صار خير
جايزاني كنت قاسي ياحياتي
وجايز انه داخلك قلب ٍ كسير




والأكيد..أعمى وصرتي لي عصاتي
عقبها..من حبك أصبحت البصير




صرت أشوفك..وين ماطالع..جهاتي
كنتي النعمه..وانا جيتك فقير




جيتك اتسوّل غلاك وقلت هاتي
قلتي خذني..وانفرش دربي حرير




طيب ذاتك دلّني في طيب ذاتي
كان حلمي دلو..قلتي هاك بير




وابتدت رحلة وجودك في غلاتي
واكتمل نور الغلا بدر ٍمنير




وقتها لملمت في حبك شتاتي
لين بعثرني شذاك من العبير




عقبها غنيّت من لحن أمنياتي
صغت لك نوتة وفا عبر الاثير




كنت عاتب..صرت انا اعاتب سواتي
غلطه وراحت وانا آسف كثير




طمنّي قلبك وقولي لا تحاتي
وان سألك شصار..؟؟قولي:صار خير