[ALIGN=CENTER]

صالح الشيحي مو احنا اللي نمدحه او نذمه

كلنا شهادتنا فيه مجروحه..

لكن البلاء مو في كتابة صالح انها تزعل الناس

او اسلوبه متهكم..

والناس اللي ردوا انه اسلوب كان خاطيء

من منكم يقولي صالح له خلاف شخصي مع الزير..؟

صالح يبي يظهر نفسه على حساب الوزير..؟

وهو الناس تعرفه قبل لا تعرف الوزير نفسه..!

وصالح لما تكلم عن هالمشكله مو بس عشان الرسوم

راح تتعبه هو لحاله..

صالح من امانته الصحفيه يتكلم بلسان حال الشعب كله

والحمد لله ان رايه جا مطابق لراي مجلس الشورى الموقر..

عالعموم اكيد اللي مثل صالح عارف اش راح يتعرض له قبل

لا يكتب اللي كتب..!

لكن مالنا حنا الا انا نوقف في صفه خصوصا احنا يااهل ديرته

ونقوله ماقصرت قلة كلمت الحق والباقي ماهو بعليك

وانت في قلوب كل الناس اللي تتكلم عنهم

وكلنا نقرا الرسايل اللي تعرضها من مختلف

الشرائح فهذي رساله من شباب مينا الجبيل

وهذي رساله من شباب الجمارك وهذي رساله من شخص يستجير

من وزاره اخطات في قرار لصالح شخص معروفه وانضر المسكين

وكثيييييييير من الامور اللي تبيض وجهك وانا والله يشهد صالح مااعرفه

ولا لي صلة قرابه ولا صحبه لا من بعيد ولا قريب

الا اللهم انه من اهل رفحاء ورجل مخلص امام نفسه وقلمه

وحتى لو ماكان من اهل رفحاء ماراح تتغير نظرتي له

اما نباح البعض فانا اعلم ان صالح اكبر بكثييييييييير منه


ملاحظه: من ايام كثيره وانا مبتعد المنتدى الا بالمرور ولكن ماشدني

للكتابه الا امرين الاول ترحيب بعضو جديد والثاني دفاعي عن شخص يكن

له من يقرا سطوره كل احترام وتقدير..



صالح المصلح ولا همه أحد
,,,,,,,,,,,, وما يهم الذيب لو تثغي النعاج

مصدق(ن) بالرب الفرد الصمد
,,,,,,,,,,,,فاتح بابه ولو يذرى العجاج

ماتهاون للمديح وله سرد
,,,,,,,,,,,,رافع راسه ويرمق بالحجاج

كم ضعيف ضاع حقه وانجحد
,,,,,,,,,,,,مالقى منهو يوصله الخراج

فزله صالح مثل فزت اسد
,,,,,,,,,,,,ماتوانا الشمري واقفى هجاج

ومن يخبر الطيب خابرله سند
,,,,,,,,,,,,والردي يدري ببيته من زجاج


وسلامتكم[/ALIGN]