الله يهديك يالباحث عن الحق طيحت قلبي قلت وش جاه الرجال
من رفع ضغطه . وأنا مستمر في القراءة واقول في نفسي وش ابي ارد عليه الرجال خلاص رايح رايح بس وش اللي يقنعة يرجع ، وبصراحة مواضيعك ممتازة وردودك متزنه والله لا يخلينا منك في هالمنتدى ،،


أما موضع الابناء وعقوق الوالدين فهذا والله مايحصل من القلة انشاء الله ونسأل الله سبحانة ان يهدي الابناء ويتدبرون القرآن الكريم والسنه النبوية ويتدبرون ماجاء فيها من بر الوالدين وانه من اسباب السعادة والرزق في الدنيا والآخرة ،،، وهذه قصيدة اطلعلت عليها في احد المنتديات ويقال انها حقيقية ربما يكون في عرضها هنا فائدة ،،،،


[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
تكفين ياطيور حرار افزعيلي
ابي عن اديار الاهل منك الاخبار

تكفين حومي فوقهم وارجعي لي
والا ان حصل لك حومة داخل الدار

تكفين حول ابيوتهم دوري لي
سبعة فروخ يوم اخليهم صغار

شوفي ضناي وعودي وانكفي لي
وشلونهم ياعلهم صارواكبار

نسيوادفاي ونومهم في شليلي
وش علمهم ياعلهم طول الاعمار

قولي لهم أن امكـم له عويلي
خمسـة سنين دمعها دوم مدرار

وقولي لهم اني على طول ليلي
انوح ولياقرب الصبح انهــار

وقولي عيونه دايم له هميلي
تبكي لياشافت من الناس زوار

كل يوم اقول اغدي حديهم يجي لي
راحت سنين مابهم واحد زار

وانا اللي من سبة سوات الحليلي
حالي تردت كل ماله وتنهار

وفرقى ضناي اللي تردت بحيلي
كني على شوفتهم اصلى على نار

ياويلي كان الله عجل رحيلي
وانالي سنين ابي لوهي اخبار

ياعونة الله الله من يبي يتكي لي
جارت علي بامرالولي كل الاقدار

تنكروا من يدخلون الدخيلي
واللي بوسط ديارهم يامن الجار

قولي لهم ياطيور قلبي عليلي
الله يكافي قلوبهم صارت احجار

وانا اللي لبراق الخيال استخيلي
واقول ياعل (......) للامطار

.تكفين وسط ديارهم صوتي لي
شوفي عسى لاسمي مع الناس تذكـار

وقولي لمن نسيانهم يستحيلي
يااللي نسيتوها ترى الوقت دوار

ياهيه ياللي بالسمالك هديلي
ردي خبر تكفين يكفيني امرار

شوفي اكااللي نومهم في شليلي
من اذانه المغرب الى وقت الاسحار

شوفي اكااللي مااهتني في مقيلي
الا بمقيل معهم كباروصغار

وقولي لهم ان كان حملي ثقيلي
مره يجون وعقبها شي ماصار

وانا يتـولاني كريم جليلي
ياعلني في جنته وسط الابرار
[/poet]