بلاد العشق

[نـازف]

[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,sienna" type=2 line=0 align=center use=sp num="0,black"]
انا لو بسّ / أدري عن بلاد العشق هذي وين=جَحَـدت ام السعوديه واهلها بس ّ لعيونه !

مشطـْـت الأرض طول بعرض لي فوق الثمان سنين=وانا اسابق رجولي خــــايفٍ قبــلي يلاقــونه

شطب قلبي عباد الله .. ْو تحته خـَـط ّ له خطين=ولو طاوعت (عقلي) كان مبطي عشت (بجنونه)

أجيله بس أبي نظره // وأرجع ما فـ وجهي عين=يجيلي مايبي غيري // ويرجع.. بسّ من دونه !!

حبيبي لا مشى // جفنه .. تمّــنى لوهو الرجليـن=حبيبي لا بكى // رجله .. تـمّـنت لوهي جفونه

حبيبي لاابتسم ينزاح همّ العـــاجز المسكين=وتـتـنهـّد صدور ( الصُّـم ) لا سولـف على هونه



ولا كامل سوى الله .. مير عيبه كاملٍٍٍٍ بالزين=وله حق اْيتـِكـــــامل دام البشر فيه مفتونه

ولا أكثر من اللي يعشقونه / مير انهم دارين=أقص لسانهم واقطع يميني قبـْـل ما خونه

نعيش و روحنا وحده و بادلنا القلوب اثنين=لجل كل ٍ ينـشـِّـد صاحبه عن نفسه.. شلونه

توادعنا عشيــّة سبت .. ْو موعــدنا مسا الاثنين=و همّي صار ( للورده ) ياترى هو يعجبه لونه !!

أنقـّي في عطوري../..لاااا لا َ غيره../..لاااا لا َ هذا شين= يا ربي .. وين ابلقى شيّ ٍ احلى منــََّـه فـ كونه ؟!

وأبي أحلى مكان ٍ للقا .. بسْ مــا هقيـــته بيـــن=دبي .. فينيسيا .. باريس .. روما .. كان .. لشبونه...

حدائق بابل .. اللوفر .. ضفاف النيل .. سور الصيـن=قصور الأندلس .. شاطئ ميامي ... كلـهم دونــه ...!

ولا به موضع ٍ يسوى مقامـــه بين هــالأدنـيــن=( فقط لا غير ) جنـــات النعيم اْتـلـيــق بـعـيــونه[/poem]





[align=center][/align]

[kermalk]

خوش قصيده بس البيت الاخير ماهوا مضبوب والله ولي العلم

[نـازف]

هلا الأخ كرمال شرفت بمرورك خيووووه

أما بالنسبة للبيت الأخير إذا كان بخصوص الوزن فأنا أكتب دون وزن

أما بخصوص كون المكان لايليق إيراده من ضمن بلاد العشق المذكوره

بإعتقادي إنك شطحت شرق لأن المعنى هو أمنية بأن يكون لقاؤه

في جنات النعيم لأنه ,,,,,,,,,










وافته المنيه قبل الموعد المذكور بيوم الأثنين

[ضامي الشوق]

صح السانك أخي
معنى وخيال وتسلسل راااائع

فقط العنايه اكثر بالوزن

أما هذا البيت


ولا به موضع ٍ يسوى مقامه بين هالأدنين
( فقط لا غير ) جنات النعيم اْتليق بعيونه

أعتقد إن ورود جنات النعيم هنا ليس في موضعه
وجهة نظر .......


لاهنت

[kermalk]

هلا الأخ كرمال شرفت بمرورك خيووووه

أما بالنسبة للبيت الأخير إذا كان بخصوص الوزن فأنا أكتب دون وزن

أما بخصوص كون المكان لايليق إيراده من ضمن بلاد العشق المذكوره

بإعتقادي إنك شطحت شرق لأن المعنى هو أمنية بأن يكون لقاؤه

في جنات النعيم لأنه ,,,,,,,,,










وافته المنيه قبل الموعد المذكور بيوم الأثنين

[align=center]الله يرحم الميت ويرضى على الحي بس ماتعني أمنيه فقط لاغير الامنيه عسى الله الله يجمعنى

والله يجمعهم بالفردوس الاعلى

والله أعلم

تقبلني أخوك كرمالك[/align]

[النشمي عناد]

[align=center]


تسلم يااااااااااااانااااااااااااازف

صح لسانك

أثرك مانت بسيط [/align]