبينـي

مثل الغليث اللي رعا قلبه الـدود

اقفى شبابـك والعـرب مقبلينـي

يا عود ما يرجع من العمر مفقود


حطمته يوم قالت له انك عود وان الشباب ما يرجع

وان ما فيه امل تعطيه وجه حس العود انه تورط

وقال كم بيت يقول لها صدي عني

وانه ما يبي الغزل بعد ما وصل عمره ثمانين سنه

يقول حمدان :




يا بنت صـدي بالعيـون الظليلـه

لا صد عنـك الله نهـار القيامـه

مالي ومالك يالفـروع الطويلـه

لو فيك من رسم البـداوه علامـه

يابنت مـا لـي بالثمانيـن حيلـه

اهدف كما تهدف على البير قامـه

اقفى شبابي والدهر شفـت ميلـه

يالله حسـن الخاتمـه والسلامـه

اعطيك موجز والبضاعـه قليلـه
واخذت لك من صافي الماء سنامه



راحت الايام والشايب مسكين سنه خذله معها

شايب وهي بنت وتقول له كيف اعطي شايب وجه


بعد فتره مرته مره ثانيه

وردت عليه السلام واستفزته وراحت وخلته

تولع الشايب وقال ليه ما ابين لها في كم بيت انها بتشيب مثلي

واني رجال طيب وان الناس تنصاني ومعروف بالكرم واني ما ابي منها

غير التحيه والترحيب

يقول حمدان :

يا بنت ما جاس الكبـر والخشونـه

وعادت شباب اليوم يجفل من الشيب

ياسرع ما وبلـك تمـزع مزونـه

يالفاتنـه يـا ام الثمـان الرعابيـب

يا بنت مـا بينـي وبينـك مهونـه

كلمة شرف نبي تحيـه وترحيـب

الله مـن عـودٍ ثقيـلـه طنـونـه

ينصاه راع المشكلـه والمواجيـب

على الكرم والديـن نفسـه حنونـه

تلقاه بالاجـواد شـرق وتغاريـب


جهز الابيات وارسلها مع عجوز ووعد العجوز بهديه اذا وصلت الرساله لها



راحت العجوز وعطت البنت الابيات شافتها البنت وقفلت على العجوز في غرفه

وقالت مثل ما جيتي بابياته ترجعين بابياتي

العجوز مسكينه قالت طلعيني ولا ابي منكم شي الله لا يعودكم انتم واوراقكم



ردت البنت ابيات اقوى من الاولى واكثر تحطيم

مسكين الشايب ما احد رحمه حتى لو حاول يستعطف

تقول البنت


العود عود وطايحـاتٍ سنونـه

من كثر ما يرقد على جرة الذيب

عودٍ مهرقل والعرب ما يبونـه

ياعود ما لك في طويل المراقيب

اقفى شباب العود راحت حتونه

مثل اليتيم اللي بكا ما له مجيب

جداه ينثر دمعـة ٍ مـن عيونـه

غريق موجٍ ما لقا له مقاضيـب

إن شاء الله تكون القصة أعجبتكم ونستكم ...

[البندق]

رايح فيها وطي الشويب

[همّام]

أخوي متعب فهد
أمتعتنا بالقصة وجمال الأبيات
متعك الله بالصحة والعافية

[ذويبان11]

هالشويب صحيح هواوي

[مفكر]

نام شباب مع شيخ كبير في بيته وكان قد بلغ الثمانين من عمره فما نام طول الليل, فهو دائما في أنين وزفير وفي شهيق حتى صلاة الفجر فقال له الشباب لما صلى الفجر؟ ما تركتنا ننام البارحة فعمل قصيدة يقول فيها:

قالوا أنينك طول الليل يزعجنا*** فما الذي تشتكي قلت الثماني



حلوة بس لاتكون أنت الشايب ؟

[متعب فهد]

رايح فيها وطي الشويب

شيبانا اول شغلتهم وهم شباب بس النصب وياهذا قاموا يعذربون على شباب هالوقت .. تحياتي البندق

[متعب فهد]

أخوي متعب فهد
أمتعتنا بالقصة وجمال الأبيات
متعك الله بالصحة والعافية

حياك الله اسعدني مرورك الكريم

[متعب فهد]

هالشويب صحيح هواوي

لا ومولي بعد .. حياك ذوبيان

[متعب فهد]

نام شباب مع شيخ كبير في بيته وكان قد بلغ الثمانين من عمره فما نام طول الليل, فهو دائما في أنين وزفير وفي شهيق حتى صلاة الفجر فقال له الشباب لما صلى الفجر؟ ما تركتنا ننام البارحة فعمل قصيدة يقول فيها:

قالوا أنينك طول الليل يزعجنا*** فما الذي تشتكي قلت الثماني



حلوة بس لاتكون أنت الشايب ؟

الثمانينا مو الثماني .. بعدين إذا كنت انا الشايب ليكون انت ....... لا تعودها

[مرضي بن مشوح]

مشكور على هالقصة

[الدب المنفلت]

مشكورعلى هالقصة

[شوت]

قصة ممتعة .. يعطيك العافية

[المستشار_2008]

شايب ويبغى هوى المزيون
والزين خلاه ملهوفي
ذكر شبابه ولامن لون
كود الولع يتبعه خوفي
(((((( الله يعين الشويب))))))))

[رااايق]

أويييييييييييييييييييييييييييييييحي الا واااعزااااه يالشوووويب قلبه خضر الماخووذ

>> حقدت على البنت ... :(

[متعب فهد]

حياكم وشكراً على المرور