طفلة تسولف لي عن الحب بشويش
وانا كذا بشويـش مجنـون طفلـة

لاقلت أحبك بس صفت لـي الجيـش
جيش الرموش اللي غزتنـي بغفلـه

وقالت بهمسة ذايبه أممم بس ايش
الأممم هـذي بـس ياخـوك حفلـة

سكت ! قالت أووه من دون تطنيـش
ومافيه عرق ٍ بالجسد ماعـزف لـه

واموت بك قالت ولاتوّكلـك عيـش
تعبت الاقـي مفـردة تنوصـف لـه

طفلة يجرّح خدّهـا ملمـس الريـش
حتى الخطا لاسوّتـه ينتصـف لـه

علمتهـا إنّ الأمانـي لهـا طيـش
وعلمتهـا إن المواعـيـد جفـلـه

دنقت طاحت دمعتي واصرخت ليـش
قلت التعب يابنت غصب انجرف لـه

قالت وهي تمسح على شفاي بشويش
بشويش لاتبكي من الحـزن طفلـه

مدامنا بالكـون هـذا نبي نعيش
ودنياك ماتسوى مـن شفـاك تفلـه







اعجبتني اواتمنى تعجبكم