نصيحة لكل فتاة تقع تحت تهديد ذئب بشري

[$الوميض$]

السلام عليكم,,

مشكووووور اخوي رفحاوي على غيرتك

على بناتنا اللي يمكن اخطأو ويبون يتوبون

بس يمنعهم واحد بلاضمير ماهمه الا أرضاء غرائزه الحيوانيه

اعزكم الله.

لكن ياأخي اخالفك الراي لان البنت اللي اخطت انا اقول مالها الا اهلها

وهم اولى الناس بمعرفة اللي يصير مع بنتهم ولو انه المفروض يتابعونها قبل لا يقع الفاس بالراس

ومافيه اغلى من شرف الانسان وان ضاع الله لا يفضحنا وش قيمة حياة الانسان

اتوقع انا نتفق على هالنقطه.

اما رجال الهيئه وانا هنا ماراح اقول زي مايقولون العلمانيين والفسقه انهم مهم اهل للثقه لا

فمنهم ناس وضعو امام اعينهم مخافة الله سبحانه واحتسبوا عملهم لوجه الله

لكن كلنا يعرف ان رجل الهيئه بشر ومو معصوم عن الخطا ومعقوله انه يكون من بينهم المنافق

والمسترزق وارذل البشر لان السرائر مايعلم به الا الله سبحانه

اضف لذلك انه ماراح يكون احرص على البنت من اهلها ولي امرها ايا كان اب او اخ او عم او خال

وسمعنا كلنا قصص كثيره عن ناس منهم والعياذ بالله خانوا الامانه وفعلوا الفاحشه في بنت هم ماسكينها

في وضع مخل مع شخص وبحجة انهم يسترون عليها يهددونها اما بالموافقه على الرذيله معهم او الفضيحه

وقتها هالبنت الضعيفه والخايفه ومع ناس ماتخاف الله شراح تسووي!!

الله لا يبلى مسلم انشاءلله وانا مااعمم هالشيء على رجال الهيئه كلهم لا والله بالعكس انا اتمنى ان دور الهيئه

مايحجم مثل ماهو واضح في كثير من المدن الكبيره وبعض الاسواق اللي لناس من اللي بالي بالك!!

بس عاد انا من وجهة نظر متواضعه اطرح الحل الاسري وانه الافضل في نظري ويكون قبل المصيبه مو بعدها

هذا واتقبل مني فائق احترامي لك اخوي واشكرك مره ثانيه للموضوع المهم ولا تبخل علينا بفكرك البناء


اخوك

الوميض