( 4 )
[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

يااللي خذيت القلب تسرح به بعيد = ماتدري إني ما أعترف بأمنياتي
أبطيت أدوّر حالتي دون تعديد = وأبطيت أدور مابقى من حياتـــي
ياحاكين بالحق من دون تمجيد = يانادر ٍ بالناس دونك شكاتــــي
كنت الوحيد اللي قنص دون مايصيد = خايف من اللي عيونها ناعساتي
خابر قليبي لاهوى صار رعديد = مايتركه ياكود يكتب مماتــــــي
لمحت ريم ٍ عينها تقهر الغيد = أمه تغار ليامشت بالعباتــــــــي
حورية ٍ كنه من أيامنا عيد = وكنه من أشهر ربنا محرّماتـــــــي
وكنه كريم ٍ نازل ٍ يحيي البيد = تبري جريح ٍ مالجرحه شفــــــاتي
الله رفعها فوق مافوقها سيد = ولافوقه إلا رب كل البنــــــــاتي
لولا الرسول بأربع ٍ قال تحديد = أقسم لأعده فوق هالكامــــــلاتي
فوق شهرين وعينه بقلبي تعيد = أستغفر الله وألتجي للصلاتـــــي
قيده ذبحني ومثلها يحكم القيد = ليني جزمت وجيتها ياغنـــــــاتي
أبديت وضعي وفهمت رعدت الإيد = خوفي من إنه تبتعد عن حياتــــي
قالت هلابك واحسب اليوم لك عيد = وصارت سنيني بوصلها رايقاتــــي
كني بجنة قاطف ٍ من عناقيد = ولا أدري وش أبدّي وكلهن مثمراتـــــي
هي الحلا ياناس ولابه مزاويد = بدر التمام الكاملة بالصفاتــــــــــي
يمكن ثلاث سنين تنقص أو تزيد = بالحب عايش مابه منغصاتــــــــي
سمعت عواذل ناسها والمناقيد = أهل الحكايا ولا لهم مكرماتــــــــــي
راحت وخلت دمعتي تحفر خديد = ياما ضحك من رقصها بالعباتــــــــي
راحت وخلت مابقى من تناهيد = أصيح وينه لين يبست لهاتــــــــــي
راحت وقلبي جرحه يعيد ويزيد = لاجيت أنام تجيبها ذكرياتــــــــــي
أبكي عليها وأغلب العيش تنكيد = وهذي شكاتي كان تسمع شكاتـــــــي
كل التمني شر لاتبعد بعيد = وافهم تراني ما أعترف بأمنياتـــــــــــي
[/poem]



رأي اللجنة :

القصيدة جميلة وصوت الشاعر واضح جدا من خلال الأبيات والوصف أيضا أتى بجماليات
قصيده جزله لولا تكرار بعض كلمات القافيه / حياتي / عباتي / شكاتي / امنياتي
من المقبول التكرار في أول بيت ويختم به القصيدة لكن هذا التكرار أثر على مستوى القصيده
علما أن فيها صور جميله والقافيه ايضاء جميله


الدرجة ( 56 )
.