[align=center] بسم الله الرحمن الرحيم


كل عام وانتم بخير

لكم وليدة اليوم

9/9/1429هــــ


00
0


هزتني الذكرى وانا جبت وش جبت /*/
غير العنا والدمــــع وسط المكاتــيب

شعرت شعيرت بندقي عابت وعبت/*/
نيشانها من دون رمــــي المطـــاليب

والله عن بعض الــــــسوالف انا تبت /*/
البزوطه ماهي تجيــــب المكاســـيب

صبح الاحد ودع ليالـــيك يالـــــسبت /*/
جرح ٍ يطيب وجرح لا يمكن يطيب

الضحك ناتج عن تغليـــــك يالـــكبت /*/
والطيب يوجد في ظهر شايب الطيب

خييبت يا حـــظ ٍ مع العاربه خــــبت /*/
اخمرت يوم ٍ شفت صلب المصاليب

وإلا انت ياللي وقـــفتك تشبه النبت /*/
رشفت حمرت شمـــسنا قبل لا تغيب

شيــّّبت بعروق الهـــــواوي ولا شبت /*/
وذبحت ضيف ٍ ترتجيه المعــازيب

غيبت عن بعض الضماير ولا غبت/*/
لــــثار طلابـــــــه ولــــــــدم تغريب

وكل ما طلبتك حاجتٍ لي تـــسحبت/*/
يالعن ابوك اللي طلبتك ماهو عيب

لوصلك عن وجيه النشاما تغـــربت/*/
ومشيت درب ٍ يرتعد منه الذيــــب

هيبت بكهوف المواصـل ولا هــبت /*/
ومن غيبتك متكــــالبات الكلاليب

وعن جلدي اللي يعرفــــونه تسلبت/*/
وفاسي غدى مابين فوس الحواطيب

علمتك النيشان نيشـــــنتني وصبت /*/
عين ٍ على وصلك تخيل المراقيب

واليوم عن وصلك تماديت وسهبت /*/
العب طرب واسوق زمل المكاسيب

توك تجيـــــني بعد مانتا تـــســببت /*/
بجرح ثلاث سنين زاده معاطيب

عن الغلا لــــك بالمواجع تـــشربت/*/
سقها وعسى المولى يفك النواشيب

جبت الغلاميسورلك وانت وش جبت /*/
غير العنا والدمـــع وسط المكاتيـــــب


نايف الذعذاع


0[/align]