مثل ماقالو جده غييييييييييييير فأنا غيييييير وراح تستغربو مني أسمعو>>أحس اني جده بتروي حكايه للبزوره
أنا أحب بجنووووووووووون الاناشيد ومافيه أنشوده بالعالم ألا أني أعرفها وكل منشد بالدنيا أعرفه وأعرف أسمه كامل ومدينته وعياله وجنسيته وكل شي عنه لذالك دائما أهلي يخاصموني وبالموت أقنعت بابا يشترك في قناة شدا لانو بيتنا محافظ بشكل ولله الحمد>>>قصة حياتي هههاي
وأحب كمان جمعتنا أنا وصاحباتي وأستاذتي الكريمه{M}في المصلى وسواليفنا ودروس المصلى الي دايما ناخذها وحياة المصلى كلها جناااااااااان يكفي أنه روضه من رياض الجنه
وأحب أكلم وأراسل صاحباتي بالجوال لدرجة أني من كثر ما أكلم قبل فتره شحنلي بابا جوالي ب500ريال والله خلصتها بأقل من أسبوع <عادي الدنيا رايحه>
وأكره أكره أشد الكره إذا شفت بالمنتدى هذا أو غيره بنت تضحك وتمزح مع الجنس الاخر وكأنه أخوها ولا خوف من الله ولاحياء من البشر
وأكره الرسميات والي يحط بينك وبينه الف حاجز وحاجز ما أرتاح معاهم راعين المصالح والمجاملات
وهواياتي تجميع الفلوس هههههه والله جد دائما إذا ماما أدتني فلوس خواتي ركاض على الاسواق اما أنا تقعد معي الفلوس لمن تخيس وبعدين أعطيها أخواني :
ومن هواياتي أمسك دفتر مذكراتي الي له 5سنوات معاي وأكتب جميع الاحداث اليوميه وأجي بعد سنين أقرى وأبكي على الذكريات ياااااااااااااااه ياحلو الحظه هذي جربوها والله لها طعم ثاني
وعلى سيرت الطعم أتذكرت أحب وأموت وأعشق مطعم البيك عليه بروستد حراق جنااااااااااان
ومن طبعي إني كتووووووووووووووومه بما تعنيه الكلمه وكمان صريحه لابعد الحدود و شديدةالخجل من الناس الي ما أعرفهم وايش كمان ياربي ايييه افتكرت ومن طبعي اني أذا أحد ظايقني أسكت أسكت لمن أوصل درجة الأنفجار وبدين أقوم الدنيا ولا أقعدها وكمان دمعتي مو اي شي ينزلها أنظلم كثير تسير مواقف كثيييره فحياتي مأساويه أبد لو ايش مايصير مأبكي إلا لشي واحد الي هو الوداع إذا جيت اوادع أحد والله أقعد أبكي زي البزر
وسلااااااااااااااااااااااااااااااامتكم
أعتذر عن الأطاله
دمتم بخير