شتقول عنا في حفر الباطن اسراف على اصوله طقاقه لازم من بره اضافه ديكورات لصالة العرس وطاولات طبعا كل طاوله مجهزه بشمعدانات وحلى وقهوه وشاي غير الحلى والفطاير اللي يوزع على باقي الضيوف ولازم يكون تقديم الحلى بصواني فضه والفطاير تكون بسلال مزينه تكلفه كل وحده اقل شي مئة ريال وطبعا السلال ترجع للمحل غير التامين عليهم والتامين نفس سعر السله والاسعار ماتشمل اللي داخلهم سواء من حلى اوفطاير اوشي ثاني غير الاستقبال اللي يكلف اقل شي ثلاثه الاف والصبابه والمشجعات الي مالهن داعي غير الهديا والعصير اللي لازم يكون طازج ولاينضحك عليك ولازم يختم العرس بقهوه تركيه وبعد فيه اشياء كثيره ماذكرتهن طبعا هذا غير المسائيه اللي تكلفتها تكلفه زواج ثاني وياليت هذا يرضي الناس شوفو طقاقتهم بايخه عشاهم بارد ومن هالكلام وحنا بيدنا نخفض الزواج الزواج ماشي ماشي سواء بصاله صغيره ولا كبيره فسبحان الله الزواج شرعه عز وجل لاعفاف النفس وتكوين عائله واستقرار وجعله سهل وبسب التكاليف والخرابيط صار حلم لكل شاب