السلهومي لو ترجع بالذاكره شوي ورى وتتذكر وش قال المصريين بعد ماعرفو اسماء الفرق اللي معهم بمجموعتهم المؤهله لتصفيات كأس العالم ، قالو حنا الحين نفكر كيف نتأهل للدور الثاني من كأس العالم . يعني التأهل لكأس العالم هذا شي مفروغ منه وهذا فيه إنقاص للجزائريين وهذا اللي اشعل الصراع بين المنتخبين . وبعدين سالفت السكاكين والسواطير هذا كلام مشكوك فيه وليس اكيد . الكلام هذا سمعناه من طرف واحد وهم المصريين، الاطراف المحايده كلهم يقولون لم يردنا شي واذا وصلنا شي بنعرضه للعالم . اخواننا الكسالا السودانيين قالو انه حدثت مناوشات وهذا شي كنت متوقعه لأن المصريين في مباراة الإياب كسرو حافلة المنتخب الجزائري فأكيد الجزائريين بيردون عليهم بالمثل وعلى قولة صقيقي وحبيب ألبي نيوتن " لكل فعل ردة فعل "

بقول لسموك شي شفته على احدى القنواة المصريه . كنت اتابع البرنامج فحطو مقطع لجمهور جزائري شايلين سكاكين فقالت المذيعه شوفو الجزائريين وهذا المقطع صورناه وقت المباراة والضيوف اللي معه جالسين ينفخون على النار وشوفو الجزائريين ياناس شوفو اللي عملوه . المهم طلع واحد من الضيوف فقال بقول كلمة حق . المقطع اللي طلع على الشاشه جاني على الأيميل وشفته قبل تقام المباراة بأربع ايام ( يقول المقطع هذا لمباراة بين فريقين جزائريين ) فلم يكن من المذيعه والضيوف الا التلعثم قليلا ثما غيرو الموضوع ميه وسبعين درجه عشان يرقعون الموضوع اللي حطو انفسهم فيه ( شوف التجني كيف )


بقول لسموك حادثه ثانيه وردة على لسان احد ( الأشغاء) " السودانيين " يقولك كان موجود في احد الفنادق بحكم انه يشتغل فيه وكان عنده مجموعه من المشجعين المصريين ، المهم شافو مجموعه من الجزائريين يعبرون الشارع ويوقفون سيارة اجره للذهاب للمطار فقام احد المصريين المتواجدين بالفندق بالاتصال على الشرطه السودانيه وقال لهم ان مجموعه من الجزائريين محاصرين الفندق اللي هم فيه " انا ماأدري هل هذا تجني ام خوف اما ماذا ( إرحم يافصحى )

السلهومي تدري وش السبب الرئيسي للفوضى هذي كله ، السبب وبإختصار ان مصر لم تتأهل لكأس العالم وهي المنتخب اللي كان ضامن التأهل قبل أن تبدأ التصفيات .

مانقول غير انشاء الله تنتهي هالقضيه بأسرع وقت .

مابي اكتب اكثر بحكم اني تعبان ومزكم وجالس اناشق والنشقه كأنه مسكت بريك يسمعه اللي بآخر الحاره

قبل اروح شوفو لنا مباراة ثانيه ، ترى تسبدي تفركن على التحليل ههههههههه

يالله عن أزنكم بروح احتسي قليلا من القهوه وادفي نفسي