*,*~.·°¯`·.)) قصصكم اليومية . . لنتعايش ونستفيد .. وترويح عن النفس (( .·`¯°·.~*,*

[شمـــاليه]

موضوع رائع ياعروبه..
وكل ماجيت اكتب اتكاسل وأقول ابي أأجله .. المهم..
0
0
العام بعد ماتم ترشيحي وزينت اوراق المطابقه الاولى بقى المطابقه الثانيه
وهذي تتم في فرع المنطقه اللي انا مقدمه عليها..
مشيت انا وابوي الله يخليه لنا ووصلت بحدود الساعه 8 وربع للمندوبيه ودخلت لمبنى التوجيه..
اول مادخلت نزلت عباتي وكنت لابسه رسمي < اول مره تروح توجيه
ورحت للغرفه اللي اسمع فيها اصوات ودخلت عليهن ولقيت كل الاستاذات
جالسات بالارض حول الدفايه ولابسين لفه على شعورهن < كنت احسبهن المستخدمات
أنا / السلام عليكم
هن / وعليكم السلام هلا يااستاذه تفضلي < بحفاوه كبيره
وقامو من الارض تفضلي تفضلي انا استغربت صراحه وابتسمت وصافحت الجميع
عاد هالفرع دايم يسبون موجهاته حيل ويوم شفت الحفاوه قلت اكيد المستخدمات < طااااط
المهم..
ويقولون لي اجلسي تفضلي قلت ابي الاستاذات وينهم؟؟! بعد ماخلصت كلمتي الا اشوف وحده اعرفها من الاستاذات وادري اني طحت بمطب وهن اسكتن قالوا لي من الوزاره ؟ قلت لا مرشحه ونازل اسمي وابي اطابق اوراقي
قالوا كلهم بصوت واحد اهااااااااااااااااا < كأنهم يقولون اويييييييطي رثعتي بنا نحسبتس موجهه
ويرجعن يجلسن جلستهن الاولى خخخخ
والله اني افتشلت حيييييييييل بس شقيت الابتسامه وقمت اناظرهن
وماقصرن صراحه معي ..
هذا الموقف كل ما اشوف موجهه جايتنا اتذكره ..
وسلامتس