لـه موعـدٍ لاروّح الليـل ويـاي
اول وآخـر موعـدٍ مـع فتـاتـه
اليوم ماتنفع دموعه .. ورجـواي
اليوم تفصل عـن حياتـي حياتـه
اليـوم يعطينـي بقايـا بقـايـاي
واعطيه انا ماشلت مـن ذكرياتـه
اليـوم بابـدّل مشاعـر حنايـاي
يصبح من اخواني وانا من خواتـه
اليـوم يتركنـي لحالـي بدنيـاي
مجبور يقفي .. لو يزيـد التفاتـه
اليوم يخلف عن مماشيـه ممشـاي
والله ماضمن مـن عذابـه نجاتـه
لو اتعلّـق فيـه .. ماينفـع بكـاي
خلاص فات الوقت .. واعلن فواته
اليوم بعطيه العزا عقـب فرقـاي
عندي خبر وش قيمتي في حياتـه
وانا العزا مابيه من كبـر بلـواي
ماينفع اللي عاش واعلـن فواتـه
يارحمـة الله ساعديهـم بسلـواي
يعوّضـه الله بإنكسـار امنيـاتـه
اليوم ياهمـي وياطـول مسـراي
ويافرحة العذال .. واهل الشماتـه

.


.


ياللي بعدي .. مسج حب من الطراز الاول ..