قصيدة بشــــاعـر المــلـــيـون

[كــش مــلك]

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مــن عاصـمـة دار الـكـرام اليـمـامـة = اطلـق بنـات افـكـار شـعـري دواويــن
بصـدح بصـوتٍ يصطفـق فــي تهـامـه = ويـردّلـي صــداه مـوجـك يـــا داريـــن
دارٍ لـيـا جـــا الـمــدح فـيـهـا فـخـامـه = الله يخـلـيـهـا لــنـــا قــولـــوا آمــيـــن
وانــا أعـــرف الـــدرب والإستـقـامـه = والشعـر ماهـو بــس ضـمـه وتنـويـن
الـشـعـر ابـعـلـن ثــورتــه وانـتـقـامـه = وادري كثيـر النـاس مـاهـم براضـيـن
الشـعـر راقــي بـــس قـــل احـتـرامـه =وانـا احترمتـه فـي صـدور وعنـاويـن
مــدام روض تـروّضــه فـــي لـجـامـه =والـلـي بـعـد قاسـيـن مـاهـم بقاسـيـن
وبضـرب مثـل عـن اختـبـاء النعـامـه = مابيـن ابيـن ..وبيـن مابيـن .. وابـيـن
واببحـث اسبـاب المـرض وانفصامـه = وابـركـي المخـطـر طـبـابـه وتمـكـيـن
الـشـرنـقـه لــومــا كـبــابــه كــلامـــه = لاكــان قلـنـا مــن فــروخ الشياهـيـن
مـســربٍ شـبـحـه ومـرخــى خـطـامـه = ياصـف علـى المـهـدي بلـيـا براهـيـن
لاشـك ضــاع وضــاع مـنـه التـزامـه = وامسـى يحـب ايديـن ويصافـح ايديـن
بـبـيــن الــواقــع واكــــب الـوهـامــه = واذكـر الناسيـن عـن فــارس الطـيـن
دوّر ســلامــه يــــا مــــدوّر ســلامــه = دام الخطـوط تصـب فــي خــط برلـيـن
فــي شـهـر ذالـحـجـه وكـــلٍ حـرامــه = لــفّـــه عــلـــى مـتــنــه ولله مـلـبـيــن
وانـتــم عـلــى مـنـتـم وكـــلٍ نـظـامــه = فـي مسـرحٍ ساريـن يالـيـل يــا عـيـن
واللـي يجـي فــي درب لــوم ومـلامـه = لابـد لــه مــن خــطٍ احـمـر وقوٍسـيـن
وانــا بـحـدد كـــل شـخــص ومـقـامـه = لا صـار مالـه غيـرةٍ مـع هــل الـديـن
غـيـرة وطــن مـاهـي بغـيـرة هـلامــه = الــلــي جـمـاهـيـره بــنــاتٍ مـزايـيــن
ويــا نـاشـدٍ سـلـطـان تـنـشـد عـلامــه = ادري سؤالـك سيـف والسيـف حدّيـن
وجـهـة نـظـر ولـكــل رجـــلٍ مـرامــه = وانــا لـيــه وجـــه ولاهـــو بوجـهـيـن
تـقــول يــــا سـلـطــان ذب الـعـمـامـه = شارك وخذ لك سجـةٍ مـع هـل العيـن
ابـشــر بـكــاشٍ يـجـبـرك بـإسـتـلامـه = حاضـر بحاضـر جــاك مـاهـو بعـديـن
عـن شاعـر المليـون جـزنـا شهـامـه = شيمة عرب تبقا على العسـر والليـن
وعن بو ظبي عندي طعـوس الثمامـه = تـسـوى دبــي وابراجـهـا وام قـيـويـن
يـاشـاطـي الـراحــه سمـيـنـا قــرامـه = جوايـزك مـن صـرف خـط المساكيـن
وش عـاد وااللجنـة مسـج واستلامـه = الله مـغـنـيــنــا وعــنــكـــم غـنــيًــيــن
نسـمـى مـــادام لـكــل نـبـلٍ سـهـامـه = ونصيب في مرمى الهدف والنياشيين
الـجـايـزة.. جـوايــز اهـــل الـزعـامـه = مـاهــو بمـلـيـونٍ عـطـاهــم مـلايـيــن
آل السـعـود ان كــان للـمـجـد هـامــه = حكـامـنـا بالـعـصـر الأول وهـالـحـيـن
اعــلــى شــــدادٍ قـاضـبـيـنٍ سـنــامــه = حلويـن .. للحالـي .. وللمـر .. مريـن
لاثـارعـج الـحـرب وارهــى عسـامـه = للسلم .. سلـم .. وللحرايـب سلاطيـن
عـدوهــم عــجــزت تـقـلّــه عـظـامــه = يشـرب قهـر لوهـو بخضـر البساتيـن
ودخيلـهـم يـرقـد رغـــد فـــي مـنـامـه = لـــو ان طـلابــه .. ابـــوشٍ وبـوتـيــن
وحـنــا .. ولانـــا قـاضـبـيـنٍ زمــامــه = لا مــا نبعـيـه لاجــل رنـــجٍ وشيـكـيـن
واخــر كـلامـي خاتـمـه فـــي خـتـامـه = الله يثبـتـهـم عـلــى الــحــق والــديــن[/poem]






تسلم يمين من كتبها 00000 لشاعر : سلطان بن عادي المطيري