اقتباس المشاركة الأصلية كتبت بواسطة الزعيم

بالله كنت طفل وعندك ذكريات جميلة . بس شكلك ( مقرود وشقي ) وانت صغير ..

عطنا من هالذكريات ... واول مدرسة درست فيها . (( ازا بتريد ))

ههههههههههههههههه

تحسب اني جاي لهالدنيا انا ووغداني مرة وحدة؟!
لا
لا ثانية للتاكيد
كنت وغد زيي زي اي وغد بهالعالم.

اول مدرسة نهلت منه علوم العلم والمعرفة مدرسة هارون الرشيد.

الموقف الله يسلمك ولو انه محرج لكن مو مشكلة اقوله لاننا كنا وغدان ما نفهم:

تون دارس باول ابتدائي وعقب ما ركدت بالصف (مثلي مثل اي وغد توه داخل)
قبل ما يطلع المدرس وقال لي خلك عريف واي واحد يشاغب علمن عليه.
(يمكن اختارن لانه شاف بي ملامح القيادة او لاني اكبر راس صراحة مدري)
كان وقته العريف له هيبه زيه زي العريف بالحرس.

الطلاب كل واحد شابك يدينه وحاطهن على الطاولة.
(تكرمون) واحد من الطلاب الله يذكره بالخير بدت تطلع منه ريح وبدت السيول تنزل على الكرسي والارض.
ومحاكيكم يتابعون الوضع بكل ترقب وانتباه.
الولد لا استاذن ورفيقكم ما قال له اطلع (ما عندي تعليمات اسمح لهم يطلعون).

جاء المدرس وسال فيه احد شاغب ؟
قلت ايه هذا واشرت على الولد (حسب تقديري الشخصي اعتبر هالسيول مشاغبة).
التفت له وكان الولد شابك يدينه وجالس بكل ادب وكان هالسيول باندونيسيا.
صاح عليه المدرس وقال له قم رح للحمام (تكرمون)
وليته ما قام
تدرون ليه ؟!



والا بلاش يكفيكم اللي جاكم.

(تكرمون)