يعجبك في تنسيفته والعقالي**وعند الصحن لازم حضوره ومضمون

[الجامح77]

عيدكم مبارك


كيبورديه وأتمنى أن تحوز على شيء
بسيط من رضاكم:


يالشعــر جعـل فداك بعض الرجالي
اللي بوقــت المعضــلـه مايحضرون
**
أطيبهــم بوقت الأمــــــور الثقالي
جـــواله مـقـفــل ولاشيف له لون
**
يعجبك في تنسيفتـــــه والعقالي
وعند الصحن لازم وجوده ومضمون
**
وإلا أنت تأخـــذ عني هموم حالي
ولامن دعيتــك أكبر همومي تهون
**
أبمدحك لك قدر بالقلب عالي
يامترجم ٍ مشـاعــر إنسان مغبون
**
ويامنجــد الضــايق قصـــير الحبالي
ياحاكي إحساس متغرب ومسجون
**
ياموصــل ٍ غالي يبي قــرب غالي
من دونه الحســـــاد واللي يعذلون
**
ياواصــــف ٍ حــالي وماقد جرالي
إليا عجزت أنطق وأنا حيل محزون
**
يامخفف حمـــــول ٍ تهد الجبالي
عن حملها قصران الأيمان يبطون
**
شي ٍ بسيط أهديت لك من خيالي
وشلون أبَوفي لك حقوقك شلون
**
ليتك بشر وأعطيك أغلى حلالي
وأقول لك تستاهل الطيب بالعون
محبكم/
ماجدالعواد

[شمـــاليه]

شاعرنا ماجد العواد
حياك وبياك وكل عام وانت بخير..
قصيده جزله من شاعر مبدع ..
صح لسانك وعلا شانك وننتظر ابداعك القادم
لاهنت

[عاشق الطيب]

صح لسان الشاعر

[عقارب]

جميلة القصيدة الذي كتبتها

والجمل ان تفرحنا بما هو جديدك ننتظر جديدك

[الجامح77]

شاعرنا ماجد العواد
حياك وبياك وكل عام وانت بخير..
قصيده جزله من شاعر مبدع ..
صح لسانك وعلا شانك وننتظر ابداعك القادم
لاهنت

مشرفتنا


شمــاليـــه


الله يحييك ويبقيك

وكل عام وانتي بخير وصحه وسلامه

وصح بدنك ولاهنتي على المرور الجميل.


تحياتي

[تربوي]

صح لسانكـ على القصيدة ...