وين انت ياللي عليك الفكر والقلب هام
لاغبت عن قلب محبوبك طيوفك تجيه

حرمت جفن المولع من لذيـذ المنـام
نوم المخاليق عقب مفارقـك مايبيـه

تطري عليه ليامن شفت بـدر التمـام
غير القمر يامليح الوجه مالك شبيـه

لاقلت ابنساه وعهود المحبـه كـلام
والظاهر اللي يبيعه بالغـلا يشتريـه

وليا تذكرت ليله مـن ليـال الغـرام
هلت دموع العيون وحن قلبي عليـه

سلام ياللي عليك القلب ساق السـلام
رغم الغياب الطويل ورغم ظلمك عليه

لامر طاريك ينبضلك غـلا واحتـرام
يهزه الشـوق والدقـات تـزداد فيـه

ابدا عليك التحيـه والعتـب والمـلام
وانكان مالك عذر في غيبتك لاتجيـه

حرام تنهي حياته في يدينـك حـرام
هو يتحرا وصالك وانـت ماتحتريـه