الشاعره المرحومه بأذن الله عابرة سبيـــل

[فارس الشمري]

[size=آخر ماقالته الشاعره الكبيرة المرحومة بإذن الله ( عابرة سبيل ).
قبل وفاتها بساعات ووجهتها لزوجها..
عندما خرجت من المستشفى سولها زوجها ذبايح بفرحتة بعودة
زوجتة الغالية لكن الاقدار تحكم على الانسان
والأبيات توضح ذلك وتبين ثبات المؤمن وقبوله بقضاء الله وقدره .
وللدعوه للشاعرة بالرحمة
ولأن في أبياتها عبرة كبيرة للمؤمن
وأن كل إنسان سائر على هذا الطريق
وأن الكل راحل لامحاله إن طال عمره أو قصر
:::
"4"][/size]ترى الذبايح و أهلها ما تسليني
أنا أدري إن المرض لا يمكن علاجه
أدري تبي راحتي لايا بعد عيني
حرام ما قصرت يديك في حاجه
أخذ وصاتي وأمانه لا تبكيني
لو كان لك خاطرٍ ما ودي إزعاجه
أبيك في يديك تشهدني وتسقيني
أمانتك لا يجي جسمي بثلاجه
لف الكفن في يديك وضف رجليني
ما غيرك أحدٍ كشف حسناه واحراجه
أبيك بالخير تذكرني وتطريني
يجيرني خالقي من نار وهاجه سامح على اللي جرى ما بينك وبيني
أيام نمشي عدل وأيام منعاجه همي عيالي وأنا اللي فيْ كافيني
علمهم الدين تفسيره ومنهاجه
رحم الله الشاعره عابرة سبيل وموتي المسلمين اجمعين
/
/
/وبعد وفاتها رد عليها زوجها بهذي القصيدة الرائعة والمؤثرة:


حاولت أنام وحاربت عيني النوم **وجاريت صوت مثل صوت الذيابـــه


الجفن كنه صاير بوسطه هـــــــــزوم ** ودموع عيني مثل رش السحابـــــــــه

على وليف ( ن) قالوا اليوم مرحوم ** راح وتوفى ما تهنا بشبابــــــــه

زرت القبور اللي على بعضها رسوم ** و حطيت رسم فوق ذيك النصابـــه

قلبي من الدنيا عليل ومسموم ** والرسم توه عقب حطت كتابــــــــــــــه

أحبها مير القدر صار مقسوم **و تحبها كل الأهل والقرابـــــــــــه

الموت أخذ شجعان وقروم ورخوم **وأخذ رسول الله وكل الصحابـــــــه



رحم الله الشـــــــــــــــــــــــــــــــــــــــــــــــ ـاعره

[ابومحمدالزوبعي]

رحمه الله وغفر لها قصيدة رائعة جداً
شكراً أخي فارس الشمري

[القروي]

ترى الذبايح و أهلها ما تسليني
أنا أدري إن المرض لا يمكن علاجه
أدري تبي راحتي لايا بعد عيني
حرام ما قصرت يديك في حاجه

اللهم اغفرلها وعافها واعف عنها
قصيده مؤثّره في موقف حرج لاحيلة للأنسان فيه ولا احتيال
اللهم اعن من فقدها بالصبر وحزن العزاء انا لله وانا اليه راجعون .

[عمار الزيادي]

ا

الله يعطيك العافية يافارس

قصيدة محزنة رحم الله الشاعرة / عابرة سبيل

ورحم الله أمواتنا وأموات المسلمين أجمعين . آمين

عمارالزيادي

[العابره]

رحمها الله

قصيده جميله

اشكرك

[ولد الحفر]

الله يرحمها ويغفرلها

قصيده جميله

[فزاع]

اللهم ارحم اموت المسلمين جميعنا


ابيات في غايت الجمال

[فارس الشمري]

نشكركم علئ المروووووور رحم الله الشاعره وأسكنها فسيح جناته

[ابوبادي 12]

يعطيك العافيه اخ فارس الشمري
وعلى النقل الرايع

[كسار]

الله يرحمها انشاالله ابيات مؤثره مشكور عل النقل

[فارس الشمري]

مشكورين علئ المرور الاخ ابو بادي وكسار
ورحم الله الشاغره المغفور لها بأذن الله