السلام عليكم ..
صبحكم الله بالخير ..

القراءة تبدأ من تعويد الأطفال من صغرهم على مسكة الكتاب .. طبعا مايصير نعطيهم على طوول مجلدات يقرأونها .. لكن نحببهم في القراءة عن طريق مجلات الأطفال المصورة بطريقة تجذبهم ..
ثانيا - قلة القراءة نتيجة متوقة طالما أنه في أمور أخرى أسهل ونأخذ منها خلاصة الكلام بضغطة زر وحده ..أيضا ظهر مايسمى بكتب الجيب .. كتب صغير ومختصرة فيها كلمتين ورد غطاهم .. حتى الجرايد اليومية .. صارت العالم ما تقرأ إلا الصفحتين الأخيرات وخلااااص ..

أما مسألة الأكثر مبيعا .. طبعا في العالم هذي قوية محد يصدقها واللي حاطها على كتابه نصاااب ومشلوعه عينه .. لكن أحيانا تلاقي مكتوب أفضل الكتب مبيعا حسب استطلاعات الجريدة الفلانية .. أو حقق أعلى مبيعات خلال الشهر ..
الكتب الحين صار الهدف من تأليفها هو الكسب المادي في الغالب .. عشان كذا أكثر الكتب مترجمة ولا عندنا شي نضيفه .. وإن وجد المؤلفين .. فغالبا - ولا نعمم - يفتقدون للمصداقية أو يتعمد مغالطة كاتب آخر ..


منذ فترة حسيت بتأنيب الضمير لأن صار لي سنة ما قرأت لأي مؤلف سعودي أو حتى عربي .. فاستحيت على دمي وقررت أخصص نزلة للمكتبة عشان أشتري كتب من ثقافتنا .. ونقيت كم ديوان شعر ورواية كبدااية يعني لمؤلفين سعودين .. أتوقع كان اختياري سيء - ولا نعمم بعد - لكن الله يفشلهم إن كااني ماقريت من هالثلاث كتب معلومة أو فائدة صااحية ..
يعني فوق ما أنه إجراءات إصدار الكتاب قلق .. مايدققون على المحتوى !!! أهم شي مايتكلم في السياسة وبعيد عن الإباحية .. وخلاااص !!!؟

ما أقول إلا الله يرحم الحال ... الحديث يطول

شكرا هبوب الريح .. ويعافيك ربي ..