قصة ( تريترا ) بالصوت والصورة . . ( استمتعوا ) . . بالذكريات

[ابو متعب]

ههههههههههههههههههههههههههههههههههه
:d:d:d:d:d:d:d:d:d:d:d:d:d:d
يعني بدل أم 18 الي رفحاوي كان يقول لنا عنه صارت خشيبوووون

هلا بالغالي والوافي تضحك بالجنة يارب

من يتهيا له خشيبون ويرفض ما اتوقع ان رفحاوي يعيي؟

حتى انت يا ابو محمد ان شاء يرزقك بخشيبون كخشيبون رفحاوي

طبعاً على سنة الله ورسوله هاا وش قلت ؟

[ابومحمدالزوبعي]

وش تشور علي يابومتعب ؟
<< يعني ماهو رأيك ؟

[ابومحمدالزوبعي]

تم تهكير الموضوع هههه

[ابو متعب]

رأيي انك تعقلها وتتوكل وتبحث عن أقرب خشيبون ههه

[ابومحمدالزوبعي]

والله يولد تراني ذال ويقولون الجدران له أذان
خاف أفلس من أم العيال ويخرب بيتي خخخخ ولا أحصل خشيبون ههههههههه

[ابو متعب]

أصمل يا ملا الغنيمة ومن سأل ما تاهـ

شف ابو نايف صمّل وعرسه بثالث عيد

مهو بأحسن منّا تلاحق عمرك تر بك كبر ههه

[ابومحمدالزوبعي]

والله مادري يابومتعب أبي أفكر





























فكرت وقررت لا لخشيبوووووووووووووون

[عروووبة]

أهاا
ابو نايف أعرس
وأقول راعي محطة المعيزيلة يقول
بابا هذا فيه واحد نفر يجي يقول (( مافي يمر هنا خشيبون ))
فاهم السالفة غلط الله يصلحه

ابو نايف ترى خشيبون
خرافة خرافة

لاتصير زي اخوياك اللى فوق طاروا بالعجة ؟ .؟

أبو متعب
المرة الجايه
أبى اقص عليك البنت اللى أمه حمامة
بس ماتصلح فيها اختلاط

[ابو متعب]

ابو محمد...بكيفك ان سافطن لك وربيع النفس خشيبونها

عروووبهـ.... ان غداً لناظره قريب ننتظر بكرى ان شاء الله

[ابومحمدالزوبعي]

أجل انت الي ضيع أبونايف
لا لخشيبوووووون

<< عنده ناس هههههههه

[عروووبة]

أجل انت الي ضيع أبونايف
لا لخشيبوووووون

<< عنده ناس هههههههه

وشكله مايجي العيد
الا الاعضاء كلهم
على اربع وعلى ثلاث:d
انت ماشفت موضوعه اللى منزله:i

[أشـــوفك حلـــم]

جاك الحبرتي يرتي وش تعشيه؟

احد يعرفها؟ (:

[عروووبة]

جاك الحبرتي يرتي وش تعشيه؟

احد يعرفها؟ (:

اسمعبها ولا عرفها
لكن نلعب
أعشيه رز

.

[عروووبة]

قصة اليوم

يقولون ياطويلين العمر والسلامة
يوم الدنيا تحكي <<< أبى افهم متى الدنيا حكة

كان فيه عرب وكان فيه بيت شعر تعيش فيه مرة وبناتها وبنت زوجها
المهم كالعادة مرة الأب الشريرة
كانت تلبس بنت رجلها خيشه والبنت كانت دايم تصبغ وجهها بفحم وشعرها منكوش
وشكلها يجيب الهم
وتسوي نفسها (( خبله ))

أيه <<< عاد هنا يتنهدون ويحك أذنه وأنت فاتح فمك تبي القصة

وأما بنتها فكانت دايم تزينه وتلبسها وتحاول تخليها شين ماصار
مير زي ما يقولون ( الزين زين ولو قعد من النوم والشين شين ولو تغسل بفيري << فيري لزوم التطور

وفيه يوم من الايام
جتهن دعوة من الشيخ
مسوي عزيمة لأن وده ولده يشوف بنات القبيلة حتى يختار زوجه

وقامت زوجت الأب تزين بنته وتزكرشها
جتها بنت رجله وقالت: ياخالتي طلبتك أبى أروح معكن للعزيمة
قالت: له له وأنتي وش تبين بالعزايم يالخبلة
مابقى إلا هي
أنثبرى بالبيت وأنا وأختك نبي نروح للعزيمة يمكن يشوفها ولد الشيخ ويتزوجها
قالت : والله ياخالتى بس اقعد بعيد أبى تفرج
قالت أسمعي الحين نبي نروح أنا وبنتي : وأنتي ألقطي الرز ويا ويلك أجي وانتى ماجمعتيه
وهي تأخذ حفنة رز وترشه بالقاع . .
وهن يروحن للعزيمة وتقعد هي تلقط بالرز

شوي إلا صوت حمامه
التفتت البنية وقالت هلا هلا بأمي
طبعا الحمامة هي اللي ربت البنية <<< والله من الصواريخ
ولا تجي إلا لما الشريرة وبنتها مايكونن بالبيت
قالت وين خالتك الشريرة
قالت راحن لعزيمة الشيخ
قالت وانتي ليه مارحتي
قالت عيت مرة ابوى وبعدين شكلي يخرع
قالت أمها الحمامة ولا يهمك
وهي تروح : تحممها وتمشط شعرها وتجيبلها ثوب يهبل هبلان
يوم سبحان من صورها
وهي تطلع هالكالبنت اللي ماصارت
قالت أمها أسمعي أذا خلصتي من الرقص هذي حفنة ( فلفل وحبحر )
رشيه على المعازيم واهربي . .

راحت وحضرت الحفلة
وهي تطب بالملعب
الله يجيركم
وتقوم تلعب بالشعر كنه الشلال
وهي تفضخ قلوبهم منين طلعت عليهم هالقمر
يوم خلصت رقص
وهي ترش الفلفل والحبحر
ويقومون الناس صياح مايشوفون ويعاطسون
وهي تهرب
ولكن وهي تركض طاحت نعلتها<<<< تررارا مؤثرات صوتيه له له طلعت سندرلا

ورجعت للبيت وتلبس خيشتها وتصبغ وجهها بالفحم
يوم أرجعت مرة أبوها وأختها
سألتهن عن العرس
وهن يسولف لها عن البنت المزيونة وياصفن زينها

الحرس لقوا النعلة وأعلن ولد الشيخ البنت إلى تقدها النعلة ستكون زوجته

ومن بكرى داروا على كل القبيلة
لين وصلوا بيت الشريرة
تحاول بنتها الخبلة تدخل رجلها يمين يسار ولا قدرة<<< تبطين أن الله راد
قالوا به احد غيركن
قالت مآبه إلا فلانة الخبلة
قالوا خليها تجي
قالت خبله
قالوا الأمير قال الكل
وهي تجي
ومن حطت رجلها يوم طابقت النعله
وهى تصيح مرة أبوها
وهم ياخذونها الحرس

وزينوها ولبسوها
وهي تطلع أحلى من يوم الحفلة

وزفوها على ولد الشيخ
وجتها بأحد الأيام مرة أبوها
وقالت يافلانة انتى وش اللي زينك
قالت اللي زينن عصيدتك الى تعصدينها لي
وحطي فيها بصل وثوم <<< أبوك يالخلطه لاوالله الا راحت فيها

يوم سمع اخو الشيخ بجمال مرة أخوه
قال أبيكم تخطبون لي أختها

قالوا خبله وما تنفع قال عاد مآبي إلا هي
وهم يخطبونها ويحددون موعد الزواج

والشريرة كل يوم تعصد عصيدة وتجحر بحلق بنتها الخبلة
كل يوم على الحال لين جاء موعد العرس

وهي تزين بنتها
ويوم جاء العريس وزفوه
وهي تصك راسه ريحة الثوم والبصل

فطيس مو عروس
قال اسمعي الله لايبارك فيك
خوذي خيشة الذهب وطسي لأمك
لابارك الله فيك وفأمك

وهي تروح الخبلة وخيشتها فوق راسها تجر أذيال الخيبة

وتوته توته خلصت الحتوته

[ابومحمدالزوبعي]

ههههههه
والغريب ولد الشيخ تعرض جميع البنات قدامه وهو يختار

وينك يابو متعب ياملا أم خيشة هههههه