صمت الفتاة عن التحرش ماذا يعني؟

[شمـــاليه]

من البدايه .. لماذا يتحرش الشاب.؟ لسبب واحد فقط.. هو رؤيته ضعف الفتاه او خوفها من اقترابه وسكوتها عن معاكسته لها
ومن طبع الانسان إذا رأى الذي امامه ضعيف يصيبه خيلاء و " يتفرعن " و بالتالي يتجراء..
بس اللي يحس ان فيها قوه او لسانها طويل بيهج يخاف تفضحه..

البنت لاصارت واثقه وتمشي واثقه لو هي لحالها والله وبالله مايقربها احد.

حصل موقف معي ليلة العيد في احد الاسواق وامي معي تمشي ماهاب امي وهي حرمة كبيره وجاء يمشي يمد الرقم هي ياعمري اخذته تحسبه يوزعون نشرات انا بدون كلام لفيت شنطتي على يدي حتى تمكنت منها وسددت له ضربه قاضيه و كان ممكن اتصارع معه .. < وامي للحين تبحلق بالورقه وشي
والله انه هرب تعرفون ليه؟؟؟؟؟ لانه عرف اني بفترسه من صملتي على ضربته بكل قوتي

يحصل ازعاج على الجوال ما اعرف اسكت على طول اقرب اخواني او ابوي واعطيه الجوال لين يتفاهم معه..
هم عارفين مافيه لا لف ولا دوران ابطها عليهم فليش اخاف؟

البنت مالها الا اهلها كل شي تحط به علم عندهم على الاقل واحد من الاخوان او الاخوات بس ماتسكت على اي ابتزاز..
وهذي نصيحه لكل بنت ..
إذا كنتي فعلا ً بنت وماعندك لف ودوران من اول مكالمه او اول تحرش بلغي اقرب واحد من اهلك واحذري من السكوت لانه راح يتجرأون عليك..

يعطيك العافيه هبوب واسفه على الاطاله