رحت لكندا بس بقى لي 3400

[رفحاوي]

[align=center]رقم المشاركة 3400

المشاركات كثيرة وخايف اعلق وتروح علي المشاركة 3400 بغير هالموضوع.
(فهمتوا شي ؟!! ما علينا خلونا نشوف تاليته معي)

بشهر شوال سافرت مع حدى هالشباب لكندا وابي اعطيكم نبذة مختصرة عن هالسفرية وكنا موزعين حاجات السفر بيننا.
كنا ناوين نوفر قيمة التذاكر الحكومية عشان نحوله داخلي ( يعني اقدر اروح انا واهلي كل اسبوع لرفحاء لمدة ست شهور) ونقص تذاكر مخفضة من الخطوط. بعد محاولات وروحات ما لقينا حجز بسبب الكرسمس (تكرمون).

كانت مهمة الحجز على رفيقي
حجز لنا على الخطوط السعودية
والتموين الغذائي على محاكيكم
جاء وقت السفر
صرفوا لنا فلوس مصاريف سفر
رفيقي استدلخ وقال لي ان الفلوس صرفت له وانا ما لي شي
قلت حاشا وكلا باكر اروح لهم واطلعهم من عيونهم.
(متوقع 99.999999 % انه يعقب بس على قولة المثل خلك مع رفيقك لحد الباب)

رحت لهم وقالوا لي الفلوس لك مهي لرفيقك.
كلمته قال تامر امر وانا مصدقك والفلوس اجيبه لك
(مهو كانه يهدينن ؟!)
المهم عطانن بعض الفلوس وقال اجيب لك 3400 اخر الشهر لان صار علي ضغط.
قلت : مو مشكلة.

سافرنا

كان خط السير الرياض - باريس - منتريال -اوتاوا
كانت الرحلة مهي مباشرة لباريس ... كانت تمر فرانكفورت بالمانيا.
قابلنا بعض خوياي اللي اعرفهم ايام الجامعة بمطار الملك خالد
وكان واحد رايح لالمانيا.
بعد ما جاء موعد السفر توادعنا
(احسب ان طيارتهم غير)
مشينا حنا واللي الرجال يجي معنا
قلت اجل معنا على الطيارة
قال ايه
قلت حياك الله
(اقول بقلبي الله يعينك تنقع ساعة بباريس)

يوم طارت الطيارة اللي يعلنون انه رايحة لفرانكفورت وبعده لباريس
والتف لرفيقي قلت مهي مباشرة لباريس ؟!
قال ايه بس نسيت اقول لك.
(قلت بقلبي الله يعين)

وصلنا فرنكفورت وبعد ساعة طارت
ووصلنا لباريس
لازم نغيير على طيارة الخطوط الكندية عشان نروح لكندا.
يوم جينا طالعين الطيارة ونلقى اللي يشيك على الجوازات
يشيك على الصورة والتاشيرة بطريقة استفزازية ومحرجة قدام الناس ويسال
وين رايحين
منين جايين
وش تبون
الخ

تعبت من الكتابة ابي اختصر
وصلنا كندا وكله ثلوج
درجة الحرارة 10 حدر الصفر

ارجع للموضوع 3400

بنص ذو القعدة قابلته وقال لي الفلوس جاهزة اذا تبيهن.
قلت ايه محتاجهن
قال مهن عندي هالحين واجيبهن لك الاسبوع الجاي.
جاء اسبوع
وبعده اسبوع
ما كلمن
واكلمه امس وقلت له محتاج الفلوس
قال ليتك مكلمني اول عطيت الخدامهة فلوسه ... اخر ذو الحجة
قلت ان شاء الله

وش رايكم يرجعهن والا اتخلف الله ؟!![/align]

[اخطبوط]

من ناحية الفلوس

فلعل صاحبك الآن معسر

ومن معسره إلى ميسره

بس ما تلاحظ يا رفحاوي

انك كل شوي وكلما تبلغ مشاركاتك عدد معين تجي وتقولنا حصل كذا وكذا

طيب هذي ملاحظة

[الدب الداشر]

ههههههههههههههههههههههههههههههههههههه

رفحاوي شكل 10 "حدر" الصفر بمقياس رفحاء

الفلوس بيبي يعوضهن الله عليك أن شااء الله بس أحشره أنا أبن آخيك لاتخليه يروغ

وخلك معه لحد القبر قصدي الباب

[همّام]

بما أن الرجل يقول ليتك مكلمن أول عطيتهن الخدامة
يمكن أقول الله يعوض عليك إن لم تكن لحوحا جدا

عندما تصل مشاركاتي ( 43000) سأذكر لك قصة القرضه الحسنه والعاقبه السيئة
والله يعوض علي وعليك

[رفحاوي]

هلا يا اخبطوط الخير

لو ادري انه معسر كان مثل العسل مساعدته
ولو ما يقوى يردهن كان سامحته بهن
لكن يسذب بالبداية ويقول ان الفلوس له
بعدين يوم قال الفلوس جاهزة وقلت ابيهن قال بعد اسبوع
وطنش

الموضوع مجرد بوح مني لكم لا اكثر ولا اقل

دبدوب

وراه وراه
يروغ اروغ معه
يقمز اقمز
الخ

عندنا روحة عقب العيد
استلم مصاريف السفر واخذ فلوسي وارجع له الباقي
واذا ما جاز عن سذبه شطبت اسمه
ننتظر ونشوف

اخوي همام

الله يعوض علينا وعليك وعلى كل مسلم
يسعدن اني اشوفه تمشى بهالمنتدى
لك غيبة ووحشة
الله يشفي مريضكم ومريضي ومرضى المسلمين.

ما ندري يبقى لنا عمر نحضر المشاركة رقم 43000 والا لا
بعدين انت مشرف وصعب تشارك باي موضوع او تقول اي كلام
مهومثلي اقول اللي ابي واشارك بالمواضيع اللي ابي

قل لنا قصة القرضة الحسنة.

[ليث]

ههههههههههههههههههههههههههههههههه

على قولتنا قبل::::::::::::: بالعيد اللي ماااااابه حلاو


الله يعوضك

[رفحاوي]

ههههههههههههههههه

ان شاء الله ناكل الحلاو والفليسايه

مشكور يالليث مشكور

[ليث]

س مو بالعيد

الا على فكره شرايك تكفلني عند ابن احمد

[رفحاوي]

احم احم

بدا الاحراج

طيب مو مشكلة

تامر امر

حاضر

حاضر


ليييييييييييييييييييث

ترهن 3400 ريال مهو مليون .

بعدين ابن احمد ما يقبل كفالتي .

[المهندس]

الله يعوضك خير

بس كانت باينه من اولها

هذا يبي تحشره حشر

بس نصيحه اخويه اللي بالشكل هذا .... لا تصاحبه

[رفحاوي]

هلا بالمهندس وغلا

مهو رفيق لي خاص
قصدي انه يروح معي
يعني مهو انا اللي اخترته

هو صعب يماطل واجد
لان مهو من مصلحته يخسرن
اشيله واحط واحد بداله
ويخسر اضعاف هالمبلغ
وانتهى الموضوع

[اخطبوط]

مدام الموضوع كذا اجل احشره حشره (بس = قطوه ) بزاوية

[رفحاوي]

الله يكتب اللي به خير .

[رفحاوي]

ابشركم رجعن الفلوس.

اتصل علي يوم السبت يعايد ويقول فلوسك جاهزة.

[ليث]

اجل اللي يبي سلف يفرع