سواليف " الاطفــــال "

[نادرالوجود]

[poem=font="simplified arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عهدي بها من قبـل تلبـس عبايـه = وأنا بعد قبل البس شماغ وعقـال!!
طفليـن نتهجّـى حـروف البدايـه = الله ياماأجمل سواليـف الاطفـال!!
كانت لنا في كـل شـارع حكايـه = وكنّا نقول علـوم ماهيـب تنقـال!!
وكنـت اتقاسـم مامعاهـا معـايـه = من(عسكريم) التوت,للعلك ابوريال!!
وكانت بعكسـي شاطـره بالقرايـه = تقرأ جزو عـمّ وطـه والانفـال!!
وأنا لـك الله مـن مـواري غبايـه = مدري ابو نقطه هو الـذال او دال!!
وكانت لابويه تشتكـي مـن شقايـه = وتعلّمه كيف اربط الباب بحبـال !!
ياما على ظهري كسر من عصايـه = يقول لي:خلّك وأنا ابوك رجّـال!!
وامي تقـول:ادع لولـدك الهدايـه = خوفي تصيبه كثرة الضرب بهبال!!
لاشفتهـا مـع اول الـدرب جايـه = مدري أنا اللي ملت ولاّ الوطا مال!!
احسّ قلبي يرتجـف فـي حشايـه = ماكنّه الاّ الضيف لاهـزّ فنجـال!!
يامـا عن"السّعلـو" تخبّـت ورايـه = لاخوفوها فيه ثم شافـت ظـلال !!
تقول:خـلّـك ياحبيـبـي معـايـه = واسّتأنس العب عندها دور الابطال!!
وآغار حتّى مـن عيـون اصدقايـه = لاطالعوهـا قلت:تكفـون ياعـيـال



[/poem]

* منقول

[طالب متوسطة]

مشكور على القصيدة

[تربوي]

صح لسانكــ ..
وحياكــ الله ..

[فديتها رفحاء]

قصيده رائعه مشكووور

[شمـــاليه]

تكفون ياعياااال
حياك الله وبياك في منتديات رفحاء اسعدنا تواجدك
صح لسان شاعرها ولاهنت على النقل بارك الله فيك

[نادرالوجود]

طالب متوسطة

مشكوور سرني مروركـ

[نادرالوجود]

تربوي تكـ

صح بدنكـ سرني تشريفكـ

[نادرالوجود]

فديتها رفحاء

الروعهـ مروركـ وتشريفكـ متصفحي

[نادرالوجود]

تكفون ياعياااال
حياك الله وبياك في منتديات رفحاء اسعدنا تواجدك
صح لسان شاعرها ولاهنت على النقل بارك الله فيك

شماليهـ

مشكورهـ سرني تشريفكـ القصيدهـ وحضوركـ

[عقارب]

قصيدة رائعة يعطيك العافية على النقل الرئع

[نادرالوجود]

عقارب

الرائع مروركـ وتشريفكـ متصفحي مشكور