][ من يفيدني بالرجيم الكيميائي.؟ ][

[الدب الداشر]

ابي فكره بسيطه عن الريجيم الكيميائي..
خايفه منه بس داخل براسي اسويه
ابي كيف اسويه وكيفية استخدامه..
وش احسن وقت للمشي وانا جيعانه او شبعانه او نص نص ؟
وعندي مشكله ان اكلي اصلا قليل بس قابله للسمنه
شاكره لك مرورك لاهنت

ابي فكره بسيطه عن الريجيم الكيميائي..

فكرة بسيطة ..

جسم الانسان يا حجية يتكون بنسبة 96 % من اربع ذرات هي :

الكربون , الأكسجين ’ الهيدروحين , النيتروجين .. والـ 4 % المتبقية فهي مكونة من معادن ..
وهو يقوم بالعمل على هذه الذرات وطرق تفاعلها .. من هنا سمي بـ الرجيم الكيميائي ..

خايفه منه بس داخل براسي اسويه
ابي كيف اسويه وكيفية استخدامه..

قرري قرار وهذا شيء راجع لك ولجسمك ..

وتأكدي أن ملايين الناس تستخدمه .. وفيه انواع آمنة ومجربها انا , وكانت ضمن رسالة الدكتوراة لـمستشاري وصديق د . علي ماضي المجول .. رسالته كانت بعنوان " برامج الحمية في المملكة العربية السعودبة " ..

ابي كيف اسويه وكيفية استخدامه..

طبقيه .. ما يحتاج لك تمشين على يدينك ولا شيء .. اكل معين + رياضة لإختصار الوقت وزيادة الحرق ..

وش احسن وقت للمشي وانا جيعانه او شبعانه او نص نص ؟

عشان تفهمين صح .. لما تكونين جيعانه يكون معدل السكر نازل عندك .. وكلما جعتي اكثر كلما نزل اكثر .. عشان كذا في ايام رمضان الأولى نشروا بالصحف وجوب تحليل السكر لمضى السكري - شفاهم الله - ..
والسكر لما ينزل عن 30 اعتقد إغماء وبعدها وفاة .. اذا ما لحق على المريض بتمرة او بإصبعي أو أي شيء سكري الطعم ..

الخلاصة .. ( عشان ما تقولين يتفلسف علي ) .. لما يكون السكر نازل يكون جهدك الرياضي يحرق من المخزون ما يحرق من السكر اللي في الدم .. كيف ؟!

الحين لما تآكلين مثلا ً حلا .. يرتفع السكر في الدم .. وتمشين لك 5 دقايق .. الطاقة الل بذلتيها خلال 5 دقائق ماضية من وين .. طبعا ً بتكون من السكر اللي في الدم .. يعني تستفيدين حركة , ونشاط وتمدد عضلات خلال المشي .. لكن ماراح تستفيدين حرق دهون مخزنه ..

فهمتي هذي النقطة بالذات ؟!

,

وعندي مشكله ان اكلي اصلا قليل بس قابله للسمنه

لو كانت الاضاءة في غرفتك اول ما تدخلي على اليسار .. وأستمريتي 10 سنوات كذا كل ما تدخلين الغرفة ترفعين يدك اللي يسار وتشغلين الضوء .. كل مرة خلال العشر سنوات .. جاء في يوم وبعد ترميم بيتكم تغير مكان الاضاءة الا مكان آخر ..

تتوقعين لو تدخلين الغرفة وهي مظلمة .. وانتي ساهية .. يدك تروح وين ؟

بالضبط نفس الشيء .. المخ مبرمج عندك على وزن عالي .. مهما نزل وزنك يحاول المخ العودة لنقطة التوازن ..

وفي مراحل متقدمة مريت فيها انا كثير وعانيت منها , اكون ماشي على رجيم .. وامارس الرياضة بعنف .. ولا ينزل وزني ولا 100 جرام .. ؟!
وش السبب .. ؟!

السبب ان هذي أسمها النقطة الحرجة .. وفيها المخ يصير إقتصادي بحرق الدهون وبخيل جدا ً .. لدرجة ممكن يقوم تقومين بجهودك كاملة ومضاعفة ولا تحرقين سعرات كثيرة .. بل إن السعرات اللي تحرقها ياقردي وهي جالسة على الجهاز اكثر منك .. والسبب ان المخ مثل ما اسلفت متبرمج على حالة طواريء ومجاعة .. فيقتصد .. سبحان الله .. هذا النظام الرباني خطييييير جدا ً للحفاظ على الطاقة .. في حال الجوع المهلك .. كالضياع في الصحراء او السجن المنزلي مع عدوم وجود احد يطعمك او غيرها ..
وعلاج هالحالة احلا علاج .. تخيلي لما تآكلي وتستمري بالاكل ينزل يرجع وزنك كيلو كيلوين وبعدها تثبتي فترة وترجعين تخسسين تتجاوزين النقطة بكل سهولة ويستمر وزنك بالنزول ..


وحل زيادة الوزن السريعة هنا هو بالبقاء في فترة طويلة في الوزن المثالي .. حتى يتبرمج المخ على الوزن الجديد وبناء ً على الوزن الجديد يحفظ ويصرف ويحرق ويتحكم بكل شيء ..


وهناك سبب آخر وهو أن لديك خلايا دهنية كثيرة العدد ولكنها فارغة .. والخلايا الفارغة بسرعة تتعبأ .. وهذا يحدث مع حالات زيادة الوزن العالية جدا ً من 100 وأكثر تقريبا ً ..

وهناك سبب أخير وأعتقد بأنه الأصح .. وهو أن عاداتك الغذايئة نفسها سيئة ..
فإذا كان جسدك يحتاج إلى 2000 سعر حراري وتأكلي 3500 سعر حراري .. طبيعي سيزيد وزنك .. ؟؟؟
والحل هنا بضبط للعادات الغذائية .. من سيئة إلى جيدة مثالية .. وانا في نهاية هذه المرحلة بفضل الله ..

شاكره لك مرورك لاهنت

العفو حجية , لا هان غاليك وواليك ..