مالقاها غير منهو عسكري @#@ بالزياده والعلاوه وراتبين

[فهد محمد]

احلم الله يهديك وشبك شان حمله

على المدرسين وين التقدير

ياخي الله يسامحك من الساعة

سبع الى الساعة وحده وحنا

واقفين على قدم وساق ولنا لعلعه ولجه

حنا ياطويل العمر ست ساعات يوميا

ست ساعات فعليه فعليه ماهو دق حنك

بالمكاتب وماينزل على خشمكم الذباب

تقول تشحذه الجنه ربك ابخص ,

والله تعب عليكم الدوام الساعه الثامنه

وفوقه بعد ولا يروق الاخ إلا الساعه التاسعه

يخلص معامله ويروح يدق فيها فطور الى الساعه

العاشره والنصف ويجيك يمسح بطنه واذا اذن الظهر

طلع ولا يجي الا الساعه الواحده وتلقاه جالس عند دفتر

التوقيع ويطالع الساعه ذبحتونا ياتعال بعد الظهر

يابكره ويوم تحسب ساعات عمله الفعليه تلقاها ثلاث ساعات

وعلى هالموال واللي مايخلص اليوم يخلص بكره ( وهز ياوز )

الكلام هذا لبعض الموظفين الحكوميين هداهم الله

راجع كلامك ياعزيزي ولا تصير عجل واحمد ربك

[هرطمان]

صح لسانك اخوي كورن فلكس
لاكن ترانا تعبنا حتى حصلنا االراتبين

[كورن فليكس]

ياهلا وغلا بهرطمان

شرفتنا بحضورك

وصح لسانك يالغالي

وبخصوص الراتبين تصرفونهن بالعافيه على مقاضي رمضان

لك تحياتي

[كورن فليكس]

الغالي فهد محمد
اولآ المنتدى نور بقدومك ويشرفنا انضمامك

ثانيآ على هونك ترا الدعوى مزوح بس حبيت ابين معاناة موضفين بند الاجور والساعات
تدري عاد انتم اكثر من يتعب ولا تفطرون اشكال وانواع ولا عندكم عطلات
انشالله تكون رضيت علينا

لك تحياتي