لماذا كل هذا الـ"حماس" ضد "حماس" ؟!

[أبو هيا]

هلا اخوي حمود ،متأكدة ان باب النقاش دايما مفتوح لكل من يملك حجج مقنعة يستند إليها

اسمح لي بهالمداخلة البسيطة،بالنسبة لي أرى بأن الاخ رفحاوي وفق في اختيار هذه الاوصاف على كل من كان مطلع على الوضع في غزة و على دراية تامة بما يجري في فلسطين من مجازر،خاصة وان الوقت غير مناسب للتحامل على حماس و توجيه اصابع الاتهام لها حتى و ان كنا ضد سياستها فهذا هو موقف الضعيف المتخاذل،نحن بحاجة ماسة إلى إيجاد حلول فورية لحل المشكلة و وقف المجازر في غزة وان لا نضيع الوقت بتوجيه الاتهامات ، تصور بأنك امام شخص على وشك الموت ،وبدلا من محاولة انقاذ ما يمكن انقاذه تضيع الوقت بتوجيه اللوم لأي شخص لتحميله ذنب ما يجري!!

اختي الهنوف

الرسول صلى الله عليه وسلم يقول انصر اخاك ظالما او مظلوما...طبعا تعرفين كيف انصره ان كان ظالم...حماس ظلمت الشعب الفلسطيني يا اخت هنوف..

فيه لنا اصدقاء في غزه رفحاويين..ولدوا وتربوا في رفحا..ينقلون لنا شئ لايطاق...مثلا منع الاهالي من اخلاء مساكنهم..يقول لنا صديق ان اليهود ارسلوا لهم اوراق بان المكان هذا سوف يقصف في الصباح الباكر..يقول لما اردنا الخروج منعونا حماس..النتيجه نصف الحي تحت الانقاض واغلبهم اطفال وشيوخ ونساء..

حماس تتاجر بدماء الفلسطينيين..ولاني عارف الوقت المناسب اننا نقول لها كفى.

وبعدين ماني عارف وش راح نستفيد لو سبينا اليهود..

الشئ اللي نشوفه فضيع..اسرائيل مجرمه..وحماس مثلهم...معقوله انكم تتوقعون ان حماس متفاجئه باللي تشوفه؟؟حماس تعرف اليهود وتدري بردة فعلهم وشافت بعينها وش صار في جنوب لبنان..

وبعدين يا اخت هنوف حنا مارحنا لليهود وقلنا نشكركم على تدميركم لغزه..حنا هنا في منتدى رفحاء..بعد ماندعي لاخواننا بالرحمه نحاول نتناقش حول الاسباب اللي ادت لهالدمار هذا..واللي يقول ان اهل فلسطين مخلوقين للبهذله هذي يحاول يرسل عياله عندهم علشان يحس بلوعة فقدان الولد او رؤية عظامه محطمه..

شئ مروع واللي يروع اكثر تجاهلكم للاسباب