أسئله حساسه للشباب ..أسئله حساسه للبنات

[*العنا*]

[align=center]فكرة الموضوع تتمحور على البنات كالعادة ..
وش له ما نشوف مواضيع تتمحور حوالين هالشباب الصايع اهني
و هناك و قاعد يلعب على بنات آدم و مو مخلي المخاليق لحالهم ..

]> وش عندها أنسة معترض !

:

يالله ..

[ بسم الله ]


إلحين نجاوب ..


.


_ ماسبب مضايقة الشاب للبنت في الاسواق ؟

يعتمد ،، لأن في حالات ..
و بتفلسف على حسب بيئتي يعني .. إذا أمكن يعني ..

المهم ..

إذا جاتك بنت كاشخة و متعدلة ، و صابغة الدقلة و مطلعة منها
شوي ، و إلا وحده ثانية الجينز ...........! بلا تعليق يعني ، و الأصباغ
محيطة في ويهها من كل جانب و صوب ، و غير و غير و غير من الأشكال ..

إهني بعد في حالتين لهم ..

حالة منهم تتعمد جذب الشباب ، و عشان جذيه يقوم الشاب و يرقم و إلا بمصطلح
ثاني يقوم و يضايق البنت ..
و الحالة الثانية ، مو قصدها شي ، بس يمكن تربيتها جاية جذيه ، و العلم عند خالقنا
، بس بما إنها قدمت نفسها بهذي الصورة تلاقي الشباب يقومون يضايقونها ..

و في حالة ، تجي البنت متسترة و مو باين منها شي بكاملها ، بس هذا الشاب
بباله يرقم و إلا شي من هذا القبيل ، فتلاقيه يضايقها ، مو لشي .. بس صياعة شباب ..
و هذا و الله .. حاصل جداً جداً .. و بكثرة كثيرة جداً ..

- هل تعقديين ان الشباب هو من يبداء في معاكسة البنت ؟

في هالزمن لاااا ..

الطرفين طبعاً ..


و في بنات يلحقون ورا الشباب ..
خاصة إذا كان كاشخ و حاط له عطر جريد و إلا بلاك آرمي ..
و يمكن الفارس بعد ..



_ ماسبب عدم احتشام البنات اثناء خروجهم ؟

أسباب وآيد ..
يمكن وحده ستايلها جاي هلون ]> خوش ستايل ..
بس صج تراه و الله ..
و يمكن وحده تتبع الموضة ، و يمكن لشغلها ، و في بنات يقولون لك من أهلهم
و تراهم صاجين و الله ،، و غير و غير و غير ..

-هل تعقدين ان التفتح هو سبب ظهور هذه الفتن مثل الكليبات والفضائيات الهابطة ؟

شي أكيد ،،
و لا خلاف عليه ..

- هل تتدخل اسرتك في انتقاء ملابسك يضايقك ويحسسك بعدم الرضاء عن نفسك ؟

بصراحة ..
ما قط شريت مرة و تدخلو ..
لأن قبل نشري ، عارفين وش اللي لازم نشريه ^_^ ..

- تعتقدين ان ملابس البنت تفرض احترامها عند الخروج من بيتك ؟

شي أكيد ، له دور كبير ، بس مو بنسبة مية مية ^_^ ..

- مامدى تأثير اصدقائك على طباعك وشخصيتك ؟

بصراحة ..
ما لهم أي دور و لا أي تأثير ..
بناء شخصيتي ، شي خاص فيني ..
ما يقوم على نقائض الغير : ) ..


:

سنيورهـ شمريهـ !

تسلمين أوختي ..
و يعافيج ربي ..
ما تقصرين .. و مشكووورة ..[/align]