جوال الباندا...والجوالات اللى بكاميرا...

[معجب رفحااااااء]

[ALIGN=CENTER]جوال الباندا...والجوالات اللى بكاميرا...
(جوال كاميرا ) انتبهوا...الصور ترجع حتى بعدالمسح
كل الي معاهم جوالات بكاميرا ... ومصور فيها اهله او خواته او بناته .... او البنات الي يصورون بعضهم بجوال الكاميرا خاصة في المناسبات العائلية الصغيرة يعني اقارب عيال عم او غيره .. وبعده يمسحون الصور من الجوال .. ترا ما تنمسح نهائيا !!!
وفعـــــــــــــــــــــــــــــــــــــلا هذا الي صار معاي .. انا معي جوال نو كيا 6600 وفجئه اشوف شاشة الجوال والقى كلام بالانجليزي وفيه كلمة ERR يعني بالعربي خربان .. فقلت اروح لمحل زميلي عنده محل جوال في مجمع كبير ... وقلتله يافلان وش السالفة قال جوالك يبغاله اعادة تهيئه يعني سفت وير من جديد يعني بيحملي اصدار الباندا من جديد ... قلتله الله يخليك الا الارقام ما حفضتها لا بذاكره ولا غيره .. فقالي لا يهمك احاول اسحبها لك ...المهم حط جوالي بتوصيلات عنده موصله بجهاز الكمبيوتر .. وبعد نصف ساعه حملي اصدار الباندا الجديد وقالي خذ رجعت لك الارقام ما خليتها تروح مع التهيئة .. وحمدت ربي .. لكن تفاجأت لمن رحت للقائمة ورحت للاستديو .... حصلت الصور الي انا مصور به عيال اختي في البر العيد الماضي والله صور كثيرة فوق الاربعين صورة .. وانا كنت ما سحها من زمان ولا بقيت ولا صورة بالجهاز .... اندهشت وقلت له هذي الصور انا ما سحها قال ايه مو قلت لك ما ني مخلي ارقامك تروح قلت له .. الحمدلله ارقامي رجعت بس معقولة الصور ترجع ... قال لي ايه ترجع .. وقالي ياعمي شوف هالمحلات كلهم يحترون بس بنت تجي ومعها جوال الباندا او اي جوال بكاميرا وتبغى له صيانة ينبسطون يقولي والله فلان الي بعد المحل الي جنبنا لاقي صور بجوال وحده له ولخواتها اظهار كلهم حلوين ويشبهون بعض .. ويقول ومصوره نفسه وهي لابسة كذا لبس ..... قلت والله المسكينه الحين بتنتشر صورتها وصورة خواتها بالنت لو نشرها صاحب المحل ....... وقالي غيرهم كثير...........
معجب رفحااااااااااء[/ALIGN]

[الباحث عن الحق]

أعوذ بالله ، هذي مصيبة والله...

جزاك الله خير على التنبيه....

[رفحاوىصميم]

الرسالة الأصلية كتبت بواسطة الباحث عن الحق
أعوذ بالله ، هذي مصيبة والله...

جزاك الله خير على التنبيه....

[حنين الماضي]

على نفسها جنت براقش

ماصدر قرار منع هالجوالات وهن بهن خير
لكن حنا وراهم وراهم باللي يسوونه والا صارت علقه ماياكله غيرنا

الله يحمانا من هالجوالات واخطاره
وجزاك الله خير على التنبيه

[رفحاوي]

جزاك الله خير اخوي / معجب برفحاء

تنبيه مهم لعل الاخوة والاخوات يتخذون الحذر

لي رأي وهو ضرورة التفكير الف مرة عند اعطاء البنات الجوالات
( قلت البنات اللي ما تزوجن مهو العجز)
وهل يوجد له حاجة ملحة

مجرد رأي قلته من منطلق حرية الرأي المنتشرة هذه الأيام كانتشار (العنقز) بين فلذات الأكباد ... فإن لم يحز على رضاكم فإنني مستعد لسحبه والدوران 180 درجة واعطاء قدماي حرية الإنطلاق بعيدا والانتظار حتى (يركد رميكم) لا عدمتكم .

المحب لهذا المنتدى واعضاءه

رفحاوي - رفحاء - 04676xxxx

[مهيب للبيع]

أبد مانعرف نستفيد من التقنيه والنعمة اللي بين ايدينا
الله يكفينا شر هالجوالات ان كان ماوراهن إلا الغثاء والمضره