شايب صار مشرف في منتدى

**صادق الاحاسيس** · 29 Oct 2010, 01:55 AM

لايفوتكم هالشايب
خطيييييييييييير
مواقف حدثت لاحد الشباب
مع مشرف في منتداهم
يقول عن هالشايب :
أخينا في الله ... إنسان طيب لدرجة كبيرة و على نياته
في كل مرة ادخل قسم المحذوفات أضحك وبقوة
دايم أحذف مواضيع مخالفة في المنتدى
مثل صور شبه عارية أوموضوع سب إلخ
المهم شايبنا كل وقته يكون في منتدى المحذوفات
ألقاه يعلق وينصح
وطبعاً منتدى المحذوفات ما يطلع عليها غيرالإداريين
وهو على باله قسم مفتوح للكل
المشكلة أن الرد يكتبه تقريباً عشرين سطر
تقدر تلخصهم بكلمتين
ولما أوضح له وأقول المنتدى ما يشوفه غيرنا
قال لا ياخي موجود بالصفحة الرئيسية
لا ويرسل لي عالخاص ياليت تنصحهم معي
حاول مدير الموقع معه ما نفع
قلنا نخليه على وجهه
وفي مرة من المرات
أرسلت له مشرفة قسم رسالة
تحب تستشيرة بموضوع
قالت له فلان بودي أطرح موضوع كذا وكذافي قسمك
ما أدري وش رايك
رد عليها في قسمه يعني نزل موضوع قدام الاعضاء
يقول إلى الأخت الموقرة فلانه
أنا إنسان متزوج وعندي عيال أرجوإني ما زعلتك
أرجو يكون الكلام قدام الناس مو بالرسايل الخاصة وشكراً
من شان كذا طرحت الموضوع ما ابي يكون الشيطان ثالثنا
هههههههههههههههههههه
البنت تركت المنتدى بسببه
والمشكلة المشرف العام يحذف موضوعه ويكتبه مرة ثانية
وحاولنا نفهم بالرسايل ما رضي يفهم
يرد عليه ويقول لابد أنصحها
المهم البنت أظنها لليوم مافتحت المنتدى وأظن النت كله بعد
وفي مرة عقدنا اجتماع عشان نحرك المنتدى
ونسوي مسابقات تحرك المنتدى
كل واحد منا تزهل يعني تكفل ببطاقة سوا فئه 100
المهم صار كل واحد منا يسوي مسابقة
اللي بالخواطر يختار أفضل خاطرة للشهر
واللي في الجوال أفضل برنامج
وهواختار أسئله يطرحها على الأعضاء لمدة اسبوع
واللي يجمع أكثر نقاط يفوز
أخينا في الله ماشي بالمسابقة تمام
بس في آخر المطاف
عند تسليم الجائزة اللي هي بطاقة سوا
تتوقعون وش سوى ؟
بدال مايرسل البطاقة للعضو بالرسائل الخاصة
كتب رد في نهاية المسابقة
يقول مبرررروك للفائز .. ببطاقة سوا
وإن شاء الله يكون حافز للنشاط
وهذا رقم البطاقه0000000000000 سجله قدام الكل
الرجال اللي فاز بالمسابقة يقول وين البطاقة
قال بالرد في الموضوع
قال ياخي ما تشحن
قال والله جديدة
وظني أنه مالطشها الا أحد الزوار أو الأعضاء
يعني بزعمه منظم
راحت البطاقة وتكفلنا نشتري للرجال بطاقة
نرسلها له على الخاص
المصيبة أحياناً ينزل مواضيع في قسمه
ويكتب أرجو التثبيت
وزي منتم عارفين المشرف هو اللي يثبت المواضيع ويفكها
لا هو يكتب الموضوع بالقسم اللي يشرف عليه ويقول أرجو التثبيت
المشرف العام تحمله لسببين
أولهم أنه رجال عمره فوق الخمس والأربعين
والسبب الثاني أنه على نياته وطيب
طولها آخر شيء كتب المشرف العام بطريقة غير مباشرة يقول في قسم المشرفين
يا جماعة ... اللي ما يقدر على الإشراف يقدم اعتذاره
كان المشرف العام يتوقع أنه يرد ويقول أنا أقدم اعتذاري
وش قال هو
قال :
فعلاً هنابعض المشرفين باردين أتمنى يتحركون من شان مصلحة المنتدى
وياليت يتفاعلون مع الأعضاء عشان يوصلون لأعلى المناصب
الرجال يخطط على مراقب أو نائب عام
هههههههههههههههههههههههه

........
والله هالشايب فللته

**شمـــاليه** · 29 Oct 2010, 02:01 AM

خخخخخخخخخخخخخ
بعدين 40 و 45 مو شايب
هذا طبلونه صاك الميه الله يجزاه خير وغير كذا به عرق دلاخه
اجل بطاقة سوى بالموضوع..
قصم لو اني مشرف عام تسان علوم

ينطيك العافيه

**ابونايف** · 29 Oct 2010, 02:05 AM

هههههه

خوش مشرف الرجال باين على نيته والله لو عندنا لنا واحد مثله نبي نضحكـ عليه ...

يعطيكـ العافيه أخي صادق الاحاسيس ونستنا ....

وين مشرفنا الشايب ماينقله لقسم التسليه خخخخ ...

**صادق الاحاسيس** · 29 Oct 2010, 02:14 AM

مشاء الله

اول الردود مشرفين

ههههههههههههههه

فديت الطله

شاكرررر لكم مرورك

**عقارب** · 29 Oct 2010, 02:50 AM

هههههههههههههههههههههههه

ذكرتن بواحد كبير عمره حوالي 37من اعضاء منتدنا هذا وله نشاطه الدايم هنا

قبل فتره صار مشرف بمنتدى ودق على يسالن يقول حطوني مشرف عندهم ولا اعرف شلون الاشراف

الله يعطيك العافيه

**عروووبة** · 29 Oct 2010, 02:53 AM

اضحك الله سنك
صراحة
يعجبنى
طيبن القلب

على النية
وردود افعالهم بيضاء
مثل بياض الغيم

ماتاخذ على خاطرك منهم ابدن البتات البتاء

بالله وين هو به
هالشقردي هذا ؟؟

**صادق الاحاسيس** · 29 Oct 2010, 12:35 PM

اهلين وسهلين

عقاااارب

وعررروبه

فديت طلتكم ولا خلا ولا عدم

**النشمي عناد** · 29 Oct 2010, 01:01 PM

صادق الأحاسيس .. والله ياكثرهم بعد التقاعد ... يدور الإشراف

ويدخل على عمااااااااااااه

مشكله لاصار قليل فهم !!

بصراحه الخطأ من إدارة المنتدى ...

شف لما يحطون على قسم الشعر ... عربجي ولاموشاعر .

ولما يجطوووون بقسم التعليم جنــــــــــدي !

والحوار واحد همجــــــــــــــــي

...

**بصمة مبدع** · 29 Oct 2010, 01:56 PM

هههههههههههههه

اشوف المشرف العام ماله بينه

اكيد ابو نايف جايب العيد هع هع هع

**صادق الاحاسيس** · 29 Oct 2010, 03:41 PM

اهلين ابو ناااايف

ياهلا ويامرحباااا

كلامك صحيح ولكن انا لا اقصد احد مااا في هذا الموضوع

وكل مافي الامر اعجبني برااائه الشايب من قصد المواقف الي حصلت فيها

بصمه شاكر لك

وشاكر لبصمتك الي وضعتها في صفحتي

لا خلا ولا عدم

**المــســتــشـار** · 29 Oct 2010, 04:01 PM

هههههههههه هههههههههههههه فاصل ها الشايب

**صادق الاحاسيس** · 29 Oct 2010, 10:47 PM

اهلين يا عااالمي

فديت الطله

لا خلا ولا عدم

**ابونايف** · 29 Oct 2010, 11:11 PM

المشاركة الأصلية كتبت بواسطة بصمة مبدع

هههههههههههههه

اشوف المشرف العام ماله بينه

اكيد ابو نايف جايب العيد هع هع هع

ههههه

حرام عليكـ اتهام باطل لابد من عرضكـ على شايب المنتدى عاد هو موجود معنا خخخخخ ...

**ابونايف** · 29 Oct 2010, 11:15 PM

المشاركة الأصلية كتبت بواسطة صادق الاحاسيس

اهلين ابو ناااايف

ياهلا ويامرحباااا

كلامك صحيح ولكن انا لا اقصد احد مااا في هذا الموضوع

وكل مافي الامر اعجبني برااائه الشايب من قصد المواقف الي حصلت فيها

لا خلا ولا عدم

اهلين ...

لا عادي عارفين الوضع خذ راحتكـ بس ابو مبدع ملقوف ...

لاهنت ...

**السلطه الخامسه** · 29 Oct 2010, 11:21 PM

هههههههههههههههههههههههههههههههههههه هذا الدب الداشر يا شيب اتوقع كذا يصير به

قصه الضحتني الضحك الله سنك

مشكور ما قصرة

آخر المشاركات

الموضوع: شايب صار مشرف في منتدى

أدوات الموضوع

تقييم هذا الموضوع

عرض

شايب صار مشرف في منتدى

مواقع النشر (المفضلة)

مواقع النشر (المفضلة)

ضوابط المشاركة