بنز خمس ميه شبح لانطلق مثل الشهاب ..

[زين تصفيح]

تحية طيبه

اليكم هذه القصيده وللاسف ما اعرف اسم الشاعر

وارجو اذا فيه اخطاء انكم تساعدوني في تصحيحها


[align=justify]راكب اللي لامشى يطرد مثل السراب = يطرد ولا يلحق مع الطريق اليا نهجه

افجح قدم وورا وأسود مثل الغراب = كنه وهو يشتغل صامت فيه صنجه

ينتسب لالمانيا حي ابو هالانتساب = بالاصل لو خاصم الجيب والجمس فلجه

بنز خمس ميه شبح لانطلق مثل الشهاب = هيض اللي بالغنا كل صوته ماازعجه

لاعطى درب مابه عوجه و لا مطاب = لاعطى له درب انحداره وعوجه

ينسكب مثل انسكاب الرشاش من السحاب = ينزوي مثل انزوا حية تحت رتجه

يترك البيبان ماياقف الا عند باب = شاعر لوسادة الشعر جتله مسرجه

يقطف من حقول الازهار مالذ وطاب = يمشي ويترك تستاده وحدجه

ياعلي بين الاصاحيب ياحلو العتاب = ياصحيب قدر الاصحاب عمره ماسهجه

لارساله منك جتني ولا يابو الشباب = اتصال ريح القلب والصدر بهجه

منك ماني بمتعود على طول الغياب = يابيض الاثنين من خلقته قلب ووجه [/align]وسلاااااااامتكم ..

الحمدلله
الله يسلمك انا لأعرف صاحبها ولا عندي ملاحظات فيه كلمه ( رتجه ) انا مأعرفها ويمكن لها معنا عند الشاعر اما الذي تحته خط يحتاج لتصحيح من حيث المعنا والمضمون والله اعلم مشكور على هالقصيده التصويريه وصح لسان قائلها .

[صمت مغتربة]

مع اني مافهمت شي ....لكن بقول صح لسانك

تحياتي
صمت مغتربه

[ابن قشعم]

[align=center]أخوي زين تصفيح
مشكور على النقل
وصح لسان قايلها
وننتظر من يعرفنا عليه
تقبل احترامي
ابن قشعم[/align]

[المديرالسعودي]

زين تصفيح
مجهود تشكر عليه

[زين تصفيح]

اهلا بالقروي

رتجه اعتقد من السياق هي شي تنزوي تحت الداب الله يكفيك شرها مثل مجموعة حطب او اشياء مهمله.


أما سالفة معنى ومضمون ههههههههههههههههههه تضحك هذي

اولا المعنى : تستاده = كتاده او قتاده نبات صحرواي كله شوك لما تاكله البعارييييييييييين

ثانيا : المضمون يتكلم الشاعر عن نفسه ( من حيث قصائده )

كانه يقطف من من النباتات مالذ وطاب مثل الازهار والورود

ويتررررك الشوك والحدج اللي هو الحنظل او الشري !!!

بعدين القروي وين راح موضوعي الاساسي انت عدلته ؟؟

اتمنى انه يكون خطأ منك كنت تبي الاقتباس وعدلت المووووووووضوع

تقبل تحياتي يامشرف الأدب ,,, والشعر..

[زين تصفيح]

مع اني مافهمت شي ....لكن بقول صح لسانك

تحياتي
صمت مغتربه

صح بدنك

عشانك بترجم القصيدة الى لغة غير العربيه عشان تفهمي !!!

عموما مرورك بحد ذاته أسعدني ...

[زين تصفيح]

[align=center]أخوي زين تصفيح
مشكور على النقل
وصح لسان قايلها
وننتظر من يعرفنا عليه
تقبل احترامي
ابن قشعم[/align]

العفو اخوي ابن قشعم

وصح ابدنك ..

[زين تصفيح]

زين تصفيح
مجهود تشكر عليه

تسلم أخوي

ومرورك تشكر عليه ..

[سام شمر]

صح لسانك ولسان الشاعر
وبارك الله فيك

[محمد السالمي]

القصيده لشاعر الكبير لافي حمود الغيداني الحربي

إرتجه معناها حصاه



وشكرا...

[الدب الداشر]

زين التصفيح .. الحمدلله اللي شفناك ..




صح لسانك ..

ومشكور يا محمد السالمي ..

[أبو شاهين]

زين متصفــــــــح

اشكرك على ذوووووووقــك

واما بالنسبــــــــه للصاجب القصيده
والأخطاء واللي تقول عليهاز

صاحــــــب القصيده معرووووف
الشـــــــاعر الكبير ((شاعر الوصف)) لافي حمـــود الغيداني
صاحب اشهر بيــتين

إن جت من طيب شقاها على الطيب
لو إنها اعوج من رقبة الذلولي
وإن جت من مسكين منطق واساليب
حطيتها بين الثرى والنعولي

وجــل قصائده فريـــــــــــــده

---------
واما الألفاظ اللي تقولون عليها غريبه
فياللعجب اصبجت جزالة الألفاظ من الغراااااااابه
رتجــه الحصااه اللي مرتفع نصها عن الأرض
تستاده== كداده

هو العشب المرمد اللي لاهبه الصيــف والقيظ

صح لســان الشاعر

اشكرك مره اخرى اخــــــــي زيـــــــــــــن

تحيـــــــــــــــاتي للجميع

[القروي]

زين تصفيح اشكرك على التوضيح
اشكلت علي التسداده وهي معروفه بأسمها كداده لاشك
كما انني اعتذر لك على حذف الموضوع الاساس
لأنني حاولت تنسيقه وانحذف دون قصد حيث التنسيق لايعمل معنا في وقته
ولاشك أن سياق بعض الابيات يجبر الشاعر على وضع اسم غريب على البعض
وهو يدّي المعنا عندما تكون فاهمه انت يالمتلقي
ولاغرابه في الاستفسار من مايخفى على البعض وانا منهم
اشكرك مع الاعتذار منك .


[gdwl]راكب اللي لامشى يطرد مثل السراب = يطرد ولا يلحق مع الطريق اليا نهجه

افجح قدم وورا وأسود مثل الغراب = كنه وهو يشتغل صامت فيه صنجه

ينتسب لالمانيا حي ابو هالانتساب = بالاصل لو خاصم الجيب والجمس فلجه

بنز خمس ميه شبح لانطلق مثل الشهاب = هيض اللي بالغنا كل صوته ماازعجه

لاعطى درب مابه عوجه و لا مطاب = لاعطى له درب انحداره وعوجه

ينسكب مثل انسكاب الرشاش من السحاب = ينزوي مثل انزوا حية تحت رتجه

يترك البيبان ماياقف الا عند باب = شاعر لوسادة الشعر جتله مسرجه

يقطف من حقول الازهار مالذ وطاب = يمشي ويترك تستاده وحدجه

ياعلي بين الاصاحيب ياحلو العتاب = ياصحيب قدر الاصحاب عمره ماسهجه

لارساله منك جتني ولا يابو الشباب = اتصال ريح القلب والصدر بهجه

منك ماني بمتعود على طول الغياب = يابيض الاثنين من خلقته قلب ووجه [/gdwl]