المشاركة رقم "15000" :" ليه الصدور اليوم ما عادت شمالية ؟!"

[شمـــاليه]

[align=center]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صح الشمالي صدره أوسع من الكون = بس إنتبه لاضاق صدر الشمالي..!!

وصح انك الغالي وانـا فيـك مجنـون = بس انت ماقدرت من قـال غالـي

خيبـت هقـوات ٍ كثيـرات وظـنـون = وأخلفـت ماكـان بخيـالـي وبـالـي

وخليت كـل النـاس عنـدي يقولـون = مسكين يمشي بالهوى دون والـي

والناس ناس وأكثر الخلق يـدرون = باللي معك صايـر وماقـد مضالـي

كم قلت لـك لاتفعـل اللـي يسـووون = خلك معـى مخلـص بـأول وتالـي

كم قلت لك إترك هل الهـرج يحكـون = وأرفـع مقـام الحـب دايـم بعـالـي

لأن الهـوى مبـدا وحكمـه وقـانـون = شي ٍ كبير وشي .. شـي ٍ مثالـي

الله لو تـدري اليـا غبـت وشلـون = حالي اليا من غبت وشلون حالـي

لارحت ضلعي من عنا البعـد محـزون = حتى منامـي لاحشـا ماهنالـي

وإن جيتنـي دمـي وروحـي يغـنـون = رقصة غلا من بعـد طـول إنشغالـي

واليـوم مانـي فيـك مغـرم ومفتـون= اليوم أنا فـي غيبتـك صـرت سالـي

مالك ومالي .. ماانـتْ للخافـق تمـون = وان قلت ليه. اقول : مالـك ومالـي

وأكيد لـك رجعـه وأنـا اكيـد بكـون = أحرقـت صفحاتـك ولا لـك تـوالـي

وبسّمعك أحلام لاجـرت لحـون = وش ذكـرك حـب ٍ طوتـه الليالـي

نعـم طويتـك والغـلا مـات مطعـون= حتـى خيـالـك بقتـلـه لاطـرالـي

ملعـون أبـو قلبـي إذا جـاك ملعـون = وأنـا معـرب مـن عمـام وخـوالـي

انا شمالي صدري اوسـع مـن الكـون = بس انت ماخليت صـدري شمالـي[/poem]



0


0


0




[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقولون العرب صدر الشمالي مايضيق بساع=وانا اقول الصدور اليوم ماعادت شماليه

بدت في داخلي ضيقه عجزت القى لها مطلاع=تغيب وترجع وترجع تغيب ومالها نيه

عمتني كلمه جتني وضقت وضاق صدر القاع=الا يالله لا تجزا غشيم (ن) قالها فيه

لاهو صفاع ياربي ولاهو للعرب نفاع=بلاني وابتلا حاله وبعض الناس مبليه

نهيته قبل هالمره يخلي سيرتي ماطاع=الا يالعن ابو جد القصيد ولعن ابو بيه

ضيعف النفس نسونجي يشوف بعينه الاطباع=يحسب اني مثل ربعه يسوق بضاعته ليه

انا اشري لا بغيت اشري ولاني مساوم البياع=الا من قال لي ميه عطيته فوقها ميه

انا اكتب لاجل من يقرى ولا ارجي من يقول ابداع=وابد لاتحسب ان مثلك يشكل لي اهميه

ترى ياهيه لامني نويتك بس اطق اصباع=يجيني الف شيطان(ن) وراهم الف جنيه

اجرك من طرف حرفك وارد الصاع ميه صاع=جنون القاف ارقصها على راسك هجائيه

ياويلك لو توليتك وربي مالك الشفاع=يجيك من القصيد احسب ثلاث ميه ثلاث ميه

ولكن خلك بحالك مدام ان الصدور وساع=ترى للحين ماضاقت ولسها شماليه
[/poem]




لا حكى الشعر .. الكلام يصمت..!!


والنعم فيك رفحاوي تبقى روحك المرحه وكتاباتك المتميزه

لها طابع خاص في منتدى رفحاء والف مبروك الخمس طعش مشاركه

وبالنسبه للصدر الشمالي صدقني وين ماتروح لأي ديره

راح يقولك انت شمالي؟ او شكلك مو من هالديره.؟

اختك جاها عقد في ديره بعيده عن رفحاء بأول يوم داومت فيه

سألوني انتي شماليه؟؟

رغم اني احتفظ بتحفظي مع الجميع ولكن الهيئه الشماليه تظهر وبقوه!

ويبقى الشمالي غيرررررررررررررررررر مهما قالوا !

وسلامتكم[/align]

[رفحاوي]

تشكر أخي رفحاوي على تواضعك الجم وسماحة نفسك ونبذك لاي خلاف حصل سابق مع أحد الاعضاء ...وهذا هو الاصل باالانسان المؤمن نسيان الاساءه ومحو السيئه باالحسنه..كل عام نودعه يجب ان نودع فيه ماضينا ..وكل عام نستقبله نستقبل فيه كل تجديد من اعمالنا وسلوكنا واخلاقنا كي نرضي ربنا ثم مجتمعنا الذي نعيش فيه ...اتوقع كل من في المنتدى صدورهم شماليه لا زالت وهذا الذي شجعنا نتواصل معكم ونحن بعيدين عنكم ...تقبل مروري وكل عام وانت وجميع المنتدى بخير

[align=center]
وانت بخير اخوي الوسام ...

مشكور على شعورك الطيب والغير مستغرب على شخص رفيع المقام مثلك ...

وانت يالغالي شمالي ومننا وبنا وأي شخص به خير مثلك وشرواك نتشرف يكون أخو لنا ...
[/align]

[رفحاوي]

[align=center]
صح لسانك ولسان الشعار اختي شمالية ...

ليتك معلمتنا بأسماء الشاعرين ...

ما عليك زود يالوايلية ...

أحياناً اذا عصبت يستغربون اخواي ويقولون غريبة انك تزعل ؟!

يمكن الناس تعودت ان اهل الشمال يكونون اكبر من سفاسف الأمور فلا تضيق صدورهم الا من شيء كبير ...

شعر اجمل من الكلام وكلام أحلى من الشعر ... بكل تأكيد مرت من هنا شمالية ...

[/align]