ستار أكاديمي





وش عاد يعني يقتل الشيخ ياسين

هذا الخلاوي راح وراتاح بشار

عادي نبذر في الرسايل ملايين

عشان نحسم من يكون افضل ستار

حنا العرب حنا الرجال الميامين

نخسر حروب بشرط ما نخسر قمار

شعارنا معروف عاشت فلسطين

عاشت فلسطين العروبة للاحرار

كلام ضايع في الهوى والميادين

نرفع علم صهيون ونولعه نار

اخر بقايا امجادنا وسط حطين

واليوم صار المجد درهم ودينار

نشجب ونستنكر ولكن على مين

الشجب ماعمره ابد حرر امصار

بالكرسي تاجرنا وحنا بعيدين

يمكن يجي من يغسل الدم والعار

يمكن يكون اللي يحرر فلسطين

بشـــــار خلونا نصوت لبشــــار