ذيبه

**kermalk** · 27 Dec 2009, 11:40 PM

قصيده اروع من الرائعه اتمنى تحوز على رضاكم

يابوي جعلك للبقا والمكاسيب
عمري بدونك يالذَرا ويش أبي به

يابوي تسأل عن شفاك المراقيب
طلعة سواتك للنّوايف غريبه

ليه المرض مايعرف الزّين والعيب ؟
مايدري انك للمخاليق هيبه !!

أبسألك وش به غزا وجهك الشيب
والقلب لايع والنواظر شحيبه

وش بك تحاتي لانوى الموت تغريب
تخشى علينا بالليّالي الكئيبه

خذ دلّتك واركى على مسند الجيب
وعطني شماغك بلثمه وأحتمي به

ونروّح لأرض ٍ بها العشب والطيب
وتسمع كلام ٍ يالغلا تحتفي به

يابوي بنتك لانحكى بالتّجاريب
كل ٍ يشق لهيبه الصّيت جيبه

يابوي ماني من سوات المخاريب
اللّي تجيب لعليَة القوم خيبه

وماني من اللّي لامشت حفّها الرّيب
أنا من اللّي مايدنّس حليبه

مرفوع شاني عن غرام المكاتيب
وأكبر من انّني أرتضي بالحبيبه

أنا غرامي لابتدوا بالتّراحيب
نفوس الأوادم في وجودي رحيبه

وان كان زيني فتنة ٍ للمصاويب
أحط وجهي بالحريق ولهيبه

زيني أبيعه وأشتري سمعه الطّيب
اسم ٍ ينومس بالصّروح الذ ّهيبه

وان كان عندي ( بالحلا) شي ٍ اصعيب
عندي جدود ٍ مارضت بالغليبه

دموع القبايل في لقانا مساكيب
كن المقابر لاحضرنا قريبه

خضّبت لك كفّي من العز تخضيب
ورفعت راسي للنّجوم الصّعيبه

والله لأسدّك بالفعول المصاليب
والله لأشيلك بالرخا والمصيبه

طلع المعالي مانحكم للشّواريب
بنت ٍ وأناطح فارس القوم طيبه

وياشيخي إبشر لوتدور الدّواليب
بنتك إلا منّه عوى الذّيب ( ذيبه)

**شامي الدهيمان** · 28 Dec 2009, 12:03 AM

سلمت ذائقتك

دمت بخير

**kermalk** · 28 Dec 2009, 12:35 AM

المشاركة الأصلية كتبت بواسطة السلهومي

سلمت ذائقتك

دمت بخير

الله يسلمك ويحييك السلهومي

**كسار** · 28 Dec 2009, 01:16 AM

قصيده رائعه جدا

**kermalk** · 28 Dec 2009, 01:51 AM

المشاركة الأصلية كتبت بواسطة كسار

قصيده رائعه جدا

الله يسلمك ويحييك كسار

**شمـــاليه** · 28 Dec 2009, 03:12 PM

وياشيخي إبشر لوتدور الدّواليب
........// بنتك إلا منّه عوى الذّيب ( ذيبه)

احببت هذا البيت حتى تمنيت اني انا من كتبه
شاكرين لك على النقل ياكرمالك ولاهنت

**kermalk** · 28 Dec 2009, 10:27 PM

المشاركة الأصلية كتبت بواسطة شمـــاليه

احببت هذا البيت حتى تمنيت اني انا من كتبه
شاكرين لك على النقل ياكرمالك ولاهنت

حياكي الله الشماليه وماتهونين العمر كله أن شاء الله

**عز الخوي** · 29 Dec 2009, 02:32 AM

صح لسانك ولسان من قالها
تسلم على النقل

**kermalk** · 29 Dec 2009, 02:38 AM

المشاركة الأصلية كتبت بواسطة عز الخوي

صح لسانك ولسان من قالها
تسلم على النقل

صح بدنك عز الله يسلمك

**بـــــــــرق** · 29 Dec 2009, 12:36 PM

ذائقة راقيه جدا

الشكر لقلبك

الشمري

**kermalk** · 30 Dec 2009, 12:05 AM

المشاركة الأصلية كتبت بواسطة أورنس الشمري

ذائقة راقيه جدا

الشكر لقلبك

الشمري

من طيبك الله يسلمك ويحييك الشمري

آخر المشاركات

الموضوع: ذيبه

أدوات الموضوع

تقييم هذا الموضوع

عرض

ذيبه

مواقع النشر (المفضلة)

مواقع النشر (المفضلة)

ضوابط المشاركة