[ يقول انتي شاعره.؟ قلت معلوم .!! ]

[سندريلا]

[ مدخل..!! ]





جاني حبيبي ونظرته كلهـا لـوم
........ يعقد حجاجه والغضب فيه ثايـر

يقول انتي شاعره ؟ قلت معلوم.!
........ قلي علامك ثاير ٍ ويش صايـر.؟

قال القصيد اللي تقوليـن مفهـوم
......... لكنْ باقـي شـي بالبـال حايـر

دايم نصيبي من قصايدك محـروم
...... هذي هي الحشمه؟ وهذي القداير؟

يومه زعل مني غدى القلب مهموم
....... لا يا بعد عمـري فدتـه النظايـر

العين تسكب دمعها عافـت النـوم
....... بأسباب كلمه اسقطـت بالظمايـر

مايدري انه ملهمة شعري اليـوم
....... واني لجل عينه ذرفـت العبايـر

يا الله جعله ما عشق غيـر (.....)
......... والله بشعـري لا أشيّـد عمايـر








بعد هذا الموقف آثرت ان استرضيه بهذه المتواضعه

فـ عله يرضى عليّ ...








ياقلب انا بعطيك للحـب توكيـل
.........وابيك تفزع بالمهمـه تروحـي

تبوس خشمه نسل هاك الحلاحيل
......وتهديه دمعي مع بقايا جروحـي

قله ترى يافلان بالحق ما اميـل
......وابشر بشرح ٍ فيه كل الوضوحي

وتخْبره باللي حصل بالتفاصيـل
.....لا يظلم احساسي ويسمع ويوحي

اغليه واللي نّزل الحـق تنّزيـل
......اللي ملك فكري وعقلي وبوحـي

لولاه ماقلت الشعر والمواوويـل
.......يحرم عليه بدعهن لـو انوحـي

و يا مل قلب ٍ شيّبتـه الغرابيـل
.....والهم يبقى (ما يغور ) ويروحي

عزي لحالي لا ذكـرت البهاذيـل
......وانه بعيد و بالمواصل شحوحـي

وعزي لحالي كل ما ظلّـم الليـل
......اليا حضر همي وفكري يشوحـي

يم الذي بديـار نجـد المشاكيـل
.....الصاحب اللي ساكن ٍ وسط روحي







ومعذرة ً على القصور


السندريلا

[ذويبان11]

قصائد رائعه بورك فيك

[ابومتعب_001]

صح لسانك ياشاعره القصيده رائعه

[بنت السناعيس]

صح لسانك
وقصيدة جميله
تقبلي مروري اختك بنت السناعيس

[سندريلا]

قصائد رائعه بورك فيك

حيـّاك وبيـّاك .. لاهنت

[سندريلا]

صح لسانك ياشاعره القصيده رائعه

صح بدنك .. الرائع حضورك .. لاهنت

[سندريلا]

صح لسانك
وقصيدة جميله
تقبلي مروري اختك بنت السناعيس

حيـّاك وبيـّاك .. صح بدنك والجميل حضورك

لاهنتي

[العلياني]

صح لسانك ياشاعره القصيده رائعه

[سندريلا]

صح لسانك ياشاعره القصيده رائعه

حيـّاك وبيـّاك .. صح بدنك ولاهنت على المرور