مستشفى رفحاء ام مقهى وشيشه ؟

[كورن فليكس]

الزائر لمستشفا رفحاء العام يلاحض التجمع او التجمهر امام بوابه الاسعاف بقسميه ( رجال .نساء ) هذا التجمع الغير

حضاري والكون من بعض الممرضين الجدد ومن يعز عليهم من اصدقاء اتو ليتجاذبو اطراف الحديث فيما بينهم امام بوابه

الاسعاف الخاص بالنساء .

وكأنهم في سباق يفوز به من يدخن اكثر . من يراهم يعتقد ان التعب قد اخذ منهم بعد ان قامو بأجرا بعض العمليات المعقده

والخطره لايعلم انهم من فئه الخمسه واربعون الف ريال اي تلك المعاهد التي تخرجو منها ولم يتعلمو بها سوا تنسيق لون

القميص مع لون البنطلون وكذا تسريحه الشعر ,

السؤال ــ

هو متى نجد كل موظف بمكانه دون ان نذهب خارجالمستشفى للبحث عنه او الانتضار حتى ينهي سياده (الاستشاري )

من سيجارته ويأتي ليقيس لنا الحراره.؟؟؟؟؟؟؟؟



فاصله

نسمع ج ع ج ع ه ولا نرا طين


اهدي هذه الكلمات الى مدير مستشفى رفحاء العام


ص ـ مع التحيه لحماد رهيمان



تقبلو تحياتي
كورن

[رفحاوي]

حياك الله اخوي ابو فليكس
والحمد لله على السلامة

عنوان موضوعك جذاب ومضحك

على طاري الممرضين والفنيين اللي شايفين انفسهم
مرة من المرات قبل كم سنة ايام ما كان المدير اجنبي
جيت للطواريء والقى كم شايب يتطلبون واحد من اهل البوالطو
ومدري وش وظيفته بالضبط لكن من شكله باين انه من معهد صحي

الشيبان يتطلبونه ويقولون له يا دكتور وهو مسوي نفسه مشغول
دبل كبدي انه ما احترم الشيبان قلت فرصة اعلمه بقدره
قلت : لو سمحت يا دكتور
قال : خير
قلت : انت دكتور نتشرف بك درست وتعبت وتخرجت بعد 7 سنين قضيته بكلية الطب.
بحر بي وعرفت انه فهم قصدي
قلت : ونفتخر بك لانك تقدر الشيبان وتحل مشاكلهم وتريحهم.

مشيت بعد ما تركت على خشته علامة استفهام كبر هالشاشة اللي قدامي.

[السيل]

رفحاوي ... الله يمسيك بالخير والرضاا والعافية ...

ان شاء الله تدوم عليك العافية وجميع المسلمين ...

الممرضين خارج المستشفى يدخنون .... مصيبة .. . ولكن لو قارنت بما يحصل داخل المستشفى سترى ان هؤلاء مساكين ليت كل مصيبة هي كذلك لأصبحنا بألف خير ...

يكفي ان تعلم ان مدينة رفحاء وما شابهها من المدن الصغيرة ماهي الا منفى للرؤوس الكبيرة اذا ما تضاربت المصالح بينهم البين ...
يأتيك وتسمع له جعجعة ... ولو تأملت قليلاً ... لوعرفت الحقيقة وماهي القضية التي من اجلها اتى الى مستشفى رفحاء بالفعل تستغرب ان هذا الشخص عقابه فقط هو النقل من المستشفى الفلاني الى المنفى رفحاء او طريف او حتى عرعر ... تجد تاريخة الوظيفي تخلف مع غباء مع غرور مع ظلم آلاف الاشخاص من عاملين تحت ادارته ومواطنين يطلبون الخدمة ولا ننسى التعديات النظامية التي تدخله السجن ... ومع هذا لا عقاب ولا سجن ولا حتى فصل من الوظيفة على الاقل ... فقط نقل الى رفحاء ....

نعم انا بعيد عن رفحاء ولكن لدي صلة وثيقة جداً بالمستشفى واعلم ما يدور خلف الكواليس .. هي ليست كواليس في بعض الاحيان نرى العرض واضح على خشبة المسرح دون حياء ... حسبنا الله ونعم الوكيل ...

اذا ما اتاك ذاك الاسم الكبير الدكتور فلان الفلاني ... شهادة دكتوراه في الادارة من (( دولة عربية شقيقة )) وما ادراك كم كلفته هذه الشهادة من مال وجهد ... هههههههههه ... العبرة لماذا لم تأخذها من السعودية ؟؟؟ هل عجزت ؟؟ نعم نعرفه من غباءه ... ومن غروره ... ومن تخلفه وجهله ... كيف يصبح دكتوراً في الجهل ؟؟؟ (( الله ما شفناه بالعقل عرفناه )) لا نقول انه اشتراها ... استغفر الله ... نلتمس العذر له ونقول انه فقد الذاكرة و نسي ما درسه في جامعات ( ........... ) هههههه ...

المهم ... نظراً لكفائته العالية ... وجهودة الواضحة في خدمة البشرية ... يعفى من التقاعد ويمدد له سنتين ...

هل بعد هذا تقول لماذا الممرضين يدخنون خارج المستشفى ؟؟ كل قدر بما فيه .......... اصلح القلب كي يصلح الجسد ... والقلب فاسد ...

[الزعيم]

اهلا بك كورن فليكس . وبعودتك الجميلة وموضوع جميل جداً .

ــــــــــــــــــــ ــــــ ــــــــ ــــــــــ ـــــــــــــ ــــــــــ ــــــــ ــــــــ ـــــ
وجه وزير الصحة الدكتور حمد بن عبدا لله المانع بإضافة خدمة جديدة على موقع الوزارة في الإنترنت www.moh.gov.sa تحت مسمى "صوت المواطن" تهدف إلى التواصل مع المواطنين والمقيمين في أنحاء السعودية لطرح استفساراتهم حول المواضيع التي لها علاقة بأنشطة وفعاليات وخدمات وزارة الصحة, وكذلك استقبال شكاويهم وملاحظاتهم ومقترحاتهم ويمكن توجيهها مباشرة إلى إدارة الإعلام الصحي والعلاقات في الوزارة من خلال البريد الإلكتروني INFO@MOH.GOV.SA أو الاتصال من داخل السعودية أو خارجها على الهاتف 0096614027752.
أوضح ذلك المشرف العام على الإعلام الصحي والعلاقات في وزارة الصحة الدكتور خالد بن محمد المرغلاني و دعا جميع المواطنين والمقيمين إلى ضرورة التواصل مع الوزارة وتقديم اقتراحاتهم وملاحظاتهم عبر هذه الخدمة الجديدة حتى تتمكن الوزارة من تلافي الخلل ومعالجة القضايا, وتمكنها من تقديم أفضل الخدمات الصحية لكل مواطن ومقيم.


(الأحد 24 رجب 1424هـ الموافق 21 سبتمبر 2003م ))((الوطن ))

[همّام]

صدقت أخي كورن فلكس
وملاحظتك ذات قيمه عاليه تأذى منها المراجعون والمرضى خاصة في حال كان الهواء يتجه للداخل حاملا معه روائح السجائر
بالاضافة الى أن البوابه أصبحت أشبه ما يكون بصالة استقبال الاصدقاء مما يؤدي الى تضايق النساء في حال الدخول والخروج
وأحب أن أضيف نقطه وهي :
القسم الخاص بالنساء وبكل بساطه تجد من يدخل إليه من الرجال لمتابعة أمه أو زوجته أو اخته
لا توجد لا فتات واضحه وتنبيه بالخصوصية ولا يوجد رقيب بل وجد من يجلس على الكراسي داخل قسم النساء مما يثير بعض أهل الغيره لمناداة المناوبين لايقاف هذه المهازل

[رفحاوي]

هلا اخوي السيل

ترن معلق على الموضوع وماني راعيه

ما لاحظت من تعليقك اي شي يتعلق بردي !!
اتمنى احظى بملاحظاتك ان وجدت

مشكور يا سيل الخير

[سهرانه]

تسلم يديك كورن فلكس
احسن يوم تروحين للمستشفى اذا كان فيه هوا قوي عشان الممرضين ما بيوقفوا قدام الباب تدرون ليش
يخافون تخرب التسريحة لوووووووووووووووووووول
واحد قريب لي يوم شفته وذيك القصه انا استحيت انه يقرب لي لا ويخز بالنظرات عامل لي جذاب هبلت فيه
بغيت اناديه باسم الدلع حقه لوووووووول المعيارة الشهيرة بالعائلة

[السيل]

رجعت علشانك يا رفحاااوي .. العذر والسموحة ..

بصراحة الموضوع اثارني دورت اقرب اسم عندي وما لقيت الا اسمك قريب ههههههههههه كلكم فيكم الخير والبركه

بالنسبة لملاحظتك حقيقية ... بس انا عارف السبب وراح اسردها لك بشكل طريف ..

شوف ركز معي ... زمان كان اي واحد يلبس بالطو ابيض يكون دكتور مصري او سوداني او اي جنسية المهم مو سعودي .. بعدين دخلو السعوديين مجال ( البالطوات ) <<== جمع بالطو بالعامّي

طبعاً دخلو المجال عن طريق المعاهد الصحية ...

كان الناس في البدايات ما يفرقوا بين الدكتور والفني والممرض والاخصائي ... اي ( بالطو ) ابيض معناه دكتور

طبعاً سعيدان ولد حميدان ولد صعفق لابس بالطو قبل شهرين يخبرونه يشوي طيور في المحرقة !! ؟؟؟( فني ) لالالا طبعاً ولد جيرانهم يسمع المدح يقولون فلان صار دكتور وولدنا ضايع بالشوارع ....

المهم صارت ردة فعل عكسية .... الغيرة ذبحت ولد الجيران وصار كل ما جاء طاري سعيدان قال تراه ولا شي ( خرطي ) فني لا هو دكتور ولا شيء ويحاول الأنقاص من قيمة الفنيين بفعل الغيرة في داخلة ....

وبصراحة الان لا اكاد اسمع كلمة ( فني ) الا ومعها كلمة ( خرطي ) والله وبكل صراحة كل ما سمعت طاري فني او ممرض اسمعهم يتكلمون عنه بأستهزاء وكأنه جاي من الشارع ...
الحقيقة غيرة وحسد ... وهناك تخصصات فنيه دراستها 6 سنوات يعني مدة الدراسة مساوية لدراسة الطب او اقل بقليل ... بس وين اللي يفهم

هههههههههه سالفتي طويلة ...<<== يحلل

بالتالي اصبح الفنيين واصحاب البالطوات من جميع التخصصات حاسين انهم مذمومين في كل الاحوال ... ( خربانه خربانه ) <<== يلعن ام التحليل ..الموضوع بشرق وانت بغرب

شوفوا بقول كلمة للفنين والاخصائين والممرضين ... والله انتم غالين وتخصصاتكم فيها رفع معاناه عن مرضى نسأل الله ان تنالوا الاجر في الدنيا والآخره ....

المريض لا يأتي الا وهو محتاج لليد الحانية التي تعطف عليه ويبحث عن ما يسره .... نحن لا نريد ان نراكم الا في احسن الصور لنشعر بالامان معكم ... ورسالة الى مدير المستشفى ايجاد غرفة خاصة او استراحة للكادر الطبي وبوفيه حتى لا نرى المناظر المسيئة للمرضى ولسمعة المستشفى ...

<<== برضوا ما علق على كلام رفحاوي ... على عيني ههههههه

تحيات القلب الحنون

[رفحاوي]

هههههههههههههههههه

اخوي السيل دمك شربيت قصدي شرباط

منذو مبطي ما ضحكت على مثل هالمواضيع
اخر مرة ضحكت ايام راميش الله يرحمه

بيني وبينك ما اعرف وش الوظايف الصحية
كنت اسولف مرة مع واحد رفيق لي خريج كلية العلوم الطبية التطبيقية
يقول بعد 6 سنوات دراسة عينونا على وظيفة (فني اشعة)
وبعد فترة حدثوا لنا وظايف (اخصائي اشعة)

بيني وبينك ماني هاضم وزير الصحة
خاصة بعد جولاته السرية

اقول شكلك تبي تودينن بداهية
ترن رجال منضبط من البيت للمسجد للدكان للبيت مرة اخرى
مع السلامة ههههههههههه

[السيل]

اهلا رفحاوي ..

منهو راميش ؟؟

لا يكون راعي البوفيه اللي بالصناعية ؟؟ اللي كان مدير المدرسة يكفش الطلاب المفركين عندها ؟؟ هههههه
مرة كفشني المدير عندها .... بس طلع يوم خميس ... ههههههههه ( امزح )

اظن ما فيه طالب برفحاء ما اكل عنده ...

ــــــــــــــــ
المهم خلنا بالمفيد ...

لعلمك الفنيين في المستشفى في رفحاء وغيره ... لا يعملون على مستوياتهم الوظيفية المعتمدة لهم نظامياً حسب الكادر الطبي ...

اقصد تجد فني اشعة يعمل بوظيفة فني مختبر ...ايضاً (( اخصائي علاج طبيعي )) ولاحظ كلمة اخصائي يعني اقل من الدكتور بشوي دراسة 6 سنوات وسنة امتياز يعمل بوظيفة ممرض !! ( راتب ضعيف جداً مقارنة بسنين دراسته ) ويتساوى مع اللذين درسوا سنه وسنتين ( راتب ) !! ليس اقلال من شأن الممرض ولكن هناك مستويات ونظام يحفظ للدارس في المجال الطبي حقوقه ... ولكن ؟؟؟ ولكن عذرهم مثل عذر وزارة التربية والتعليم .. مافيه وظايف شاغرة خلك .. اشتغل فني الين ربي يفرجها ونلقى لك وظيفة اخصائي ... وسنين وسنين ..

اذا كان مدير المستشفى بنفسه ( لا يفقه ) .... يقول للأخصائي ... اذا ما عندك مرضى منومين وفي اوقات الفراغ تعال اشتغل ممرض ؟؟؟؟ اقسم بالله هذا اللي حاصل ( يحسبهم عمال شيل من هنا وحط هنا ) .. واذا رفض ( وش جاب الاخصائي للممرض ) ( حرام المرضى وش ذنبهم ) رفع فيه غياب او اي شيء لأنه ما سمع كلامه .. باقي يقوله اذا غاب الدكتور تعال اعمل عملية مكانه !!

احم احم ... ههههههههههههه تصدق مرة قال للأخصائي انت اليوم ما عندك شغل تعال وقف على باب الادارة ولا تخلي احد يدخل علي لأن عندي اجتماع ؟؟ تحسبوني ابالغ ؟؟ ( لعنبوا ابليسك راتب الأخصائي كثر راتبك مرتين ) الله العالم اني ما زورت اي كلمة ... قال الاخصائي (( انا آسف )) انا عملي معروف واذا فيه مرضى انا جاهز ( يبي يشغله بواب ) ... قال طيب انا اوريك ... رفع فيه تحقيق يقول ( يرفض الاوامر ) وخصم من راتبه و انذار.. طبعاً ما قال اللي حصل بالتفصيل ولا قال وش هي الاوامر المطلوبة .. لأن الوزارة لو عرفت ان المدير طلب كذا من الأخصائي .. كان شنقوا المدير على الاشارة اللي عند المستشفى ... بس الحقيقة غير واللي ينكتب بالورق غير هههههه ..

بعد كذا ومع ضياع الحقوق ...!!
تكفون خلوهم بحالهم خلوهم ياخذون راحتهم لأنهم فقدوا الكثير من حقوقهم نظامياً واجتماعياً .. منين يجيبون نفس للشغل او للأبداع .؟؟

... حلوة قرصة الاذن ... والجايات أكثر ..

الف تحية ..

[رفحاوي]

هلا السيل

هذا راميش الله يسلمك واحد من عيالنا بهالمنتدى
حبيب وابن حلال وما يخلى من تغرش وجيه خلق الله

بعدين ليه تلفلف وما ترد على ردي
ما قلت وش رايك بوزير الصحة ؟ هههههههههه

[السيل]

هلا رفحاوي ...

الجواب ... وزير الصحة يجنن ما شالله عليه شخصية ولابس بشت من النوع الغالي ...

<<== خايف

[كورن فليكس]

اللهم زد وبارك وش هالردود
رفحاوي . السيل. الزعيم .همام . سهرانه
شاكر لكم تفاعلكم مع الموضوع
لكم تحياتي

[ابوملاك1977]

السلام عليكم ورحمه الله وبركاته
اود ان اشكركم على هذا المنتدى الرائع وعلى الاهتمام بالمصلحه العامه
ولاكن هناك بعض الكذب والافتراء فيه مثل يقول (كل طير وله شبيه) فأنا من ابناء هذه المنطقه او بالاصح المحافضه يأخ السيل بالله ابي اسأللك سؤال بس وش يعرفك بالنظام او بالدراسه شكللك بس تبيع علف وغنم وتعلمت الانترنت عن طريق الهوايه واسمك يدل على معناه فلو سألتك او سألت اي واحد رايح يقولي ان معناه السيل وش ياخذ معه ياخذ كل ماهو جيفه وزبايل الله يكرم القراء وكل شي يقابله بطريقه يعني مايعرف يفرق بين الحلو وغير الحلو
وسوف اتكلم عن الموضوعين الي كتبت عنها:
1-الشهاده
انا اقرب مثال لك حاصل على الشهاده الماجستير من جامعه بالسعوديه ودرست وكافحت لين حصلت عليها وزميلي حصل على شهاده من خارج السعوديه تعرف وش سوو لي ولا اشي ابد موضف عادي زيي زي اي موضف حاصل على شهاده الثانويه ام بالنسبه الى زميلي فلا بل اعطوه احلى منصب اداري وايضا بدلات وممميزات ................الخ
طيب قلي وش الفرق الي بيني وبين زميلي
اقولك لان التعليم داخل السعوديه غير معترف به بعكس خارج السعوديه معترف به2000%
لان داخل السعوديه الواحد راح يقدر ياخذ الشهاده بالواسطه بعكس الي ماخذ الشهاده من الخارج فعشان كذا ماراح يقارنون بيني وبين زميلي الي درس بالخارج
بس حبيت اقوللك اذا كان لك اخ او قريب يدرس بالخارج اسأله وهو راح يعطيك الجواب ويقولك ان الدراسه خارج السعوديه صعععععبه بمعنى الكلمه
2- المسميات الوظيفيه انت تقول يجيك اخصائي ومسماه الوظيفي فني وتقول انا المدير يأمره بأن يكون بواب يأخ السيل بالله الله عطانى عقل وحن بكل صراحه ناس وشعب يفهم.
كيف مدير يخلي فني اقصد اخصائي يكون بواب ياخي والله هذي ماتدش بالراس
وبعدين لا تفتي في اي شي وانت ماتعرف هالحين عندك ناس في المستشفى حاصلين على شاهده البكلريوس ومتوظفين على المرتبه31 او 32 قلي وش تبي المدير يحطهم تبيه يحط واحد مدير شؤن الموظفين والثاني مدير الشؤن الماليه انا عارف انك ماراح تقدر اتجاوب لانك ماتعرف الاداره
اذا كنت صادق بالنسبه للاخ السعودي فترى فيه وزاره واذا مافادت الوزاره فالله يسلم ماعزيبنا والله لا ياخذون حقه وزياده وانا اول من بياخذ بيد السعوديز
""""""""""" ولكم جزيل الشكر"""""""""""

[السيل]

ابو ملاك ...

اولا انا ما كتبت الموضوع هذا وردودي الا وانا عارف ومتأكد انه فيه جيفة راح تسجل بالمنتدى علشان ترد ... بالعكس استغربت التأخير ..

ثانياً / اذا تبينا نرد عليك ... حدثنا بما يعقل ... انت وجهك واحد معاه ماجستير ؟؟ يا اخي صحح الاملاء عندك والله لو وصلت الثانوية كان عرفت تتكلم احسن من كذا .. ايه ايه .. صدقني واضح انك من اول متوسط لثاني متوسط .. شكلك مستخدم بالمستشفى ههههههههه عفواً حاول مرة اخرى ههههههه
لكن صحيح عقدة النقص واضحة ... لأن المتعلم اول شيء يعرفة احترام الناس ... من البداية( كذب )

ثالثاً / انا اعذرك لأنك جاهل واللي مرسلك تسجل وترد ما راح ينفعك اذا تهزأت بالمنتدى ... والاهم ما ينفعك امام الله وانت مدسوس وتقول ما لا تعلم ...
اذا تبي تحاورني يا ليت تكون عندك معلومات كاملة علشان موقفك ما يكون بايخ وتبدأ بداية قذرة مثل وجهك غنم ومدري ايش ...

الاهم اني ما اكتب من راسي ... وسالفة الماجستير والدكتوراه اللي من برااا ما نبي نفتح فيها موضوع ... اذا جبت لي دكتوراه من جامعات معروفة بأمريكا او بريطانيا اقولك على عيني وراسي ...

لكن تجيبها من دول فقيرة ومن جامعات غير معروفة وتقعد سنين تجيب من الواسطات علشان يعتمدها التعليم العالي ...
فما فيه داعي نفتح مواضيع ونلف وندور .. وخصوصاً اذا كان الجميع يشهد لك بالغباء في الدراسة ونجحت من مرحلة لمرحلة بالواسطه والدف ... فجأة يروح لي سنتين برا وجاي يقول انا دكتور ... وش رايك فيه ناس تجيب لك الدكتوراه وانت جالس هنا .؟؟ انت عارف كل شيء وجاي تدافع عن شخص معين ومتحمس ... بس ياليت هالشخص قبل كل شيء يتقي الله ويحترم نفسه ولا يستخدم الجهلة والمرتزقة اللي مثلك بالرد .. اذا فيه خير يجي يواجهنا هنا ...

وتقول لي حدث العاقل بما يعقل ... نعم يستخدمهم بوابين بطريقة ملفوفة ويقول لهم وقفوا على باب مكتبي ... وانا ما راح اخذ واعطي معاك بهالخصوص لأنك ( مرسول ) وكلمة مو مصدق انه يوقفهم على باب مكتبه ( يخساا يوقفهم ) بس طلب منهم اكيد انت ما راح تصدق !! انت وش عليك ابسط يا عم اكيد واعدك بأجازة والا مكافأه هههههه

اجل شلون المساكين اللي يطلب منهم الطلب هذا ؟؟ مو مصدقين اكثر منك وهذا دليل على شهادة الدكتوراه اللي من برا ..
واذا مو عاجبك كمان حتى البوابين برا والحراس كرهوا عيشتهم وفصلوا لأن الراتب ما يسوى تتحمل اهانات ... وخصوصاً وضعهم مساكين ..

انا ما قلت مطلوب من المدير يعين ويوظف .. انا كنت اتكلم عن الوزراة ومشاكل الوزارة وما جبت طاري المدير بخصوص الوظايف ... بس انت تحاول تغير وتلف بالموضوع وتضيع القارئ ... صدقني لو حسيت انه اللي قدامي انسان يفهم ويعرف يحاور ويفكر بالمصلحة العامة ويركز على النقاط الغير مفهومة بكلامي صدقني كان حاورتك ... بس للأسف .... اقسم بالله انك مفضوح ... وارجع للي مرسلينك وقول لهم كذبة انه معي ماجستير وهالخرابيط ما جابت نتيجة ... خله يفكر لك بطريقة ثانية بس ما اظن يقدر لأن كلكم اغبى من بعض ...

اها صحيح .. اذا كنت تحاول تحاورني علشان تعرف معلومات شخصية عني او عن المتذمرين في المستشفى ... اقول لك ذا بعدك .. لأن انا اعرف القذارة اللي هناك ..وتحاولون تدورون اي واحد ليصبح كبش فداء ... لا المعلومات اللي عندي عن المستشفى ... جتني بألهام من الله ... عندك شيء ؟؟

رجاء من المشرف العام ... يا ليت تشوفون صرفة مع هالاشاكال اللي يسجل علشان يقل ادبه ... نبي حوار هادف لمصلحة الناس ... اتمنى اني اقدر احاور فيما بعد بدون ما اقل ادبي انا ... اريد حوار رااااقي

غير كذا انا ما راح ارد عليك الا اذا زادت مشاركاتك عن 10 مشاركات ... علشان نقدر نحدد مستوى غبائك وعلى هالاساس نقدر نتكلم ..

اما بقية الاعضاء ...

اذا شايفين اني مخطئ ... وان كلامي كله غلط ...
يا ليت تقولون لي خلاص اسكت ... بس مو هنا على الايميل وتوضحون لي الاسباب

لأنه ما يهمني التشهير .. اريد المصلحة العامة ولو كانت المصلحة بسكوتي ... والله راح اسكت

هذا هو ايميلي

ah11ah@hotmail.com