اقتباس المشاركة الأصلية كتبت بواسطة أبو هيا مشاهدة المشاركة
ويحتاج العدل في تقسيم الواجبات ويحتاج الانصاف في التقييم السنوي...ويحتاج من المدير توفير كل المواد اللي تساعده على اداء عمله..

بصراحه المدير السعودي مقارنه بالامريكي يفشل

هذا همه يطور نفسه وعيال عمه ودائما نائبه فاشل علشان مايتفوق عليه ويحارب المميزين بينما العكس موجود عند الامريكي..جهدك وذكائك الفيصل في الامر..

تجربة السعوديين في الاداره قصيره جدا وان شاء الله انها تتطور اكثر اذا تثقف المجتمع شوي..هالحين اذا عاقب المدير ولد عمه كل القبيله ماتكلمه..وانا اتذكر الشئ هذا في رفحاء..اعرف مدير طلب نقل واعرف صديق لعاب شوه صورة ابن عمه المسؤول فقط لأنه وقف بوجه تلاعبه واهماله..لكن الغريب ان ابو المسؤول هذا يقول ماتوقعت ولدي مروح فشلني الله يلعنه...ومره كنت في مجلس..وجا شخص لشايب وقال له ولدي عسكري عند ولدك((اثنينهم في مدينه خارج رفحاء)) وولدك رفض يعطيه اجازه..قال كم يحتاج يوم..قال له اسبوع...قال خله يروح ولايرجع الا بعد 10 ايام..وارتفعت الاصوات في المجلس..ونعم وكفو ونعم ....الخ من النفاق الاجتماعي اللي لو كنا في دوله ثانيه كان ادبوا هالشايب بفصل ولده حتى يتعلم انه يعطي اجازات..

الزبده تجربتنا لازالت ناقصه ونحتاج 50 سنه حتى نبدع في الاداره وان ابدعنا فيها يصبح انتقالنا الى العالم الاول تحصيل حاصل..الاداره هي الاساس في كل شئ..

نسيت شئ مهم بعد...الحوافز والرواتب احيانا تحد من طموح المدير..مايقدر يطبق الخطط اللي في راسه بسبب تذمر الموظفين من العمل مقارنه بالدخل اللي يجيهم منه..

تقبل تحياتي

حياك الله أخي العزيز أبا هيا ...
توفير المواد المساعدة تندرج تحت النقطة الثانية (الدعم) ...
الحوافز والمميزات تندرج تحت نقطة التشجيع ...
أتفق معك بسلبية البعض في المجتمع وأختلف معك بتأخر المدراء السعوديين ...
أنت وأنا وكل إنسان متعلم قادرون على تثقيف المجتمع وتنويرهم ...
لدى الغرب مساوئ كثيرة وفساد كبير وقد يكون إنهيار شركات مالية وصناعية كبيرة أكبر دليل على سوء الإدارة والفساد ...
ناهيك عن التقارير التي تُنشر حول فساد مسئولين سابقين إلخ ...
أشكرك على المرور والتعليق والإضافة المهمة أخي أبا هيا ...