مسابقة للاعضاء لمن يحب المشاركة . . .؟؟

**عروووبة** · 17 Aug 2009, 05:53 PM

السلام عليكم ورحمة الله وبركاته

اليوم عندي لكم مسابقة نحرك فيها المنتدى اشوى

طبعا هي مسابقة معروفه وكانت مشهورة بالتلفزون السعودي قديما
وهي حروف

طبعا معروف طريقتها
على كل فريق يوصل خطه اول يكون هو الفائز

..

1-اللى يحب يشارك يسجل اسمه ويقول اريد المشاركة
2- نجمع الاسماء ونسوي قرعة
3- راح يكون هناك فريقين كل فريق مكون من 3 اعضاء

.................................................. ....................
راح تكون طريقة المسابقة كاالاتي :
ابداء بختيار حرف ثم اسأل سول واجابته بهذا الحرف واللى يجاوب اول راح يحصل على الحرف
ولونه بلون فريقه . . والشخص اللى جاوب يختار الحرف التالي ... وهكذا ..

والليلة الساعة الواحدة تكون المسابقة ... اتمنى يكون الوقت مناسب ...
..
..
هي تجربه ويارب تنجح
.
وملاحظه (( ماعندنا جوائز )) ... خوش محفز

**القنديل** · 17 Aug 2009, 06:32 PM

طيب أنا أول واحد أرد ومعنى كذا دخولي للمسابقة مضمون بدون قرعة

ثانية ياليت تتقدم المسابقة إلى الساعة 11 لأن عندنا دوام ...................

شكراً لك وفكرة المسابقة جميلة جداً

**عروووبة** · 17 Aug 2009, 06:36 PM

حياااك اخوي القنديل

بعد اذنك سو تعديل للوقت وحطه 11

.................................................. ...

والقرعة حتى نظمن العدل

**الملك الضليل** · 17 Aug 2009, 06:37 PM

وعليكم السلام ورحمة الله وبركاته

فكرة جديده كما عودتينا اختي عروووبة على الجديد والمفيد ..

انا مع اخوي القنديل الساعه وحده متأخرة الساعة 11 مناسبه ..

لاني انا يا شايبك انام من العشاء ..

سجلي اسمي ابي اشارك ..

لا عدمناكِ ..

**سعود الشمري** · 17 Aug 2009, 10:27 PM

فكرة رائعه ومحفزه للاعضاء

وبالنسة لي فانا اعتذر لان ظروفي ماتسمح لي المشاركة معكم

اتمنى لكم التوفيق واللي يفوز لاينسانا من الجائزه

عروووبه اشكرك جزيلا وبارك الله

**عروووبة** · 17 Aug 2009, 10:35 PM

اعتذر من اخوي القنديل . . والملك

الساعة 10 ونصف ولم يكتمل العدد

وصراحه ما عطيت الاعضاء فرصة لأن بعضهم ما عرف عن الموضوع

لذلك نأجل المسابقة الى بكرى الساعة (( 11 )) ليلا .. نظرن لظروف شيباننا

وترى فيه جايزة قيمة جدا . . . أنك تصبح عضو بمنتدى رفحاء <<< له له له وهو وشو اجل

المهم . . . بكرى شدو حيلكم ترى الاسئلة سهله حيييل . . .

اخوي سعود حيااااك . . . ومعذور . . والايام تجمعنا .

**عز الخوي** · 17 Aug 2009, 10:55 PM

مشكوره اختي عروبه
انا بحط اسمي عندك يمكن تحتاجوني للمسابقه
اذا تقبلوني طبعاً تقبلو تحياتي

**عروووبة** · 17 Aug 2009, 11:14 PM

افا عمو حياك الله يسلمك
بس ذاكر من الحين
ترى الاسئله سهل بالحيل
وراح يكون معك عضوين تشد بهم الظهر
إن شاء الله

**عقارب** · 18 Aug 2009, 01:08 AM

وانا اذا فية مكان سجلوني

لا تخلوني

**شامي الدهيمان** · 18 Aug 2009, 01:15 AM

فكرة رائعة

اقترح بأن تكون ليلة خميس مثلاً ولو الساعة واحدة مو مشكلة اما ياعروبة الساعة واحدة مو زابطااااااااااااا بنووووووب
وخاصة وانا اليوم اول يوم اداوم فيه

معاكم لو على الرفرف

**دمعة آسااااء** · 18 Aug 2009, 01:24 AM

فكره حلوه عروبه

يسلموووووووووووووووو

ياليت تحطيني احتياط اذا تأخر عضو اكون انا البديل الجاهز

بس الوقت لو كان الواحده افضل لكن نظرى لظروف البعض مافيه مشكله

**شمـــاليه** · 18 Aug 2009, 01:26 AM

ياملا العافيه ياعروبه دائما افكارك مثمره
من رايي تصير يوم خميس والساعه 12
عشان الكل يكون متواجد ولا فيه دوام
ويعلن عنها قبلها بيومين للأحاطه
وابشري بالفزعه اللي تبينه انا حاضره
لتس ورده بيضاااا

**ابومحمدالزوبعي** · 18 Aug 2009, 01:33 AM

يعطيك العافيه عروووبه فكره رائعه انا عندي فكره بالنسبه للجوائز الى أصحاب المحلات التجاريه والمؤسسات اذا يستطيعون ويدفعون جوائز للمتسابقين راح يكون لهم اعلان مجاني على تواقيع الأعضاء المشاركين ..
بارك الله فيك عروووبه دائماً مبدعه

**ابو متعب** · 18 Aug 2009, 02:53 AM

ياليت تسجلينن عرووبة بمسابقتكم

ليلة الخميس أعتقد مناسبة للجميع الساعه الواحدهـ ليلا"

**kermalk** · 18 Aug 2009, 05:38 AM

أقدر أصير مع لجنه التحكيم كان مابه نصيب بالقرعه والحظيظ ملوي كان مابه كلافه وتقوين عليه عروبه الله يبارك بعمرك ويامبطك عروبه منين نخشتيه هااللعبه أخبرة برمضان قبل الفطور تجي كان ماني واهم

آخر المشاركات

الموضوع: مسابقة للاعضاء لمن يحب المشاركة . . .؟؟

أدوات الموضوع

تقييم هذا الموضوع

عرض

مسابقة للاعضاء لمن يحب المشاركة . . .؟؟

مواقع النشر (المفضلة)

مواقع النشر (المفضلة)

ضوابط المشاركة