فحص العاطفة والحنان قبل التسجيل بالمنتدى

[نـازف]

عـواطف وحنـان ودلال








ترى أقصد صفات لا أسماء بنات لحد يدخل بمخي






في أحد يمل أو مايبي هالأشياء اللي ذكرتها فووووق






ما أعتقد أحد مايبيها وينميها ويزيدها ويغذيها و و و و و إلخ









بس مو فمنتدى الله يخارجنا ..

يعني المتزوج مع زوجته والعزوبي ----> مثلي وشرواي >> شرواكم العزوبيه


المهم العزوبي ينمي عاطفته مع ميمته وحنان ميمته عليه ودلالها له




مو يجي هنيا ويستاخذ علينا والأدهى من ذلك تلقاه محظر بالسوق 24ساعه وحتى لو بغى يصرف والا

يسدد جواله مايهناله إلا بصرافة سوق العلاوي وياخذله ساعه خلالها تتقاطر عليه الأخلاق الحاتميه

كل شوي مقدم حرمه قدامه ويوم يجي سراه إلا الصرافه عطلانه والا ماهناش فلوس !!


والله من جد من تأسس سوق العلاوي ماطبيته إلا أقل من عشر مرات وكلها مع الأهل كمحرم

والمصيبه إني كل روحاتي القليله لازم أشوف واحد من الأعضاء هنا الله يستر عليه بالسوق لدرجة إني شكيت إن

عنده محل أو إنه موظف هيئه بس لاهذي ولاذيك لأنه مو مطوع الله يصلحه ,, والمشكله إنه (شايب مستشب)

وأعتقد إنه حافظ عدد بلاطات المجمع من كثر مايدوج فيه هو وحرمته وحطيت لذلك إحتمالين لاثالث لهما ,,

الأول / إن حرمته الله يستر عليها مخورفته ع الأخر وتقوده قدامه كل دايم ----> حلو ه كل دايم

الثاني / إنه مخلي حرمته ذريعه ووسيله عشان الهيئه ماتشك فيه ويرقم على راحته لتعويض نقص الحنان



أشوف أني شطحت شرق عن الموضوع وخذ هالمخرج :





الناس مهي لاقية مستشفى يعالج الكحه وإنت تدور مستشفى لفحص العواطف





تحياتي