الاخ نادر مشكور علي الصراحه صحيح ان هالموضيع حساسة بس تبي مناقشه جاده مع فئات عمريه اقل من اعمار الموجودين بالمنتدي وياحبذا ان تناقشها مع طلاب الثانويات علي هيئه محاضرات

اما انا بفضح نفسي واعلم اني وكيل سابق لاحدي المدارس برفحاء وابي اعلمكم بسالفة ولي امر طالب


جائني ولي امر طالب يشتكي علي احد الطلا ب العرابجه وانا الطالب سارق صورة ولده والحكي ذا قبل 8 سنوات او اكثر

فطلبت الطالب العربجي وقمتت احقق معاه قال لي كذب وبهتان مامعي صورته وفتشتة مالقيت معه شي المهم من باب فضخ القلب قلت له خذ ملفك انت مفصول ولا ترجع الا معك ولي امرك ياويلي وياسواد ليلي لو دري فيني الوزير الرشيد آن ذاك

المهم بعد يومين جاب لي شايبه والشايب ذا بدوي مايعرف شي قال وش عندك فاصلن ولدي قلت ياحجي ولدك مشتكي علية طالب سارق صورته والصورة عنده ولازم تعطونه الطالب ولا ولي امره راح يشتكي عليه

وهو يضحك الشايب قال وش يبي بصورته وانا ابلش من الفشيله مادري وش ارد عليه قلت يوريه الطلاب يضحكون علية صورتة يوم هو وغد

قال هو لولده وين صورة الوغد قال ماهي معي

قال يامدرس شف انا ابي احل المشكله هذي صورة ولدي معي بالصفن يوم حنا مقيظين بالنفود خذه عطه الولد خلهم يضحكون عليه تقل فرة كافر


انا صراحة مت من الضحك وقلت له راح انقل ولدك لصف ثاني عن المشاكل قال لك الحم ولنا العظم ومشى وبعده الولد جاب الصورة وقطعة


المقصود من هالقصة مو طرافته المقصود اني اولياء الامور جاهلين وغافلين عن السوالف هذي ولا هم متوقعين ان فيه ولد يعشق ولد
هذا ودمتم علي خير