لأجل الشمال وريحة الطيب والهيل==حتى اتجاه البوصلـة جـا شمالـي
مدري عشق بافعالنا فزعـة الخيـل==مدري عشق فينا صعـود المعالـي
مدري عشق فنجالنـا والتعاليـل==او عشقه اكبر من مساحة خيالـي
او لاجل [شمّر] متعبيـن المعاميـل==او [ لعنزة ] من دار غالـي لغالـي
او لاجل ربعي فزعتي عزوة [رويل]==خمس الجمـوع ومحتميـن التوالـي
كذا اتجاه البوصلـة دون تحليـل==بس الاكيـد ان اختيـاره مثالـي
دار الشمال وعدلها يسبـق الميـل==ومن شانها اعشق من هبالي هبالـي
دارٍ تغنـي فـي كرمهـا مواويـل==وطيبٍ يفوح ببوح صفر الدلالـي
ولاجل الشمال وريحة الطيب والهيل==افخـر اذا قِيـل انتمائـي شمالـي

الشاعر/ خالد كليب العليمي الرويلي