((صالح الشيحي )) في يد نكره

[كورن فليكس]

اولا اسرد عليكم ماقاله مدير تحرير مجله فواصل ... ((( طلبت من الاخ يوسف الكهفي يعمل حوار صحفي مع صالح الشيحي لاني اعرف ان للشيحي قراء كثيرين واعرف بعد انه ماعمل حوارت كثير ه قبل كذا ..
اتصل يوسف الكهفي بالشيحي ووافق مشكورا وارسلنا له الاسئله وفي خلال ايام قليله رد علينا بالاجابات وبـ ( شي ثاني ) ..
جأني يوسف في المكتب وهو مستغرب كثير .. ومعه الشئ الثاني ..الي هي مقدمه للحوار .. وقال ان الشيحي يطلب مني ان اضع مقدمة الحوار التي كتبها ..طبعا بشكل مؤدب .. يعني الحقيقه تفاجأت كيف كاتب عمود يومي معروف وله جماهير ويمتهن الاعراف الصحفيه .
قرات المقدمه واستحيت والله الرجال قاعد يمدح بنفسه بشكل مخجل وبطريقه سمجه جدا جدا طلبت من يوسف يعيد الاتصال بالشيحي وانا موجود ويكلمه عن المقدمه مره اخرى عشان اتأكد ..وفعلا سمعت الشيحي بأذني يطلب من يوسف يحط مقدمه الحوار اللي بعثها .
قلت ليوسف اكتب الموضوع وحط مقدمه الشيحي بس لاتنشر الحوار عشان تكون عبر له طبعا بعد مانزل العدد ثارت ثائره الشيحي وكلم على المجله وارسل لنا ( مراسيل ) وامس كتب في الوطن بشكل مخجل عن جرد الرجال من وطنيته وجنسيته وصار يتكلم بطريقه يجل الواحد منها )))

وبعد هذا الكلام ايعقل ان يكون كاتب الوطن الصالح صالح الشيحي بهذا الاسلوب ام اننا نمشي بمقوله شجر ممثر ولابد ان يرمى وللاسف يرمى من هذا المتسعود والنكره ومن امتهن مهنه ليس بكفؤ لها وهي صاحبة الجلاله وهو يوسف الكهفي والذي تجرا على هذا المواطن الرمز صالح الشيحي ..
لانقول سوى القافله تسير ................ ,

وتقبلو تحياتي

اخوكم

كورن فليكس

[المختلف]

اخي العزيز
انا فهمت من كلامك ان الاخ صالح لم يقل اويكتب هذه المقدمة !!!!!
وانت هنا دافع عن صالح وقلت لا يجوز التجريح والتهجم( في ما معناه )
وانت هنا لمحت بهجمات على الكاتب يوسف الكفهي وكانك تقول انه كاذب
وانا هنا لا ادفع عن يوسف او صالح لانني لا اعرف اي منهما
لكن انت تطالب في العدالة اليس كذلك وانت هنا تلمح ان يوسف كاذب (وهذا ما فهمته انا من كلامك) ولكن اقول لكاذا يكذب يوسف ويفتري على صالح ؟؟؟؟؟؟؟؟؟؟؟
صدقني اني اتمنى ان يكون الكلام غير صحيح لانه نكسة حقيقية لاي كاتب ان يفكر في هذا الاسلوب
ولك تحياتي

[كورن فليكس]

هلابك اخوي المختلف .

انا لست هنا للدفاع عن صالح الشيحي كشخص حيث اني لا اعرفه

ولاكن يكفينا منه زاويه المشهوره (لكن) واما بخصوص ممتهن الصحافه

يوسف الكهفي قلت ماقلت عنه لكثره فبركاته والاعيبه الدنيئه والملتويه

الصحفيه من اجل الربح المادي وليس بمستغرب على مثل هذا

الشخص اي ادعا حيث انه فبرك وفي نفس المطبوعه لقاء كامل مع

سليمان المانع وصرح المانع ان ليس له علم بهذا اللقاء انا هنا للدفاع

عن الابداع والمبدعون من هذا الوطن وصالح الشيحي واحد منهم وقبل

ذالك يكفي انه من اهالي رفحاء كيف لي ان اسكت لهذا المتسعود

والذي قال ماقاله عن الشيحي دون اي دليل او برهان يثبت صحة

ادعائه. وختاما تقبل تحياتي .

اخوك

كورن فليكس

[رفحاوي]

اذا كان الشيحي مظلوم فبامكانه رفع شكوى للقضاء ...

لقد مسحت كلاما كثيرا كتبته خوفا من ازدياد الهجوم على الشيحي خاصة واننا مقبلون على شهر فضيل رزقنا الله واياكم صيامه وقيامه ...

[المستكشف]

شر البلية ما يضحك

صالح مغرور فهل تستغربون منه هذا

الكلام الحقيقي هو ان صالح فعلا ارسل للمجله وتوقيعه موجود على الكلام والكلام مخجل جدا
يستاهل هذا في الدنيا والويل لمحرري المرأه و لبني علمان يوم يقوم الاشهاد

[كورن فليكس]

هلابك اخوي رفحاوي واحسنت بكلامك مافيه حل غير رفع الشكوى لاعطاء كل ذي حق حقه .


الاخ المستكشف .
سواء ارسل او لم يرسل فلا يصح ان يقال عنه علماني وتقبل تحياتي .


ملاحضه * انا لا ادافع عن صالح الشيحي انا استنكر الصاق التهم بدون ادله واذا كان هناك اثبات لدى فواصل فلما لم تضهره حين رد عليهم الشيحي .

معلومه : اختلاف الرأئ لايفسد للود قضيه


اخوكم

كورن فليكس

[ابو شنب]

صالح الشيحي ضيع مشيته ومشيت الحمامه

وعلى ماقالوا هو يغني على اللحن اللي يعجب عمامه العلمانيين

حنا مانقول علماني
لا
فلاكن يبى يجيب مواضيعن مثل كتاب الصحف على هوى روساء هالتحرير وشللهم ويبى يمشى ممشاهم

وابو الشيح مايدري علماني ماعلماني

اهم شين يكتب مواضيعن بزعمه انه زينه وانه نقد

اياملا الغنيمه ياابا الشيح ترك افلست من الثنتين

واللي يدور رضا الناس بسخط الله مفلس

وابو الشيح اذبحه عند مدح نفسه

اخونا كورن فلكس

هذي الحقيقه كانك بغيته وان مابغيته وانا بناخيك خله وتخليك


فلاكن عقب هالسوالف لي ملاحظتن على
ياليت صدرك مايضيق منه

توقيعك
والله . بهذي مامعك حق ياموت...........
.......... ماقلت لك خذني قبل تاخذ امي

الموت بارادة الله ماهو على مزاج البشر ومزاج ابو الشيح

ادري ان قصدك كلمة بر بالوالده فلاكن مهو هلون

[كورن فليكس]

هههههههههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههه

الله يرج مصارينك زود ماهن مرجوجات يابو شنب اجل تقول ( اياملا الغنيمه ياابا الشيح ) تسلم يمينك على ماسطرت لنا وانا والله مااعرف صالح الشيحي فلاكن على قولتك قريت له كم مقال بالوطن وجازلي واذا كان فيه شي غايب عني اعذرون ترا ماني متابع لاكن انا اتكلم لكم عن الكهفي حيث اني اعرف الكثير من مشاكله مع من هب ودب بحثا عن الشهره .


اما بخصوص توقعي ابشر على هالخشم ابي اغيره دام ان البر ماهو هلون تامر امر .

اخوي ابو شنب لك مني التحايا على اسلوبك اللطيف والمحبب وخصوصا ( اياملا الغنيمه ) ياخي جازت لي .

اخوك

كورن فليكس

[حنين الماضي]

ياجماعه الحين مالنا شغلة غير الشيحي
وبعض الشباب مانقرا أسمائهم إلا إذا جت سيرة فلان وعلان
رفحاوي قال كلمه يستاهل عليه جائزة الحكمة<<< هذي جائزة من عندي

ياشباب هذا غلط أو ماغلط الغلط أننا نشهر به ونتكلم بسيرته
اتوقع انه محد هالحين ماعنده ايميل تقدر ترسل له وتقول كل اللي بخاطرك لاكن لا تفتح لغيرك باب المسبه والشتيمه
وترا كلمه ابو الشيح إذا ماأنا غلطانه تدخل ضمن التنابز بالالقاب والعيااااره


أيامالين الغنيمة ( ميخالف أبو شنب أحتجت أتسلفه منك اليوم )استقبلوا رمضان بالهدى والهداية وخلوا عنكم سير خلق الله المخطي واللي ماأخطا

[كورن فليكس]

بسم الله الرحمن الرحيم

اعزائي الاعضاء .

ارى وكما يرا الجميع انه كثر اللغط و التجريح بسبب هذا الموضوع فاتمنى ان يكون ردي هذا هو اخر رد في الموضوع . وعلى قولة حنين الماضي نستقبل رمضان بالهدى والهدايه . واقدم اعتذراي لمن لم يروقه وضع مثل هذا الموضوع . وتقبلو تحياتي

اخوكم

كورن فليكس

[ابو شنب]

هلا كورن فلكس

المفروض برمضان مانشوفك الا من المغرب وورى الناس صيام

تسلم والله هذا من طيبك ووساعة صدرك

اوخيتي حنونه
اول شين يابنت اخيي والله انك غاليه عندي فلاكن اظنك غديتي اليوم غدياتن قشر الله مغنيك عنه
ابو شنب دايمن موجود لا همه ابو الشيح ولا ابو القيصوم
دخلتي للانترنت ياوخيتي بكيفي وتعليقي على المواضيع بكيفي ماهي بكيفك الله يطولي عمرك

اما قولت اكتب هلون ولا تكتب هلون هذي خليه للعييلك ليامنهم جو على خير

ان كان عندك مجادله انا حاضر من هالشنب هذا لياهاشنب هذا
اما تعلمينن متى اكتب ووش اكتب
بهقوتي انك قطعتي الجاده

وحتى لو انا موجود ومابي ارد على موضوع بكيفي

ان ماجاز لك كلامي علمينن علشان قبل مااكتب اشاورك وش اكتب ومتى اكتب وشلون اكتب

اياملا الغنيمه اللي تمشي على قفو لحيث ان ردك يمشي على قفو

ثاني شين
اكثر الناس مايفهم ولا يستوعب متى تنصح الواحد بينك وبينه ومتى تقولها قدام الناس
اللي خطاه بينه وبين نفسه وعلى نفسه هذا تفهمه بينك وبينه
واللي يجاهر بخطاه يبين خطاه قدام الناس
ولازم على اهل الخير تبيين خطاه قدام الناس

ثالث شين
ترينن مانسيت لمزتك لحدى خواتنا بالمنتدى
خليه بيني وبينك

رابع شين
لا تحسبين ابو شنب ماله شغله الا هالجهاز مقابله
تبينن ارابط 24 ساعه


خامس شين
بقي على رمضان يوم
هاتي اللي عندك

سادس شين
اياملا الغنيمه

[صدى البــوادي]

هرطقــــــــــــــــة* هرطقــــــــــــــة ,
وشكرا ,,,

[المستكشف]

الاخ ابو شنب اهد شوي شكل الاخت حنين تقصدني ومعها حق
وعذري اني مشغول وانا سبق وان درست برفحاء واعرف اهلها وطيبتهم
الا ان النكره صالح الشيحي اصبح يتهجم على المدن وعلى المسؤلين الذين لا تكون في مقدمة اسمائهم صاحب السمو
ولي اصدقاء في رفحا بمجرد ما يكتب عن صالح شئ يخبروني عن طريق الجوال او ارسال الرابط او ارسال رساله جوال من كلمة {صادوه}
بعدها اذا كان الموضوع يستحق اعلق والا فلا
وانا اجمع عليه زلاته التي لا تحصى ولكن ما يكتب في هذا المنتدى هو المهم لنعرف عنه اكثر
فلم اعرف انه طالب مدير التعليم بدمج تعليم البنات مع الاولاد الا من منتداكم
ثم هو يزين الفجور ويدعو له ويقول انا لا اقصد هذا فماذا يريد من الناس ان يظنوا به
واحب ان اذكر الاخ كورن فلكس على قاعدة صالح انا لم اقل علماني
راجعوا ردي

يستاهل هذا في الدنيا والويل لمحرري المرأه و لبني علمان يوم يقوم الاشهاد

وهذا كلام صحيح الويل لهم
فلماذا كلامي يا صالح يفهم منه اني وصفتك بالعلمانيه
ودعواتك للرذائل نتركها جانبا ونطاوعك في انك لم تقصدها فماذا تقصد اذا

[حنين الماضي]

ابو شنب الله يصلح قلبي وقلبك ويغنينا عن القشارة والبثاره
من يوم شفت أنا هالشنبات واصلتن عيونك وأنا أقول هالرجيل ضيق صدره وقصير باله

على أول شين
وين اللي من كلامي يقول يابوشنب لا تكتب إلا باذن وكيف حنين!!!!!!
وهذا المعني بالسطر الثاني من ردي الأول فهمه وعذر لنفسه
فلاكن أنت الله يهديك بس تشوف مايعجبك تمسك رشاشك على كل اللي يشارك به ورايه يخالف رايك
لا يابن الناس لاأنا مع الشيحي ولا مع غيره وتراي وحدة من اللي ارسلوا برقيات لولي العهد عشان يقفلون جريده الوثن بس محد عطانا وجه

وعلى ثاني شين
اوكي تبي نبين له خطاه قدام الناس قل لي طريقتك هذي تقول له تراك غلطان او تفتح نفسه لانه يسمع لك ؟! ويعرف الصح وين

أما ثالث شين وهو أهم شين بالنسبه لي وخص هالايام
صدقت أنا لمزت بيومن من الايام أخيتنا اللي أنت خابر والعتب عليك وعلى غيرك مانبهتون والمثل قال اللي مايعرفك يجهلك
لكن بقول لك كلمه
أناغلطت بحق الأخت مره ومرتين وثلاث واكثر وكل مره ماألقى منه غير الصدر والوسيع وطيب الأخلاق وإلى ساعتك ماعمره لامتن ولا قالت لي ليش قلتي ولا ليش سويتي بالعكس فتحت لي صدره وعطتن ايميله وكل ماطلبته واكثر ومنه تعلمت كثير واستفدت أكثر وله بالخاطر الحين وزن ماوزنه أحد قبله
والبال عليه مشغول من رقدته والله يقومه بالسلامه ويرده لنا ولهله وعييله

اما رابع شين
فمابه أحد ماله شغله غير مقابل الجهاز وأنا اختك إلا إذا كنت من اللي بالي بالك ولا عندهم وظايف

وأما خامس شين
فمنيب وحده أجادل واباشط على الفاضي والمليان لكن كلمه وقلناه نبي أغديكم تفكوننا من القرقة بالناس وتشغلوننا بشين يهمنا ويهمكم ونستفيد منه مهوب مانحصل من وراه غير الحنه ووجع الراس ولاالمقصود مستفيد ولا حنا

وأما سادس شين
أيامالين الغنيمة والله يصلح قلبي وقلبك

المستكشف
تراي ماقصدت أحرجك بس يضيق صدر الواحد إذا الاسماء اللي يرجي من وراه خير ماتطلع على ناس تستاهل

[كورن فليكس]

ايا مالين الغنيمه على قولت بعض الناس وشبلاكم انتم على الريحه هدو الله يهديكم ابو شنب خشمك احبه تكفون انسو الموضوع صارت جيتي مالها داعي من يوم جيت جت معي المشاكل .

رجاء غيرو السالفه ولا واحد من المشرفين يقلع هالموضوع لانه اخذ اكثر من حقه .

اخوكم

كورن فليكس