في غربتي عيني على مطلع الشمس

[#بقايا انسانه#]

في غربتي عيني على مطلع الشمس

لـي لابـةٍ مثلـه علـوّه وضّـيـه

لا غبت عنهم ينحمس خاطري حمس

وأرضى إذا جيت النفوس الرضيّـه

بعض الخلايق ذكرهم يجلب العمـس

وبعض الخلايـق ذكرهـم شاذليّـه

وأنا هلي بنٍ مـع أرناقـه الخمـس

من لامنـي لاصـرت كلـي حميّـه

لي لابةٍ تاريخها يرفـض الطمـس

بكتب العجم لـو خانـت الأبجديّـه

تِسمع بعال الصوت لو تنّطق همـس

صفحة فخر يصعب على الناس طيّه

أمجادها باليوم .. وأمجادها بأمـس

لها عـروقٍ عبـر الأزمـان حيّـه

ولي ديرةٍ يطرب لها الحكي والرمس

حايـل .. وحايـل تحفـةٍ حاتميّـه

حايل لو إنه ينلمـس حبهـا لمـس

أبصـم وتظهـر بصمتـي حايليّـه

أنا من اللي عزهم يشبـه الشمـس

أحرار طـي .. وعزوتـي شمريـه

بن اليمن يفرقه عن غيره الحمـس

وحنا فرقنا الطيـب وسـط البريـه

والله مالي عقب ما أطبـق الخمـس

إلا الوفـاء للشـمـري والحمـيـه

[kermalk]

بقايا أنسانه صح بدنك وحياكي الله