احم.. تابع الامثال المرجوجيه

[المرجوجه]

السلالالالالالالالالالالالالام...


انا عطيتكم دفعه من الامثال المرجوجيه..
وهذي دفعه ثانيه


وان شاء الله ما في ثالثه.. خوفا من انكم تذبحوني..


احم... يالله ...

بسم الله ..


1
ما تعرف قديري إلا لما تجرب غيري

((
اها هذا حلو.. يعني لما يكون في احد ظريف ولطيف معاك .. وانت معطيه على راسه
يحاول يرضيك وانت مو عاجبك.. برضه شر..
لكن اذا بعد عنك .. وتشوف غيره كيف يعاملك..
كيف يضحك عليك.. ويلعب فيك؟؟؟
ايش يصير؟؟؟
تعرف قدره .... صححححححححححح.. ممتازيييييييييين.. تستاهلون بلونه..
))


طيب هذا ..

2
ضربني وبكي وسبقني واشتكي.

((
هذا للناس المتسببه (( احم.. مثلي.. ))
يعني مثلا.. أتخانق انا مع اخوي الصغير.. وانا الباديه طبعا .. واروح اركض لأخوي الكبير واقول له اخوي ضربني..
احم.. هنا النذاله .. أضربه أول وأرررررررركض أشتكيه..
فنقول ضربني وبكى وسبقني واشتكى..
لا تسوون كذه بخوانكم.. طيب؟؟؟
بس ترى انا مو كذه.. انا ظريفه..
))


3
نقول ثور يقول حلبوه

((
هذا مثل يصلح مع واحد غبي ومتخلف
تقول له شي ومصر على غبائه..
دلخ (( دلخ= سبهه= غبي= متنح احم.. and so on .. يانااااااس لغغغغغغه.. أدري.. أدري.. ))
))


4
تروح البحر تقول ما فيه ماء

((
هذا دايم الوالده الله يسلمها تقوله لي... ماأدري ليه.....؟؟؟!!!
هذا يعني كل ما قالت لي امي دوري لي شي اروح وأغيييييييييييب.. وأجي يالاخير واقول ما لقيته .. تقوم تقول لي تروحين البحر تقولين مافيه ماء..
ما قد أرسلتني أجيب شي ولقيته الا صدفه..
ماعلينا.. نكمل الشرح.. لا.. خلص شرح المثل هذا .. اللي بعددددددددددده..
))


5

الكتكوت الفصيح من البيضه يصيح

((
هههههههههههه ..
يعني الواحد لما يكون فاااااهم وناصح وفالح.. (( مين فالح)) .. ماعلينا.. من يوم انه بزر.. يقولون عليه فصيح.. هذا ينطبق عليه مثلنا الظريف..
الزبده يعني الفصيح والفالح .. (( نرجع لنفس السؤال مين فالح )) .. باين عليه من صغره..
يوووووه.. ما بغى ينشرح هالمثل.. طلع عيوني..
))



6
اللي بالقدر يطلعه الملاس

((
ايوه.. ورطت.......
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
احم.. انتوا بعدكم هنا.؟؟؟
ماادري شلون أفسره
أعرفه أعرف وين ومتى أقوله .. بس بكل أسف.. بكل أسى ماعرررررررررفت أفسررررررررره
تدرون شلون؟؟؟
طنشوه وروحوا للي وراه أحسن..
))


7
الحلوه خوخه جات بعد دوخه

((
زين هذا ينقال لو في شي الواحد ما وصل له بسهوله
داااااااخ لين وصل للي يبيه .. هنا يقول الحلوه خووووووووووووخه جاااااااات بعد دوووووووووووخه..
وبسسسسسسسسسس
))


8
اللي يتلسع من الشوربه ينفخ في الزبادي

((
يعني مثلا جا أخوك الصغير يشرب الشوربه.. وكانت حاره.. حرقته (( حرقته = لسعته = احترررررررق منها ))
قام تعلم درس انه ينفخ بالشي قبل ياكله (( يبرده يعني )).. بس المشكله انه بينفخ بأي شي .. حتى لو زبادي!!!
فهنا نقول اللي يتلسع من الشوربه ينفخ بالزبادي..
))


9
تعلمين براس الضعيف الحلاقه

((
اللي غشيم في شي
في الحلاقه مثلا
يدور واحد ضعيف ومسكين ويتعلم على راسه
))


10
الظروف تخلي الذيب خروف

(( يعني مثلا .. انت على بالك انك خطير وشجاع وعندك عضلات.. وعلى باله انه ذيب.. لكن يصير شي يخليك تصير دجاجه بدل الذيب بسبب ظروف صارت
هنا تقدر تقول.. الظروف تخلي الذيب خروف..
))


11
أكل ومرعى وقلة صنعه

((
هههه.. هذا ينفع لي انا بالاجازه هذي.. أنام وأقوم .. وأكل (( هاه ويني انا ووين الاكل.. ماأشوفه.. ما علينا.. )) وهنا يقولون علي أكل ومرعى وقلة صنعه..
))


12
يارب تجعلها بعينه منظره وبخشمه عنبره

((
هذا احم.. مثل منقرض من أيام الديناصورات .. ...
يعني مثلا .. واحد يخطب وحده وراح مع أهله يشوفها.. وماه تبي تخلص منه وتزوجه وتفتك..
تقوم وهو داخل يشوفها تقول له .. يااااااااااااااااااااااارب
تجعلها بعينه منظره .. (( يعني قمرررررر )) وبخشمه عنبره .. (( يعني ريحتها حلووووووه ))
وبسسسسسسسس.. (( تراها طريقه حلوه .. ومجربه .. ))
))


13
زوير وعوير واللي ما فيه خير

((
اها.. هذا المثل ينقال في الناس اللي ما فيهم خير..
طيب نفسره بمثال ظريف...
مثلا أم تقول لبنتها قومي معانا بيت فلانه .. والبنت ماهي طايقه فلانه هذي..
تقوم تقول .. يا أمي الله يرضى عليك.. وش أروح أسوي...؟؟؟
مافي أحد هناك..
زوير وعوير واللي ما فيه خيررررررررررررر..
-- بس هنا النتائج مو مضمونه .. ممكن أو أكيد البنت بتاخذ على رااااااااااسها .. --
))


14
اللي عمره ما تبخر .. تبخر واحترق

((
يعني مثلا.. اها لقيت له شي حلو..
اللي عمره ما شاف النت ولا قعد عليه ..
يجي ويقابله 24 ساعه وقاعد على شات وصياعه .. لين ما جاه حووووووول من كثر مقابل الشاشه.. وتعب من كثر القعده والخمول لين ما مرض .. ( يا زين المثال ) .. المهم هنا نقول له اللي عمره ما شاف نت شافه واخترب!!
واللي عمره ما تبخر .. تبخر واحترق..
))


15
يا شين السرج على البقره

((
اوكي.. تجي وحده بقره .. وتقول لبسوني سرج.. حالي حال الحصان!! ( والله الشرح بعد !! ماعلينا .. ) .. فلما تلبسه يقوم اللي لبسه اياه يقول لها يا شين السرج على البقره ....
احم هاه .. ما ينفع الشرح هذا؟؟؟
))


16
تجيك التهايم وانت نايم

((
يعني هذا مثل شي صار لي ..
ماعلينا.. يعني انت نايم بأمان الله .. وبعد ما تقوم .. تلاقي أحد يقول عليك كلام ماله سنع.. وممكن يتهمك بشي مالك فيه وانت ما تدري وين ربي حاطك..
هنا تقول .. تجيك التهااااااااااااااايم وانت نااااااااااااااااااايم
))


17
أذن من طين وأذن من عجين

((
هذا لو اخوك قاعد يخربط على راسك بنصايح مااااااااالها سنع ولا لها داااااااااااعي..
طيب.. وانت معطيه الطرشه.. (( يعني مطنشه ما كأنك تسمع.. )) المهم.. ماعلينا..
يقوم يقول لك اخوك..... أنا أكلمك.. وانت أذن من طين وأذن من عجين...؟؟؟ هنا عاد يعصب.....
عشان تخلص من تعصيبته .. قول له نكته والا شوف له حل..
))


18
الجيعان يحلم بسوق العيش

((
أولا نجي لمعاني الكلمات..
الجيعان = الجوعان.. -- بس هذا مثل مصري..
العيش = الخبز..
حلو...؟؟؟
أوكي.. نشرح المثل.. احم.. احم.. يعني انت جواعااااااااااااان مررررررررره.. ونمت.. لما تحلم بالليل تحلم بإيش؟؟؟
تحلم بالأكل طبعا..
-- والله مو دايم.. --
ماعلينا..
الاكل اللي المفروض تحلم فيه بالمثل هذا .. الخبز.. يعني تقششششششششف.....!!!
))


19
من عايب ابتلى والعياب ساس البلى

((
هذا مثل ينقال لو واحد 24 ساعه يعايب على الناس.. وهذا فيه وهذا عليه..
يقوم يصير له هو ولعياله شي من اللي كان يعايب على الناس فيه
يقومون يقولون له ... من عايب ابتلى والعياب ساس البلى
(( ساس البلى.. يعني.. أساس البلى.. ))
))


20
العرق يمد لسابع جد

((
اها هذا ظريف.....
يعني لو الواحد مثلا فيه صفة الرجه.. احم.. -- مو انا -- .. يقولون هنا الله يعين الاجيال الجايه كلها رجات.. لأن العرق يمد لسابع جد!!!.. -- ماادري عاد ايش فيها الرجه؟؟ والله ماهي شينه .. بالعكككككسسسسسس.. حلوووووووه الرجه.. لكن يالله .. ما يعجبهم العجب.. -- ..
))





يعطيكم العاااااااااااااااااافيه..

تحياتي..

[هرطمان]

زين يالمرجوجة أمثلة مفيدة وحليله
ونبي نشرح ( الي بالقدر يطلعه الملاس )
القدر اناء للطبخ .
والملاس مغراف . ملعقة XXL كبيرة .
كيف نطلع الاكل من القدر خاصة القدور الكبيره والطبخ حار .؟؟؟؟؟؟؟


مع تحيات مركز الدراسات والتحريات الهرطمانيه

[دمعة]

تسلمين على الامثله الحلوه

بالتوفيق

[المرجوجه]

هلا اخوي هرطمان..:9
مشكوووووور علىالشرح....
وأشكر مركز التحريات الهرطمانيه.. .. يعطيك العافيه اخوي..

الغاليه دمعه .. هلا فيك اختي.. وأشكر لك مرورك.. وتعليقك...

[المزيونه]

بالعكس اختي المرجوجة اذا بتسمعين رايي لازم فيه دفعة ثالثة

ولو بعد 20يوم .

لانها ممتازة وخاصة الحلقة الاولى .

ولانها تعتبر انتاج شخصي .

لازم تكررينها .

[المرجوجه]

هلا فيك اختي المزيونه..

حياك الله بالأمثال المرجوجيه.....

أشكر لك مجاملتك... ويعطيك العافيه ..

[سراب]

السلام

مشكورة يامرجوجة على هالشرح الممتاز

لكن قيل في سابق الزمان

.
.
.
.
.
.
.
.
.
.
.
.
خذ الحكمة من افواه المجانين


اخوك سراب

[أم أحمد]

هلا وغلا بأختي المرجوحه .. تعرفين كل حد بيرص هاي الامثال لكن الحق يقال ضفتي لها لمسه جماليه رهيبه مشكوره وما قصرتي ...؟؟؟







عاشقة الليل

[الدب الداشر]

مشكوره يا خاله مرجوجه


والله يعطيكي الف الف عافيه

[المرجوجه]

هلا فيك اختي عاشقة الليل..
أشكر لك كلامك الحلو .. ..
يعطيك العافيه ..

هلا فيك اخوي الدب الداشر..
حيااااااااااااك الله بأمثال المراجيج .. ..
أشكر لك مرورك.. يعطيك العافيه ..

[الأصيله]

اختي مرجوجة
الله يعطيك ألــــ1000ـــف عـــــــــــــافيه
امثله حلوه وتعليقات احلى

وبانتظار الدفعه الثالثه

[حديد]

تسلمين على الامثله الجميله والتعليقات الأجمل

يعطيك العافيه

ونستينا

[المرجوجه]

حياك الله اختي الاصيله .. حياك الله اخوي حديد..
هلا فيكم .. وأشكر لكم مروركم...
وأشكر لكم تشجيعكم.....