الصحيح انك صويز

وسجل عندك

كل من هب ودب ساق السيارة عندنا يجيك واحدهم من الهند ومن باكستان وبديرته ماعمره ركب الا الحمار وليا جا عندنا ركب سيارة وقام يسوق ويتعلم علينا وعلى سياراتنا

وسجل عندك

يجيك طفل متعلق بالدركسون

وسجل عندك

تجيك سيارة مابه بريك ولا نور


وسجل عندك اهم شين

الحاله النفسيه للمواطن السعودي لحيث انه يسوق وهو يفكر بمعيشت عياله وكل مايبي موضوع لهو مسكر بوجهه وكل ماقدم على وضيفه يامار مافيه وظيفه وكل مابغى شي لهو ممنوع عليه وللقوي مسموح
والراتب ماجا والديانين يدورونه والقسط مقرب والايجار وصل
ان قرا بالجريده مالقا اللي يسره
وان شاف الاخبار مالقا اللي يسره
وان جلس بالمجالس ماسمع اللي يسره
وان سمع اخبار العلمانيين ماسمع اللي يسره
وان سأل عن موقف المشايخ مالقا اللي يسره

بالله هذا تبيه يسوق مثل الناس ولا يمشي ويفكر بلشانن بعياله وعيشته ومجتمعه


وش علينا من هاسوالف
تدري
صب قهوة