شباب مفقودين /هام جداً

[رفحاوي]

قرووووووووه وليتهم ما قروه

كنا متونسين قبل ، بس ذكرتهم بالتسلية والتجارب وشاركوا بهاك المواضيع.

قبل ما ترد كانت المواضيع الجديدة مستنعة

وعقبه صارت المواضيع الجديدة:

عطن وصف للي عقبك

خذ بيض وافقشه على راس اللي تبي

الخ

تهقاهم يعاندون ؟!!

اقتنهم يعاندون

[ابو شنب]

ههههههه

هلا هلا يارفحاوي

ان جتك هقوات ابو شنب اللي ماتخيب

ان اللي رفع هالمواضيع ماهو منهم

فلاكن اللي رفع المواضيع واحدن مقرود يبي يكيدهم

مثل قولت تذكر الاسامي ياناسي

[$الوميض$]

[align=center]

مشكوووووور يالسلهومي,,,

وياعساك ماتفقد غالي ياحيي انت

وانت مثلك عارف بعض الناس يمكنه يكون مشترك في عدة منتديات

ومنتدى رفحاء واحد منها والبعض الاخر يكون مشرف في منتدى ومرتبط معه

ارتباط كبير بسبب الظغط فالمواضيع والردود..

ومنتدى رفحاء أنا من الناس اللي جيته بلهفهه كبيره فالبدايه والله يذكر الدب الداشر..والمختلف..وحمود18 بالخير

هم اللي اول من قالوا لي عنه في احد الاجازات اللي جيت فيها للديره وماكنت مصدق ومن وقتها وانا مسجل

لكن انا لي تقريبا 5 شهور اشوف الامور بدت تسير نحو التسيب وتوزيع التهم والتهكم على الفاضي والمليان

المشكله في كل موضوع وفي اي موضوع حتى الشعر والتسالي ماسلموا من هالجهال حسبهم الله ونعم الوكيل

حرام مرات يذكروني بايام مشاكل دوري الحواري ولا بمشاكل الكنود والا الشارع الاصفر اللي اذا وقفت بجنب واحد خزك

ولا التفت يمه صفطك ليييييييييييش تناظر!!

وانا مااقول الا ياصبر ايوب يالمشرفين وربي انكم تجاهدون مع هالعالم جهاد

المشكله بعضهم ماتعرفله ماتدري صدقه من كذبه وشوي تلقاه منحليله وشوي يقلب الا هو على التنده وبدوووون سبب

بصراحه هالوضع مايريح ولا يخلي الواحد ينتج انا مااتكلم عن نفسي انا اتكلم بلسان اغلب الشباب اللي منقطعين

لاني اناقشهم وجه لوجه واسالهم وكلهم ردوا بنفس الشي

لانه الواحد العاقل غير المريض النفسي!!

الانسان المتزن والعاقل مايدور لنفسه عالمغثه ويباشط له ناس مايبون لا حق ولا باطل يبون بس يباشطون ومهما قلت وفعلت

فانت غلطان وراح تجيك اسوء الالفاظ من انسان يمكن لو انك تعرفه برا تلقاه مايسوى ريال مقطوع

اما المريض النفسي فهالجو يصلحله وهو الجو اللي يدور عليه ويستانس فيه مع المباشطيه اللي مثله

ومن هذا يستنتج الكل غياب اقلام مهمه عن المنتدى للاسف او ندرة حضورهم وانا اكيد مو واحد فيهم لاني على قد حالي

وين الاديب صلاح وين حديد وين الشاعر كورن فلكس وين الوايلي وين المختلف وين القلم الرائع الدب الداشر

وين عاشقة الجهاد اختنا المثقفه وين حمود 18 وين شارع 20

والكثييييير من الاخوان المبتعدين

عالعموم اللي اتمناه من الجميع انهم يصلحون حالهم واللي هم معنين بكلامي هذا وكلن يعرف روحه

واتمنى التوفيق كل التوفيق للمشرفين واقولهم الله يعينكم علينا وعلى مشاكلنا

واتمنى من مقاهي النت برفحاء مايدخلون اللي اعمارهم اقل من 18 سنه عالاقل هبال الكبار ولا رعونة الورعان


وشكرا مرة اخرى لك اخوي السلهومي


اخوكم

الوميض[/align]

[ابو رزان]

[align=center]


وانا مااقول الا ياصبر ايوب يالمشرفين وربي انكم تجاهدون مع هالعالم جهاد
[/align]

اعجبتني كثيرا هذه العباره واني اجدها اصابت وفي الصميم ايضا

شكرا اخي الوميض

وجميل ان نرى اشخاصا مثلك يقدرون مانقوم به ويحسون بما نحس به

مثل هذا الكلام يخفف كثيرا من معاناتنا

[ابو رزان]

حقيقة اخي الجنرال اثرت كثيرا في نفسي الى درجة قد لا تتصورها

وما مثلك من يقبل راس مثلي

ويعلم الله اننا لا نشك فيك ابدا

بارك الله فيك ولك