ثم قررت..

[عروووبة]

^
^
وين وين
خبركم خير

هذاك أول
يوم يقولون أم العريسه لها ناقة

عندى قريبتى
عليها ذهب
ود عينك تلطشه

المهم كل ماحتاج زوجها تعطيه
وذهب ذهب

والله يا افلاطون غامس
أن كل ما تلد أو يكون عيد

أن اساورها من الابهام للكوع <<< قويه ذي لى مو اساور

المهم هو طلع يستاهل وكفو

بلاك من اللى مايقدر المعروف

مير شكل أمك تبي تخرعك يوم توظف

الحين أشتر هدية
ذيك الفخمة اللى فيها عطور
وحط فيها المهر واشتر لعروسك جوال ولا طقم صغير
وحطه بحلقهم

وأم العريسه ان فتحت فمها
ابد كيكة من الموركي
أكتب عليها
(( فديت حماتى اللى مامثله ))

<<< تق أننا للحين بالماضوع

[أرطبون العرب]

أنـا محـرم أني آآخذ من بنات رفحاء وش جااري علي

والله مايعرفن يتفاهمن الا 80 الف أنا عندي حركة أب أروح

للقــصيم يقولون هنا رخيصاات ومهرهن رخيص خطتي

أني أروح للقصيم أقول أبي آآخذ شهاادة من أحد المعااهد <<يصدقون

أنـا لا أبي أروح أبي أخـذ مرة وياوصلت أكلم أهلي أقول أبشركم

أعرست أكيد تكون صدمـة بسس مع مرور الزمن كل شي تمام


((عروووبة لا فعلاً حنا بصلب أم الموضوع))

[عروووبة]

شف افلاطون غامس
حركااات

راح اخليك تكسب ابو العروس
ونرجع الماضوع لصلبه الاول عن العقال

شف تروح يم ابو العروس
وتقوله : ياعمي أنت تبي رجال ولا تبي عقال

كانه طيب يبي يقول لا والله ابي رجال
انت على طول قل : ابشربي جيت اخطب بنتكم

عاد هو يوم يبشربك وكانه طيب
يبي يقول افلانه ولمى الشنطه
ويكرفتها بالعباة

مابو اسهل من هيك

مير الكارثة كان قال : أبى عقال
عاد انت عطه عقال ولد الغابة
واطلع وفراق نسبته غنيمة .
.
.
وش رايك حنا بالماضوع الحين

[أرطبون العرب]

أشوى تونا رجعناا للماضوع المشكلـه مي بالرجال

المشكلـه بالبنت نفسهاا والا الشايب من وراهـ سبحـه وعقال <<العقال بس هلون عشاان الماضوع
وحبت راس وتقول أنت خابر الحال ياعمي ..

والله كان كثرة السعوديةبسس كله من بند المهر وبند البيت

ماهي وجهت نظرك ياأبنت العرب بالبنت التي تطلب بيت ؟ الاتستحي على نفسهاا
كأنهاا تقول ماأبي أعيش مع أمك وأهلك
المشكله إذا لم يكن له أهل بس هو وأمه والبنت تطلب بيت ؟

[عروووبة]

كان مجمع معلمات

وكل وحده تشكى من شاغلتها ومراقبتهن
ووغدانهن ومن هالسوالف

قلتلهن : أنا والله مستغربه منكن
الحين نحسبها
تداومن من 7 الصبح وبعضكن ماترجع الا 1الظهر
ثم تسحبنها نومه للعصر
وبالليل تتفرغ لأزواجكن واطفالكن

يعنى وقتكن مشغول
مافى وقت للمشاكل بين الحريم

طيب ليش ماتسكنن مع اهل زوجك
بالذات اذا البيت مابه الا امه وخواته

منها تحسين بالامان على اطفالك لآن البيت به عمتك وعماتهم
والشي الثانى مشاكلكن يالحريم على المطبخ

جيبي شغاله وتنتهى هالمشاكل
أصلا مابه احلى من جمعة الاهل بالبيت
واذا قصدك تاخذين راحتك
خليه يبنيلك قسم تبع البيت
عرفة
ومجلس
وملحق
بس يكون قريب من امه وابوه

صراحة ولا وحده ردت
أصلا ودهن تنشق الارض وتزرطنى زرقط

[عروووبة]

أما وأنا أختك
كان ماعند أمه وابوه غيره
وتبي بيت لحالها

فيلزم رجلينهم
ولابارك الله بمرة تفرقهم
أصلا ذي مابها خير له . .

[أرطبون العرب]

ماشاء الله عليك أنتي شهامــة واعيــة ..هههخ

تجودي أبي أحذف الموضوع على المعلماات والله يعين ابن الغابة شكله
يبي ينبت براسـه غابة لاقراء موضوعه .

أنـا أشوف أن كل المعلماات معاهن مشاكل مع أزواجـهن
أمـا نبي نتقاسم الراتب وتعيي
أو ليـه تعطين أهلك خمس ميـه
أو لـيه جيت والغدا مو موجـود
أو ليـه ..<<غاير هو بالبلدية لابس شماغ وعقالوهي مدرسة
وأغلب من يتزوج المدرسات طمــعاً براتبهااا
لو أتحفتينـا برائيك كان أفضل هههههههههههههههه

[عروووبة]

شف افلاطون غامس
كل شي يبنى على أساس واضح
راح يمشي صح

من أول مرة المفروض
الزوجة ماتعوده أن يتدخل براتبها
أو بأى شي يخص الفلووس
لآن المال دخل بين الاخوان اللى من لحم ودم وفرقهم

لكن بالمقابل
تكون طيبه وكريمه
وتساعده
بس تحسسه أنه هو رجال البيت وهو المسؤل

هنا راح تقصر عينه عن راتبها
ويفتكون من هالمشاكل

لكن تفكه من شرها وشر هالسوق

طبعا يازين لما تحس ان بخاطره شي
وتجى منها هدية

يعنى اشياء بسيطه
(( جوال ساعة عطر ))
تعزمه باحد الايام بطلعة على حسابها
ياخى حتى لو حجزوا جناح بفندق مابها شي . .

تحسسه أنها ظهر له . . والله تكبر بعينه ويكبر بعينها

أما الطمع
هذا دمار كل شي . .

يارجل اذا يطمع بفلوسها
وربي ذا ماوراه خير

وحده تقول على اقساط
سيارتين
بسبب زوجها
وعشان يبنون بيت
ولا يبقى من راتبه وراتبها شي . . .

قلتلها والله من الفسقة
الواحد يبنى بيت فوق الـ 600 الف
وهم عايشين بالدف
لا و14 مجلس بالبيت
وهو مابه الا هو وهي وطوطين

ليه . . يامسلمين وربي
لاحظت
تكبر البيوت وتفرق القلوب

بخصوص هي مدرسه
وهو اقل مستوى تعليمى او وظيفى
هذي نظرة تدل على صغر عقل الناس

يقولون فلانه تزوجت رجال
الى احلى انهم يقولون فلانه تزوجت أنسان .

[أرطبون العرب]

والله كلامك صحيح ,, ومعقول..


لو راحوا أهلهاا يبحثون عن الزوج هل هو طماع أو لا
الفلوس تغير النفوس

""
بعدين لو مو طماع
والله لو أنه ساكت مايقول شي ماياخـذ من راتبها ريال
وهـي تعطي أهلهاا والله يرتابه بعض الغرور ولو في قلبه وتحـز في خاطرهـ

أنـا أسمحي لي أنا لست من المؤيدين للتدريس والتعليم للمرءة

[عروووبة]

شف مهما يكون
الرجل يبي يحس أن زوجته ملكه
وأكيد تحز بخاطره

اقلها لو مثلا
دايم تمدح اخوانها
وأن مابه زي اخوانها
وشوف اخوانى
وطايحه مدح
وهو لاهو سامع كلام زين ويطب خاطره
ولا هو ممدوح

هذا وهو كلام . .
واذا مايحز في خاطره
فيعذرنى ذا عقال

فكيف وهى تعطي اهلها
وهو ماله ما الجانب نصيب
واذا هي ذكية تحاول تساعد أهلها من غير مايحس اذا كان من النوع اللى يسكت ولا يتكلم
لآن هالنوع هو اكثر ناس حساسين . .

تدرى شو احسن شي تسويه الزوجه وتكسب زوجها من جد
لما ترضيه بأهله

مثلا لما يسافرون
تقوله أسمع أنا ابى اشرى هدايا (( لآمك وخواتك )
وانتى تشرى لأمى وخواتى

ترضيه بأمه
وهو نفس الشي ينطبق عليه . .

واسمع حتى تمشي الحياة صح
عند الزوج يقف اى مدح لآي شخص
ونفس الشي عند الزوجه يقف اى مدح لآي شخص

لآن الغيرة جبلة فينا . .
.
.
ثم شو اعتراضك على التعليم للبنت ؟؟

[أرطبون العرب]

أنـا قصدي أن البنت تدرس إلى صف أقصااه ثانويـة <<تدور وظيفه عسكريـه <<والله قبل
فترة سمعة بل شفت بعيني فتح رابط التسجيل باسلاح الحدود للبنات ..نرجع لأعتراضـــي
أنا معترض أن البنت تدرس الكلية أو الجامعة ثم أنهاا تجلس عند أهلهااا 1ـ ماتتعين ..
إلا مارحم ربك . 2ـ أن التدريس يسبب مشاكل بين الزوجـين وهذا واقع الشعب السعودي
أنا أعرف كم مرة مدرســه مطلقه لليل وكلهاا بسبب الراتب واشياء أخراء
وا الله العالم أن المدرسات متكبرات على أزواجــهن.
،،
سبب أخر لأعتراضي
أن المراءة أفضل مكان لهااا هو بيتهاا .بلا تدريس لو تهتم بأطفالهاا وتربيتهم كان أفضل .
من شغاله تقطه على عياله وتقول ربيهم وبعدين الزوج يجي من عمله كانه يعمل يبي
من يراعيه ويبي الغداء يجي مايلقى مرتـه بل يلقى الخدامه وعيال وش ردت نفسه
بذااك الوقت ؟؟ الظاهر ياقف عند الباب ومعه عقال

أنـا مثل ماقلت وجة نظري ودايم مخطي <<

[عروووبة]

الرابط أنا كنت حاطتوا

شف افلاطون غامس
كان فيما سبق
العيشه هينه وبسيطه

الحين الرجال لحاله مايقوم البيت
وان قومه لحاله قليل تلقاهم عايشين بعيشه الى يتمناها كل انسان

فيه ناس مستعدة تعيش ببيت طين
واتغدى واتعشى خبزه يابسه
وتبي بس راحة البال

لكن يامسلم وين راحة البال
وشلون يطيب خاطرك
وانت تشوف اصغارك يتمنون شي ولا تقدر عليه
وهذا حال كثير من الشعب

ورب البيت
أعرفلك بيوت قايمه على الحريم ووظايفهن
والرجال ماهو ردى فيه
مير شو يسوى عجز يدور ولا يلقى وظايف

اعرف شباب من خيرة الشباب
جالسين حفت اقدامهم يدورون وظايفه ويبون يتزوجون ويأسسون بيوت
يعفون انفسهم بالحلال
مابها شي لو تزوج وحده تساعده
بس يكون رجال يقدر المعروف

يامسلم ورب البيت
ان به حريم لاشغله ولاعمله
نوووم للظهر
والعصر عباتها فوق راسها
من اخت لجاره
والرجال فاتح افهم مقابل الدش

الوظيفه مو عايق

اما الكبرة
انا اعرف مدرسات ومطلقات
ينحطن على الجرح يطيب لاكبرة ولا قلت سنع
مير بعض الرجال مايملى عينه شي

اعرفلك مدرسات وقريباتى
تزوجن عيال عمهن
ولاوظايف ولا هم يحزنون
لكن على قولتهم يشترون رجال وعايشين احسن من كثير من الناس
بس اهم شي ما ياخذها عاده

الوظيفة ماهي عايق ولا سبب

لمعلوماتك
الزوج يجي من وظيفته تعبان
وبعضهم يهاوش ذبان وجهه
وحتى لو تقوله كيفك اليوم . . قال انتى طالق
ونووووم للعصر
ثم يروح للشبه
وبالليل الاستراحه
ياكثر اللى حالتهم هيك

الغامس
كل الطرفين يتحمل مسؤليه

والمشكلة من بداية التأسيس
كلن يرى ان الزواج غاية
مو هدف لتأسيس عائلة

[أرطبون العرب]

كل الطرفين يتحمل مسؤليه

والمشكلة من بداية التأسيس
كلن يرى ان الزواج غاية
مو هدف لتأسيس عائلة

^أعجبتنـــي هــذهـ العــبارة ^

والله ياشهامة كلام صحيح ولا أزيد سوى صمتي ...

[عروووبة]

^
^
شكرا افلاطون غامس

والله يرزقك باللى تعطيك حتى ترضيك
الودود الولود
االحنون الطيبة
ذات جمال ودين
تكون عون لك على بر والديك
.
.
كان حوار شيق
ورائع

والعذر من ابن الغابة لتعدينا على حقوقه
.

[أرطبون العرب]

العفو عروووبة .


ابن الغابة ماهي وجهت نظرك بهذا الحوار ,, أكيد تبي تقول شيق ,,
اعذرنا كله من عقالك شف وين وصلنا وصلنا إلى المدرسات <<وش دخل المدرسات عاد مادري
تابع الحوار من بدايته وشكرا لك أكيد أنك وسيع بال ..